1660

Ár

Áratugir

Aldir

Árið 1660 (MDCLX í rómverskum tölum) var 60. ár 17. aldar og hlaupár sem hófst á fimmtudegi samkvæmt gregoríska tímatalinu en sunnudegi samkvæmt júlíska tímatalinu sem er tíu dögum á eftir.

Atburðir

Erfðahyllingin í Kaupmannahöfn 18. október.

13. febrúar - Karl 11. varð konungur Svíþjóðar eftir lát föður síns Karls 10.
16. mars - Langa þingið var leyst upp.
23. apríl - Svíþjóð og Pólland gerðu með sér Oliwasáttmálann.
25. maí - Konungdæmið endurreist í Englandi með krýningu Karls 2..
27. maí - Svíar og Danir gerðu með sér Kaupmannahafnarsáttmálann sem batt endi á Norðurlandastríðið og Danir endurheimtu Þrándheim og Borgundarhólm.
18. október - Friðrik 3. Danakonungur kom á einveldi í Danmörku með friðsamri hallarbyltingu.
3. nóvember - Kötlugos hófst og fylgdu því miklir jarðskjálftar og jökulhlaup. Gosið stóð fram á vetur.
28. nóvember - Konunglega enska vísindafélagið (The Royal Society of London for the Improvement of Natural Knowledge) var stofnað í London. Félagið telur sig vera elsta lærdómsfélag heims sem enn er starfandi.