Alþingiskosningar 2003

Alþingiskosningarnar 2003 fóru fram þann 10. maí. Í fyrsta skipti var kosið samkvæmt nýrri kjördæmaskipan. Á kjörskrá voru 211.304 en kosningaþátttaka var 87,7%.

Alþingiskosningar 2003

10. maí 2003

63 sæti á Alþingi 32 sæti þarf fyrir meirihluta

Kjörsókn: 87,7% 3,6%

Flokkur Formaður % Sæti +/– Sjálfstæðisflokkurinn Davíð Oddsson 33,7 22 -4 Samfylkingin Össur Skarphéðinsson 31,0 20 +3 Framsóknarflokkurinn Halldór Ásgrímsson 17,7 12 0 Vinstri græn Steingrímur J. Sigfússon 8,8 5 -1 Frjálslyndi flokkurinn Guðjón Arnar Kristjánsson 7,4 4 +2 Hér eru skráðir þeir flokkar sem náðu manni á þing. Seinasta ríkisstjórn Ný ríkisstjórn Davíð Oddsson III  B   D  Davíð Oddsson IV  B   D

Fyrir kosningarnar höfðu Framsóknar- og Sjálfstæðisflokkur starfað saman í ríkisstjórn í átta ár undir forystu Davíðs Oddssonar. Á þeim tíma hafði verið nokkur hagvöxtur á Íslandi, ríkisfyrirtæki höfðu verið einkavædd og ákvarðanir teknar um mikla uppbyggingu stóriðju á Austurlandi. Í kosningabaráttunni lagði Sjálfstæðisflokkurinn mikla áherslu á skattalækkanir en Framsóknarflokkurinn lofaði aðgerðum í húsnæðismálum. Framsóknarmenn lögðu að auki áherslu á að flokkurinn ætti helst að leiða ríkisstjórn ef hann tæki þátt í stjórnarsamstarfi eftir kosningar til að koma málum sínum betur á framfæri. Samfylkingin stillti sér upp í kosningabaráttunni sem höfuðandstæðingur Sjálfstæðisflokksins sem ætti að leiða næstu ríkisstjórn og tefldi fram Ingibjörgu Sólrúnu Gísladóttur, þáverandi borgarstjóra í Reykjavík, sem forsætisráðherraefni flokksins þó að hún væri ekki formaður. Ingibjörg skipaði fimmta sætið á lista Samfylkingarinnar í Reykjavíkurkjördæmi norður.

Stjórnarflokkarnir héldu þingmeirihluta sínum þrátt fyrir að Sjálfstæðisflokkurinn tapaði fjórum sætum. Samfylkingin bætti við sig þremur sætum en fylgið dugði ekki til þess að Ingibjörg Sólrún næði kjöri. Frjálslyndi flokkurinn bætti við tveimur þingmönnum, Vinstri-grænir töpuðu einum manni og Framsóknarflokkurinn stóð í stað.

Stjórnarsamstarf Framsóknar- og Sjálfstæðisflokks hélt áfram eftir kosningarnar og fóru flokkarnir áfram með öll sömu ráðuneyti og áður með litlum mannabreytingum fyrst um sinn en formenn flokkanna gerðu þó með sér samkomulag um að 15. september 2004 myndi Halldór Ásgrímsson taka við embætti forsætisráðherra en Davíð Oddsson færi þá í annað ráðherraembætti. Þegar kom að umsaminni dagsetningu skiptu þeir Davíð og Halldór á stólum þannig að Halldór varð forsætisráðherra en Davíð utanríkisráðherra. Hvorugur þeirra átti þó eftir að klára kjörtímabílið í þeim embættum heldur hættu þeir báðir þátttöku í stjórnmálum. Við tók fyrsta ráðuneyti Geirs Haarde sem starfaði fram að alþingiskosningunum 2007.

Úrslit

Flokkur		Atkvæði	%	Fulltrúar	+/–
	Sjálfstæðisflokkurinn (D)	61.701	33,68	22	-4
	Samfylkingin (S)	56.700	30,95	20	+3
	Framsóknarflokkurinn (B)	32.484	17,73	12	–
	Vinstri græn (U)	16.129	8,81	5	-1
	Frjálslyndi flokkurinn (F)	13.523	7,38	4	+2
	Nýtt afl (N)	1.791	0,98	0	–
	Framboð óháðra í suðurkjördæmi (T)	844	0,46	0	–
Samtals		183.172	100,00	63	–
Gild atkvæði		183.172	98,80
Ógild atkvæði		347	0,19
Auð atkvæði		1.873	1,01
Heildarfjöldi atkvæða		185.392	100,00
Kjósendur á kjörskrá		211.304	87,74
Heimild: Hagstofa Íslands

