Miðflokkurinn (Ísland)
Miðflokkurinn er stjórnmálaflokkur sem Sigmundur Davíð Gunnlaugsson stofnaði árið 2017 eftir að hann yfirgaf Framsóknarflokkinn.
| Miðflokkurinn | |
|---|---|
| |
| Fylgi |  12,1%¹
|
| Formaður | Sigmundur Davíð Gunnlaugsson |
| Stofnár | október 2017 |
| Stjórnmálaleg hugmyndafræði |
íhaldsstefna, lýðhyggja |
| Einkennislitur | blágrænn |
| Sæti á Alþingi |  |
| Listabókstafur | M |
| Vefsíða | midflokkurinn.is |
| ¹Fylgi í síðustu Alþingiskosningum | |
Í fyrstu könnun sem mældi fylgi flokksins hlaut hann um 7%.[1] Flokkurinn bauð sig fram í Alþingiskosningunum 2017 og fékk 10,87% atkvæða sem svarar til sjö þingmanna.[2] Flokkurinn fékk níu sveitarstjórnarmenn kjörna í sveitarstjórnarkosningunum 2018. Tveir þingmenn til viðbótar, þeir Karl Gauti Hjaltason og Ólafur Ísleifsson, gengu til liðs við Miðflokkinn í febrúar 2019 eftir að hafa verið reknir úr Flokki fólksins í kjölfar Klaustursmálsins árið 2018.[3] Með inngöngu þeirra í flokkinn varð Miðflokkurinn stærsti þingflokkur í stjórnarandstöðunni. Flokkurinn bauð síðan aftur fram í alþingiskosingunum 2021 og fékk 5,4% fylgi og misstu þeir sex þingmenn, en þeir Sigmundur Davíð Gunnlaugsson, Bergþór Ólason og Birgir Þórarinsson voru einu sem komust á þing það árið. Birgir gekk svo til liðs við Sjálfstæðisflokkinn tveimur vikum eftir kosningar. Miðflokkurinn fékk sex sveitarstjórnarmenn kjörna í sveitarstjórnarkosningunum 2022. Árið 2020 ákvað flokkurinn að leggja niður embætti varaformanns og var það gert árið 2021.
Formenn
breyta| Formaður | Byrjaði | Hætti | |
|---|---|---|---|
.jpg)
|
Sigmundur Davíð Gunnlaugsson | 2017 | Enn í embætti |
Varaformenn
breyta| Varaformaður | Byrjaði | Hætti | |
|---|---|---|---|
|
Gunnar Bragi Sveinsson | 2018 | 2021 |
Heimildir
breyta- ↑ „MMR: VG stærst - Sigmundur fengi sjö prósent“, RÚV, 28. september 2017.
- ↑ „Öll atkvæði talin“, RÚV, 29. október 2017.
- ↑ „Ólafur og Karl Gauti í Miðflokkinn“. mbl.is. 22. febrúar 2019. Sótt 22. febrúar 2019.
