Halldór Ásgrímsson

íslenskur stjórnmálamaður (1947-2015)

Halldór Ásgrímsson (f. 8. september 1947 á Vopnafirði, dáinn í Reykjavík 18. maí 2015) var formaður Framsóknarflokksins og forsætisráðherra Íslands.

Halldór Ásgrímsson

Fæðingardagur: 8. september 1947(1947-09-08)
Fæðingarstaður: Vopnafjörður
Dánardagur: 18. maí 2015
Flokkur: Merki Framsóknar Framsóknarflokkurinn
Þingsetutímabil
1974-1978 í Austurl. fyrir Framsfl.
1979-1991 í Austurl. fyrir Framsfl.
1991-1995 í Austurl. fyrir Framsfl.
2003-2006 í Reykv. n fyrir Framsfl.
= stjórnarsinni
Embætti
1983-1991 Sjávarútvegsráðherra
1985-1987 Samstarfsráðherra um norræn málefni
1988-1989 Dóms- og kirkjumálaráðherra
1995-1999 Samstarfsráðherra norðurlanda
1995-2004 Utanríkisráðherra
2004-2006 Forsætisráðherra
Tenglar
Æviágrip á vef Alþingis

Hann sat á Alþingi Íslendinga, 1974-78 og síðan 1979-2006. Halldór lét af þingmennsku að loknu flokksþingi Framsóknarflokksins í ágúst 2006, eftir 31 árs setu á þingi, en hann var starfsaldursforseti þingsins er hann lét af þingmennsku. Halldór gegndi ráðherraembætti nær samfellt í tvo áratugi, rúm 19 ár, og hefur aðeins Bjarni Benediktsson gegnt lengur ráðherraembætti í stjórnmálasögu landsins. Halldór var sjávarútvegsráðherra 19831991, dóms- og kirkjumálaráðherra 19881989, ráðherra norrænnar samvinnu 19851987, utanríkisráðherra 19952004 og forsætisráðherra 20042006. Halldór sat á þingi fyrir Austurlandskjördæmi, fyrst 1974 - 1978 og síðar 1979 - 2003, og loks fyrir Reykjavík norður 2003 - 2006.

Halldór tók við af Davíð Oddssyni sem forsætisráðherra þann 15. september 2004. Hann er fimmtándi maðurinn sem gegnir embætti forsætisráðherra frá stofnun lýðveldisins. Þann 5. júní 2006 tilkynnti Halldór Ásgrímsson að hann hygðist hætta sem forsætisráðherra og sem formaður Framsóknarflokksins. Þessi tilkynning kom í kjölfar slæms gengis Framsóknarflokksins í sveitarstjórnarkosningum það sama ár. Halldór lét af embætti forsætisráðherra á ríkisráðsfundi þann 15. júní 2006 og lét með því af ráðherraembætti eftir rúmlega 19 ára setu í ríkisstjórn samtals. Halldór lét af formennsku í Framsóknarflokknum á flokksþingi þann 19. ágúst 2006, eftir að hafa verið formaður og varaformaður flokksins í rúmlega aldarfjórðung samfellt, sem varaformaður 1980 - 1994 og formaður 1994 - 2006.

1. janúar 2007 tók Halldór við sem framkvæmdastjóri Norrænu ráðherranefndarinnar og sinnti hann því embætti til ársins 2013.

Halldór lést í Reykjavík 18. maí 2015, 67 ára að aldri, af völdum hjartaáfalls.


Fyrirrennari:
Davíð Oddsson
Forsætisráðherra
(15. september 200415. júní 2006)
Eftirmaður:
Geir H. Haarde
Fyrirrennari:
Jón Baldvin Hannibalsson
Utanríkisráðherra
(23. apríl 199515. september 2004)
Eftirmaður:
Davíð Oddsson
Fyrirrennari:
Steingrímur Hermannsson
Sjávarútvegsráðherra
(26. maí 198330. apríl 1991)
Eftirmaður:
Þorsteinn Pálsson
Fyrirrennari:
Jón Sigurðsson
Dóms- og kirkjumálaráðherra
(28. september 198810. september 1989)
Eftirmaður:
Óli Þ. Guðbjartssson
Fyrirrennari:
Steingrímur Hermannsson
Formaður Framsóknarflokksins
(29. apríl 199419. ágúst 2006)
Eftirmaður:
Jón Sigurðsson


Tenglar breyta