1657

Ár

Áratugir

Aldir

Árið 1657 (MDCLVII í rómverskum tölum) var 57. ár 17. aldar sem hófst á mánudegi samkvæmt gregoríska tímatalinu en fimmtudegi samkvæmt júlíska tímatalinu sem er tíu dögum á eftir.

Atburðir

Skilti við minnismerki um fórnarlömb Meirekibrunans.

Janúar - Meirekibruninn í Japan eyðilagði stærstan hluta borgarinnar Jedó (nú Tókýó). Um hundrað þúsund létu lífið í brunanum.
8. janúar - Miles Sindercombe og fleiri sem ætluðu sér að myrða Oliver Cromwell voru handteknir í London.
Febrúar - Enski sjóliðsforinginn Robert Blake vann sigur á flota Spánverja í orrustu um Jamaíku sem Englendingar höfðu áður hernumið.
16. mars - Miklir jarðskjálftar riðu yfir Suðurland og féllu hús víða, en mest í Fljótshlíð.
3. apríl - Oliver Cromwell tók sér titilinn Lávarður samveldis Englands, Skotlands og Írlands.
20. apríl - Robert Blake sigraði spænska silfurflotann við Santa Cruz de Tenerife.
10. maí - Gísli Þorláksson var vígður Hólabiskup.
1. júní - Karls Gústafsstríðið í Danmörku hófst með því að Friðrik 3. Danakonungur lýsti Svíum stríð á hendur. Karl 10. Gústaf lagði Jótland undir sig.

Galdramál: Magnús Jónsson í Miðhlíð, sýslumaður Barðastrandarsýslu var borinn galdraáburði sem hann sór af sér og kærði á móti Runólf Þorvaldsson fyrir meðferð galdrastafa.
Stokkhólmsbanki var stofnaður.
Fyrsta súkkulaðibúðin var opnuð í Englandi.