Sósíalistaflokkur Íslands (21. öld)
Sósíalistaflokkur Íslands oftast kallaður Sósíalistaflokkurinn er íslenskur stjórnmálaflokkur sem stofnaður var 1. maí árið 2017. Hvatamaður að stofnun hans var Gunnar Smári Egilsson, blaðamaður og fyrrum ritstjóri. Samkvæmt honum á flokkurinn á að vera; málsvari launafólks og allra þeirra sem búa við skort, ósýnileika og valdaleysi. Andstæðingar Sósíalistaflokks Íslands eru auðvaldið og þeir sem ganga erindi þess. [1].
| Sósíalistaflokkur Íslands | |
|---|---|
 | |
| Stofnár | 2017 |
| Stjórnmálaleg hugmyndafræði |
sósíalismi |
| Einkennislitur | rauður |
| Listabókstafur | J |
| Vefsíða | sosialistaflokkurinn.is |
- Sósíalistaflokkur Íslands getur einnig átt við: Sameiningarflokkur alþýðu - Sósíalistaflokkurinn
Áherslumál breyta
Aðaláherslumál flokksins eru mannsæmandi kjör (laun, atvinnuleysisbætur, lífeyrir, námslán o.fl.), aðgengi að öruggu og ódýru húsnæði, gjaldfrjálst heilbrigðiskerfi, stytting vinnuvikunnar og enduruppbygging skattheimtunar (hærri álögur á auðmenn og lægri á verkafólk).
Saga og flokksskipulag breyta
Samkvæmt Gunnari Smára höfðu 1400 manns skráð sig í flokkinn fyrir stofnfund hans. Bráðabirgðastjórn var kosin á stofnfundinum til að undirbúa sósíalistaþing haustið 2017[2]. Þinginu var frestað og fór fram 20. janúar 2018.[3]
Var þar meðal annars ákveðið að uppbygging flokksins yrði með þeim hætti að engin hefðbundin stjórn yrði, heldur væri honum stýrt af þremur stjórnum, framkvæmdarstjórn, málefnastjórn og félagastjórn sem kosnar voru á fundinum. Hver stjórn velur sér síðan formann úr sínum hópi. [4]
Framboð breyta
Alþingiskosningar 2017 breyta
Flokkurinn ákvað að bjóða ekki fram fyrir Alþingiskosningar 2017 heldur einbeita sér að uppbyggingarstarfi og hafa áhrif með öðru móti.
Sveitarstjórnarkosningar 2018 breyta
Á flokksfundi 1. maí 2018 tilkynnti flokkurinn að hann myndi bjóða fram í sveitarstjórnarkosningunum 2018 í Reykjavík og Kópavogi.[5] Flokkurinn hlaut tæp 3,2% atkvæða í Kópavogi og engan mann, en 6,4% einn fulltrúa í Reykjavík, Sönnu Magdalenu Mörtudóttur.
Alþingiskosningar 2021 breyta
Í júní árið 2021 tilkynnti flokkurinn að þeir myndu bjóða fram í Alþingiskosningunum 2021 með Gunnar Smára Egilsson sem oddvita. Flokkurinn hlaut 4,1% atkvæða og engan mann inn á þing.
Sveitarstjórnarkosningar 2022 breyta
8. apríl 2022 var greint frá því að flokkurinn ætlaði að bjóða fram í sveitarstjórnarkosningunum árið 2022. Sanna Magdalena Mörtudóttir var oddviti í Reykjavík í annað sinn og fékk flokkurinn 7,7% og bæti við sig um einn fulltrúa, Trausti Breiðafjörð Magnússon.
Tilvísanir breyta
- ↑ Gunnar Smári stofnar Sósíalistaflokk Íslands Rúv. skoðað 1. maí, 2017.
- ↑ Sósíalistaflokkur Íslands stofnaður Rúv, skoðað 1. maí, 2017.
- ↑ Sósíalistaþing 2018; stefna, skipulag, stjórnir og næstu átök sosialistaflokkurinn.is, skoðað 1. maí, 2018.
- ↑ Nýkjörnar stjórnir; málefna- félaga- og framkvæmdastjórnir sosialistaflokkurinn.is, skoðað 1. maí, 2018.
- ↑ Sósíalistaflokkurinn birtir framboðslista fyrir Reykjavík og Kópavog , vísir skoðað 1. maí, 2018.