Þorgerður Katrín Gunnarsdóttir

Þorgerður Katrín Gunnarsdóttir (f. 4. október 1965) er fyrrverandi landbúnaðar- og sjávarútvegisráðherra, fyrrum forstöðumaður mennta- og nýsköpunarsviðs Samtaka atvinnulífsins, og fyrrum varaformaður Sjálfstæðisflokksins og menntamálaráðherra. Hún er nú á þingi fyrir Viðreisn (síðan 2016) og hefur verið formaður flokksins frá árinu 2017. Þorgerður Katrín er starfsaldursforseti Alþingis og stýrði fundum þess að loknum alþingiskosningunum 2021, þar sem deilt var um afgreiðslu kjörbréfa að lokinni umdeildri talningu atkvæða í Norðvesturkjördæmi.

Þorgerður Katrín Gunnarsdóttir (ÞKG)
Sjávarútvegs- og landbúnaðarráðherra Íslands
Í embætti 11. janúar 2017 – 30. nóvember 2017
Forsætisráðherra	Bjarni Benediktsson
Forveri	Gunnar Bragi Sveinsson
Eftirmaður	Kristján Þór Júlíusson
Menntamálaráðherra Íslands
Í embætti 31. desember 2003 – 1. febrúar 2009
Forsætisráðherra	Davíð Oddsson Halldór Ásgrímsson Geir Haarde
Forveri	Tómas Ingi Olrich
Eftirmaður	Katrín Jakobsdóttir
Formaður Viðreisnar
Núverandi
Tók við embætti 2017
Forveri	Benedikt Jóhannesson
Alþingismaður
frá til  kjördæmi    þingflokkur 1999 2003  Reykjanes  Sjálfstæðisfl. 2003 2013  Suðvestur  Sjálfstæðisfl. 2016    Suðvestur  Viðreisn
Persónulegar upplýsingar
Fædd	4. október 1965 (1965-10-04) Reykjavík
Stjórnmálaflokkur	Viðreisn
Maki	Kristján Arason
Börn	Gunnar Ari Gísli Þorgeir Katrín Erla
Faðir	Gunnar Eyjólfsson
Menntun	Lögfræði
Háskóli	Háskóli Íslands
Æviágrip á vef Alþingis

Þorgerður er dóttir Gunnars H. Eyjólfssonar, leikara, og Katrínar Arason deildarstjóra hjá Flugmálastjórn. Þorgerður lauk stúdentsprófi frá Menntaskólanum við Sund árið 1985. Þar var hún Ármaður skólafélagsins á lokaári sínu, önnur kvenna til að vera kjörin sem ármaður í MS. Hún lauk lögfræðinámi frá Háskóla Íslands 1993. Þorgerður starfaði sem lögmaður í eitt ár og sem yfirmaður samfélags- og dægurmáladeildar Ríkisútvarpsins 1997-1999.

Þorgerður sat á Alþingi á árunum 1999-2013, fyrst fyrir Reykjaneskjördæmi en fyrir Suðvesturkjördæmi frá 2003. Hún var menntamálaráðherra á árunum 2003-2009 og var varaformaður Sjálfstæðisflokksins á árunum 2005-2010. Árið 2016 fór hún aftur á þing fyrir Viðreisn og var endurkjörin á þing fyrir sama flokk árið 2017.

Hún er gift Kristjáni Arasyni, viðskiptafræðingi og fyrrum handboltakappa og eiga þau saman þrjú börn.

Umfjöllun í skýrslu rannsóknarnefndar Alþingis

Í 2. bindi skýrslu rannsóknarnefndar Alþingis um fall íslenska bankakerfisins, er fjallað um þá stjórnmálamenn og maka þeirra sem höfðu heildarlánastöðu sem var hærri en 100 milljónir króna. Nafn Þorgerðar Katrínar og eiginmanns hennar er þar ofarlega á blaði en heildarlán hennar og eiginmanns hennar námu nærri 1700 milljónum króna. Þorgerður Katrín sagði af sér sem varaformaður Sjálfstæðisflokksins og tók sér tímabundið hlé frá þingstörfum þann 17. apríl 2010. Hún tók aftur sæti á Alþingi þann 13. september 2010 og sat á þingi út kjörtímabilið.

Tenglar

• Æviágrip á heimasíðu Alþingis
• Ég er ekki komin í formannsslag; viðtal við Þorgerði Katrínu í Fréttablaðinu 1. nóv. 2008

Fyrirrennari: Tómas Ingi Olrich	Menntamálaráðherra (31. desember 2003 – 1. febrúar 2009)	Eftirmaður: Katrín Jakobsdóttir
Fyrirrennari: Geir H. Haarde	Varaformaður Sjálfstæðisflokksins (15. október 2005 – 17. apríl 2010)	Eftirmaður: Ólöf Nordal

  Þetta æviágrip er stubbur. Þú getur hjálpað til með því að bæta við greinina.