Wikipedia

Alþingiskosningar 2017

Íslensk stjórnmál

Alþingiskosningar voru boðaðar haustið 2017 eftir að ríkisstjórn Sjálfstæðisflokks, Viðreisnar og Bjartrar framtíðar klofnaði þann 15. september í kjölfar hneykslismála vegna uppreistar æru kynferðisafbrotamanna.[1] Björt framtíð ákvað að yfirgefa stjórnarsamstarfið, í yfirlýsingu var ástæðan sögð „alvarlegur trúnaðarbrestur innan ríkisstjórnarinnar“.[2] Ríkisstjórnin hafði aðeins setið í um ár, eða frá Alþingiskosningum 2016.

Alþingiskosningar 2017
Ísland
← 2016
þingmenn		 28. október 2017
þingmenn		 2021
þingmenn →
63 sæti á Alþingi
32 sæti þarf fyrir meirihluta
Kjörsókn201.777 (81.2% 2.0%)
Flokkur Formaður % Þingsæti ±
Sjálfstæðisflokkurinn Bjarni Benediktsson 25,2 16 -5
Vinstri græn Katrín Jakobsdóttir 16,9 11 +1
Samfylkingin Logi Einarsson 12,1 7 +4
Miðflokkurinn Sigmundur Davíð Gunnlaugsson 10,9 7 +7
Framsóknarflokkurinn Sigurður Ingi Jóhannsson 10,7 8 0
Píratar enginn 9,2 6 -4
Flokkur fólksins Inga Sæland 6,9 4 +4
Viðreisn Þorgerður Katrín Gunnarsdóttir 6,7 4 -3
Hér eru skráðir þeir flokkar sem náðu manni á þing. Heildarúrslit má sjá neðar.
Þingmenn kjörnir úr hverju kjördæmi
Seinasta ríkisstjórn Ný ríkisstjórn
Ráðuneyti Bjarna Benediktssonar
 D   A   C 
Ráðuneyti Katrínar Jakobsdóttur
 V   D   B 
Herbergi fyrir utankjörfundar-atkvæðagreiðslu sem sýnir kjörkassa og kjörklefa í Smáralind fyrir Alþingiskosningar 2017.

Kosningar voru haldnar þann 28. október.[3] Þetta voru 23. kosningar til Alþingis frá lýðveldisstofnun. Að loknum kosningum mynduðu Vinstri hreyfingin grænt framboð, Sjálfstæðisflokkur og Framsóknarflokkur ríkisstjórn undir forystu Katrínar Jakobsdóttur.

Framboð Breyta

Sjö flokkar áttu fulltrúa á þingi sem buðu fram í kosningunum og voru þeir: Sjálfstæðisflokkurinn, Samfylkingin, Björt framtíð, Framsóknarflokkurinn, Viðreisn, Vinstrihreyfingin - grænt framboð og Píratar. Framboð sem ekki áttu fulltrúa á þingi en buðu fram voru: Dögun, Íslenska þjóðfylkingin, Flokkur fólksins, Miðflokkurinn og Alþýðufylkingin.

Alþýðufylkingin Breyta

Alþýðufylkingin bauð fram í þriðja sinn. Flokkurinn hefur aldrei fengið fulltrúa á þing og hlaut 0,3% atkvæða í alþingiskosningunum árið 2016. Um miðjan september árið 2017 þegar ljóst varð að kosningar væru framundan, biðlaði Alþýðufylkingin til stuðningsfólks síns að leggja hönd á plóg og bjóða sig fram undir þeirra formerkjum.[4] Alþýðufylkingin bauð fram í fjórum kjördæmum, Reykjavíkurkjördæmi norður, Reykjavíkurkjördæmi suður, Norðausturkjördæmi og Suðvesturkjördæmi. Degi fyrir kosningarnar sendi Alþýðufylkingin út yfirlýsingu og fordæmdi þau vinnubrögð RÚV að bjóða ekki formanni Alþýðufylkingarinnar að taka þátt í leiðtogakappræðum sama dag.[5]

Björt framtíð Breyta

Björt framtíð bauð fram í þriðja sinn. Flokkurinn hlaut 8,2% atkvæða og 6 þingmenn kjörna í alþingiskosningunum árið 2016 og tók í kjölfarið sæti í ríkisstjórn.[6] Flokkurinn bauð fram í öllum kjördæmum.

