1787

Ár

1784 1785 1786 – 1787 – 1788 1789 1790

Áratugir

1771–1780 – 1781–1790 – 1791–1800

Aldir

17. öldin – 18. öldin – 19. öldin

Árið 1787 (MDCCLXXXVII í rómverskum tölum)

Byrjað var að reisa Dómkirkjuna í Reykjavík árið 1787 en hún hefur tekið miklum breytingum síðan.

Fyrstu lögin um friðun hreindýra voru sett þetta ár.

Stjórnarskrá Bandaríkjanna undirrituð. Málverk eftir Howard Chandler Christy.

Á Íslandi

• Um vorið - Vegna ónógra fjárveitinga hætti Hannes Finnsson biskup við að reisa sér hús í Reykjavík og sat áfram í Skálholti.
• 23. júní - Eftir rannsókn á embættisfærslu Skúla Magnússonar landfógeta úrskurðaði kansellíð í Kaupmannahöfn að Skúli mætti halda embættinu.
• Um haustið - Skip kom frá Kaupmannahöfn með efnivið til dómkirkju í Reykjavík og sex iðnaðarmenn til að vinna að smíðinni.
• 31. desember - Einokunartímabilinu lauk og 1. janúar 1788 varð verslun frjáls öllum þegnum Danakonungs.
• Kaupmaðurinn Einar Þórólfsson varð fyrsti borgari Reykjavíkurkaupstaðar.
• Lög voru sett um friðun hreindýra, sem flutt höfðu verið inn á árunum 1784 og 1787.
• Kaupskipið Fortuna strandaði í Eyvindarfirði á Ströndum og fórst öll áhöfnin. Halldór Jakobsson sýslumaður Strandamanna stóð sig svo illa við umsjón með björgun og meðferð strandgóssins að hann var síðar settur úr embætti.
• Suður- og Vesturamti var skipt í tvennt, í Suðuramt og Vesturamt.
• Ólafur Stefánsson varð amtmaður í Vesturamti en Lewetsow, sem verið hafði amtmaður í Suður- og Vesturamti, hélt Suðuramti.
• Ákveðið var með tilskipun Danakonungs að biskupar á Íslandi skyldu vígja hvorn annan en þyrftu ekki lengur að sækja sér vígslu til Danmerkur. Geir Vídalín varð þó eini biskupinn sem hlaut vígslu samkvæmt þessari tilskipun.

Fædd

• 18. júní - Gísli Konráðsson fræðimaður.
• 20. september - Jón Snorrason, bæjarfulltrúi í Reykjavík (d. 1856).

Dáin

• 29. mars - Jón Eiríksson, lögfræðingur og konferensráð í Kaupmannahöfn (f. 1728).
• 5. júlí - Árni Þórarinsson, Hólabiskup (f. 1741).

Erlendis

• 11. janúar - William Herschel uppgötvaði Títaníu og Oberon, tvö fyrstu tungl reikistjörnunnar Úranusar.
• 13. maí - Skip með um 700 fanga hélt frá Bretlandi til Ástralíu til að stofna fanganýlendu þar.
• 13. september -Prússland réðst inn í Holland.
• 17. september - Stjórnarskrá Bandaríkjanna var samþykkt á stjórnarskrárþinginu í Fíladelfíu.
• 29. október - Óperan Don Giovanni eftir Wolfgang Amadeus Mozart var frumflutt í Prag.
• 7. desember - Delaware samþykkti hina nýju stjórnarskrá Bandaríkjanna og varð þar með fyrsta ríkið í sambandinu. Þann 12. og 18. sama mánaðar urðu Pennsylvania og New Jersey það annað og þriðja.

Fædd

• 14. júní - Johan Carl Thuerecht von Castenschiold, stiftamtmaður á Íslandi (d. 1844).
• 22. nóvember - Rasmus Kristján Rask eða Rasmus Christian Rask, danskur málfræðingur (d. 1832).

Dáin

• 28. maí - Leopold Mozart, austurrískt tónskáld (f. 1719).
• 15. nóvember - Christoph Willibald Gluck, þýskt tónskáld (f. 1714).