Úrslit í einstökum kjördæmum

Norðvesturkjördæmi Listar Av Av% Ft (Ft) Δ B Framsókn 4.057 21,7 2 3 -1 D Sjálfstæðisflokkurinn 5.532 29,6 3 6 -3 F Frjálslyndir 2.666 14,2 2 1 +1 S Samfylking 4.346 23,2 2 4 -2 U Vinstrigrænir 1.987 10,6 1 1 - N Nýtt afl 122 0,7 0 Alls 18.984 100 10 Á kjörskrá 21.221 Kjörsókn 89,3	Norðausturkjördæmi Listar Av Av% Ft (Ft) Δ B Framsókn 7.722 32,8 4 3 +1 D Sjálfstæðisflokkurinn 5.544 23,5 2 3 -1 F Frjálslyndir 1.329 5,6 0 0 - S Samfylking 5.503 23,4 2 2 - U Vinstrigrænir 3.329 14,1 2 3 -1 N Nýtt afl 136 0,6 0 Alls 23.877 100 10 Á kjörskrá 27.298 Kjörsókn 87,5
Suðurkjördæmi Listar Av Av% Ft (Ft) Δ B Framsókn 5.934 23,7 2 2 - D Sjálfstæðisflokkurinn 7.307 29,2 3 2 +1 F Frjálslyndir 2.188 8,7 1 0 +1 S Samfylking 7.426 29,7 4 4 +2 U Vinstrigrænir 1.167 4,6 0 0 - T Óháðir í Suðurkjördæmi 844 3,3 0 N Nýtt afl 166 0,7 0 Alls 25.343 100 10 Á kjörskrá 28.344 Kjörsókn 89,4	Suðvesturkjördæmi Listar Av Av% Ft (Ft) Δ B Framsókn 6.387 14,9 1 2 -1 D Sjálfstæðisflokkurinn 16.456 38,4 5 6 -1 F Frjálslyndir 2.890 6,7 1 0 +1 S Samfylking 14.029 32,8 4 4 - U Vinstrigrænir 2.671 6,2 0 0 - N Nýtt afl 399 0,9 0 Alls 43.246 100 11 Á kjörskrá 48.842 Kjörsókn 88,5
Reykjavíkurkjördæmi suður Listar Av Av% Ft (Ft) Δ B Framsókn 4.185 11,3 1 1 - D Sjálfstæðisflokkurinn 14.029 38,0 5 4,5 +0,5 F Frjálslyndir 2.448 6,6 0 0,5 -0,5 S Samfylking 12.286 33,3 4 2,5 +1,5 U Vinstrigrænir 3.438 9,3 1 1 - N Nýtt afl 504 1,4 0 Alls 37.327 100 11 Á kjörskrá 42.761 Kjörsókn 87,3	Reykjavíkurkjördæmi norður Listar Av Av% Ft (Ft) Δ B Framsókn 4.199 11,6 2 1 +1 D Sjálfstæðisflokkurinn 12.833 35,5 4 4,5 -0,5 F Frjálslyndir 2.002 5,5 0 0,5 -0,5 S Samfylking 13.110 36,3 4 2,5 +1,5 U Vinstrigrænir 3.537 9,8 1 1 - N Nýtt afl 464 1,3 0 Alls 36.615 100 11 Á kjörskrá 42.812 Kjörsókn 85,5

• Kjörnir alþingismenn 2003

Fyrir: Alþingiskosningar 1999

Alþingiskosningar

Eftir: Alþingiskosningar 2007

Kjördæmabreytingar 2003

1. Norðurlandskjördæmi vestra, Vestfjarðakjördæmi og Vesturlandskjördæmi sameinuð að undanskildum Siglufirði. Þingmönnum fækkað úr 15 í 10.

2. Norðurlandskjördæmi eystra og Austurlandskjördæmi sameinuð að undanskilinni Höfn í Hornafirði og að viðbættum Siglufirði. Þingmönnum fækkað úr 11 í 10.

3. Suðurlandskjördæmi sameinað Reykjanesi og Höfn í Hornafirði. Þingmannafjöldinn 10.

4. Höfuðborgarsvæðishluti Reykjaneskjördæmis gerður að sér kjördæmi. Þingmannafjöldinn 11.

5. Reykjavíkurkjördæmi skipt upp í tvö kjördæmi. Þingmönnum fjölgað úr 19 í 22.

Heimildir

• Hagstofa Íslands

Tenglar

• Auglýsing frá landskjörstjórn um framboð við alþingiskosningar 10. maí 2003; birtist í Fréttablaðinu 30. apríl 2003
• Kosningasaga