Dögun Breyta

Dögun bauð fram í þriðja sinn. Flokkurinn hefur aldrei fengið kjörna fulltrúa á þing og hlaut 1,7% atkvæða í kosningunum árið 2016. Dögun tilkynnti 1. október að hún mundi ekki bjóða fram á landsvísu en eftirléti svæðisfélögum að bjóða fram T-lista ef þau vildu. Dögun bauð fram í einu kjördæmi, Suðurkjördæmi.[7]

Flokkur fólksins Breyta

Flokkur fólksins bauð fram í annað sinn. Í alþingiskosningunum árið 2016 hlaut flokkurinn 3,5% atkvæða og náði ekki mönnum á þing. Flokkurinn bauð fram í öllum kjördæmum.[8]

Framsóknarflokkurinn Breyta

Framsóknarflokkurinn hefur tekið þátt í öllum 23 Alþingiskosningum sem farið hafa fram frá lýðveldisstofnun. Flokkurinn fékk 11,5% í alþingiskosningunum árið 2016 og 8 þingmenn kjörna. Flokkurinn bauð fram í öllum kjördæmum.

Miðflokkurinn Breyta

Miðflokkurinn, nýtt stjórnmálaafl Sigmunds Davíðs Gunnlaugssonar, bauð fram í öllum kjördæmum.[9][10]

Vinstri græn Breyta

Vinstri græn buðu fram í sjöunda sinn. Landsfundur Vinstri grænna var haldinn helgina 6.-8. október.[11] Hreyfingin fékk 15,9% atkvæða í alþingiskosningunum árið 2016 og 10 menn kjörna. Flokkurinn bauð fram í öllum kjördæmum.

Píratar Breyta

Píratar buðu fram í þriðja sinn. Flokkurinn fékk 14,5% atkvæða í alþingiskosningunum árið 2016 og 10 menn á þing. Píratar tilkynntu um úrslit prófkjara 30. september. Píratar buðu fram í öllum kjördæmum.[12]

Samfylkingin Breyta

Samfylkingin bauð fram í sjöunda sinn. Flokkurinn galt afhroð í alþingiskosningunum árið 2016 og fékk 5,7% atkvæða og þrjá þingmenn. Listar Samfylkingarinnar fyrir Reykjavíkurkjördæmin voru tilkynntir 30. september.[13] Flokkurinn bauð fram í öllum kjördæmum.

Sjálfstæðisflokkurinn Breyta

Sjálfstæðisflokkurinn hefur tekið þátt í öllum 23 Alþingiskosningum sem farið hafa fram frá lýðveldisstofnun. Flokkurinn fékk 29,% í alþingiskosningunum árið 2016 og 23 þingmenn kjörna. Flokkurinn bauð fram í öllum kjördæmum.

Viðreisn Breyta

Viðreisn bauð fram í annað sinn. Flokkurinn fékk 10,5% atkvæða í alþingiskosningunum og 7 þingmenn kjörna.[14] Flokkurinn bauð fram í öllum kjördæmum.

Framboð sem ekki buðu fram Breyta

Sósíalistaflokkur Íslands sem varð til þann 1. maí á sama ári ákvað á almennum félagsfundi að bjóða ekki fram.[15]

Íslenska þjóðfylkingin hafði tilkynnt framboð og skilað inn meðmælendalistum þegar í ljós kom að sumar undirskriftir voru falsaðar. Í kjölfarið voru listarnir afturkallaðir, hætt við framboðin og hlutaðeigandi tilkynntir til lögreglu. [1] [2] [3]

Frelsisflokkurinn tilkynnti í lok september að hann mundi ekki bjóða fram.

Skoðanakannanir Breyta

Skoðanakannanir í aðdraganda kosninganna sýndu Vinstri græna og Sjálfstæðisflokkinn sterkustu flokkana. [4] [5] [6] [7] [8] Geymt 2020-08-08 í Wayback Machine

Í könnun sem Félagsvísindastofnun birti þann 7. október eða tæpum þremur vikum fyrir kosningar, kom fram að VG var stærsti flokkurinn með 29% fylgi, en Sjálfstæðisflokkurinn með 24% fylgi.[16]

Úrslit kosninganna Breyta

Á kjörskrá voru 248.502 manns, en kjörsókn var 201.777 (81,2%). Talin atkvæði voru 201.777 (100,0%), en auð atkvæði voru 4.813 (2,4%) og ógild 718 (0,4%).

