Michigan

Michigan er fylki í norðurhluta Bandaríkjanna. Michigan er frönsk útgáfa orðs Ojibwe-frumbyggja mishigama sem þýðir „stórt vatn“ eða „stórt stöðuvatn“ og dregur fylkið nafn sitt af Michiganvatni.

Michigan
Fáni Skjaldarmerki Gælunafn: The Great Lakes State The Wolverine State The Automotive State Water-Winter Wonderland The Lady of Lake The Auto State Kjörorð: Si quaeris peninsulam amoenam circumspice (If you seek a pleasant peninsula, look about you)
Opinbert tungumál	Ekkert
Töluð tungumál	Enska
Nafn íbúa	Michigander Michiganian
Höfuðborg	Lansing
Stærsta Borg	Detroit
Stærsta stórborgarsvæði	Metro Detroit
Flatarmál	11. stærsta í BNA
- Alls	253,793 km²
- Breidd	621 km
- Lengd	734 km
- % vatn	41,5
- Breiddargráða	41° 41′ N til 48° 18′ N
- Lengdargráða	82° 7′ V til 90° 25′ V
Íbúafjöldi	8. fjölmennasta í BNA
- Alls	9,995,915 (áætlað 2018)
- Þéttleiki byggðar	67,55/km² 16. þéttbyggðasta í BNA
Hæð yfir sjávarmáli
- Hæsti punktur	Mount Arvon 603 m
- Meðalhæð	275 m
- Lægsti punktur	Erie-vatn 174 m
Varð opinbert fylki	26. janúar 1836 (26. fylkið)
Ríkisstjóri	Gretchen Whitmer (D)
Vararíkisstjóri	Garlin Gilchrist (D)
Öldungadeildarþingmenn	Gary Peters (D) Debbie Stabenow (D)
Fulltrúadeildarþingmenn	7 demókratar, 6 repúblikanar, 1 frjálshyggjumaður
Tímabelti
- meirihluti fylkisins	Central: UTC-6/-5
- 4 sýslur á efra nesinu	Eastern: UTC -5/-4
Styttingar	MI Mich. US-WI
Vefsíða	www.michigan.gov

Michigan er níunda fjölmenntasta fylki Bandaríkjanna með um 10 milljónir íbúa. Það hefur stærstu ferskvatnslínu sjálfstjórnarlands í heiminum og er tengt saman af hinum fimm stóru vötnum, auk Saint Clair-vatnsins. Árið 2005 voru þriðju flestir frístundabátar skráðir þar, á eftir Kaliforníu og Flórída. Í Michigan eru 64.980 stöðuvötn og önnur vötn. Manneskja í fylkinu er aldrei meira en 10 km frá náttúrulegri uppsprettu vatns eða meira en 140 km frá strönd hinna miklu vatna. Michigan er stærsta fylkið fyrir austan ána Mississippi.

Michigan er eina fylkið sem samanstendur eingöngu af tveimur skögum. Neðri skaginn (e. Lower Penisula), sem nafnið á átti fyrst um er oft nefnt „vettlingurinn“ af íbúunum, vegna lagsins. Þegar fólk frá Michigan er spurt hvaðan það kemur bendir það oft á hendi viðkomandi. Efri skaginn (oft kallaður The U.P.) er skilinn frá þeim neðri með Mackinac-sundi, átta kílómetra vatni sem sameinar Huron-vatn og Michigan-vatn. Efri skaginn er efnahagslega mikilvægur ferðamanna- og náttúrustaður.

Saga

Frumbyggjar

Michigan var heimili margra mismunandi frumbyggja í þúsundir ára áður en Evrópumenn hófu landnám. Þegar fyrstu evrópsku landkönnuðurnir komu voru fjölmennustu og áhrifamestu ættbálkarnir Algonkvíin-frumbyggjar ,sérstaklega Ottawarnir, Anishnabearnir og Potawatomiarnir. Anishnabearnir, sem taldir eru hafa verið á milli 25 og 35 þúsund, voru fjölmennastir.

Þrátt fyrir að Anishnabearnir væru vel settir á efri skaganum og nyrðri hluta neðri skagans, bjuggu þeirr einnig í norðanverðu Ontario, N-Wisconsin, S-Manitoba og norð- og mið-Minnesota. Ottawarnir bjuggu aðallega sunnan sunda Mackinac í norður- og vesturhluta Michigan, en Potawatomiarnir voru fyrst og fremst fyrir suðvestan. Þjóðirnar þrjár bjuggu saman í sátt og samlyndi, en það byggðist á lausri stefnu ráðs sem kallað var Ráð hinna þriggja elda. Aðrar þjóðir bjuggu einnig í Michigan, sérstaklega í suðri og austri, en það voru Mascouten, Menominee, Miami og Wyandot, sem eru betur þekktur undir franska nafni sínu, Huron.

  Þessi Bandaríkja-tengda grein er stubbur. Þú getur hjálpað til með því að bæta við greinina.