Flokkur Formenn Atkvæði % +/- Þingmenn % +/-
  Sjálfstæðisflokkurinn Bjarni Benediktsson 49.543 25,3 -3,8 16 25,4 -5
  Vinstrihreyfingin – grænt framboð Katrín Jakobsdóttir 33.155 16,9 +1 11 17.5 +1
  Samfylkingin Logi Már Einarsson 23.652 12,1 +6,4 7 11,1 +4
Miðflokkurinn Sigmundur Davíð Gunnlaugsson 21.335 10,9 +10,9 7 11,1 +7
  Framsóknarflokkurinn Sigurður Ingi Jóhannsson 21.016 10,7 -0,8 8 12,7 0
  Píratar - 18.051 9,2 -5,3 6 9,5 -4
Flokkur fólksins Inga Sæland 13.502 6,9 +3,4 4 6,3 +4
Viðreisn Þorgerður K. Gunnarsdóttir 13.122 6,7 -3,8 4 6,3 -3
  Björt framtíð Óttarr Proppé 2.394 1,2 -6 -4
  Alþýðufylkingin Þorvaldur Þorvaldsson 375 0,2 -0,1
  Dögun Helga Þórðardóttir 101 0,1 -1,6

Umfjöllun erlendis Breyta

Fjölmiðlar erlendis lögðu áherslu á óstöðugleika í íslenskum stjórnmálum þar sem þetta voru aðrar kosningar á aðeins ársbili sem haldnar væru á Íslandi eftir fall ríkisstjórnar.[17][18][19][20]

Tilvísanir Breyta

  1. ↑ „Björt framtíð slítur stjórnarstarfi“.
  2. ↑ „BJÖRT FRAMTÍÐ SLÍTUR RÍKISSTJÓRNARSAMSTARFI“.
  3. ↑ Útlit fyrir kosningar 28. október. Rúv, skoðað 17. september, 2017.
  4. ↑ „Alþýðufylkingin býr sig undir kosningar“.
  5. ↑ „Yfirlýsing Alþýðufylkingarinnar vegna kosningaumfjöllunar 2017“.
  6. ↑ „Listarnir 2017 - Björt framtíð“.
  7. ↑ „Framboðslisti Suðurkjördæmi“.
  8. ↑ „Inga og Ólaf­ur leiði list­ann í Reykja­vík“. {{cite web}}: soft hyphen character í |title= á staf nr. 13 (hjálp)
  9. ↑ „Flokk­ur Sig­mund­ar heit­ir Miðflokk­ur­inn og býður fram und­ir X-M“. {{cite web}}: soft hyphen character í |title= á staf nr. 6 (hjálp)
  10. ↑ „Framboðslistar“.
  11. ↑ Landsfundur VG
  12. ↑ „Úrslit úr öllum prófkjörum Pírata“.
  13. ↑ „Helga Vala og Ágúst Ólafur leiða í Reykjavík“.
  14. ↑ „Framboðslisti Viðreisnar í Norðvesturkjördæmi“.
  15. ↑ „Sósíalistaflokkurinn býður ekki fram“.
  16. ↑ „Fylgi flokka þegar mánuður er til kosninga“.
  17. ↑ „Iceland set for second snap election in a year after series of scandals“. Guardian. 2017.
  18. ↑ „Everything you need to know about Iceland's election“. Al Jazeera.
  19. ↑ „Icelanders May Look Beyond Scandal to Vote With Their Wallets“. Bloomberg.
  20. ↑ Wolfgang Hansson. „Nordens Nordkorea?“. Aftonbladet.

Tenglar Breyta


Fyrir:
Alþingiskosningar 2016 		Alþingiskosningar Eftir:
Alþingiskosningar 2021
Sótt frá „https://is.wikipedia.org/w/index.php?title=Alþingiskosningar_2017&oldid=1806441“