Kussungsstaðaætt

Kussungsstaðir

Kussungsstaðaætt er ætt kennd við Kussungsstaði í Hvalvatnsfirði í Suður-Þingeyjarsýslu. Ættina mynda niðjar Jóhannesar Jónssonar Reykjalín (1840 – 1915) frá Ríp í Hegranesi, bónda þar, og Guðrúnar Sigríðar Hallgrímsdóttur (1849 – 1924) húsfreyju, en þau bjuggu áður á Kambsstöðum í Ljósavatnsskarði, á Þönglabakka í Þorgeirsfirði. Kussungsstaðir er nú eyðibýli í Hvalvatnsfirði í Suður-Þingeyjarsýslu. Þeir fóru í eyði árið 1904.

Jóhannes var sonur sr. Jóns Jónssonar Reykjalín (1811-1892) frá Tungu á Svalbarðsströnd, bónda á Þönglabakka, og Sigríðar Jónsdóttur (1813 – 1903) húsfreyju frá Sjávarborg í Skagafirði. Guðrún var dóttir Hallgríms Ólafssonar (1817 – 1879) og Ingveldar Árnadóttur (f. 1816, flutti til Vesturheims 1882) frá Brúum í Aðaldal.

Valgerður dóttir Jóhannesar og Guðrúnar var ættmóðir Lómatjarnarættar, sem telst því vera kvísl af Kussungsstaðaætt.

Afkomendur Jóhannesar og Guðrúnar

Jóhannes og Guðrún áttu 11 börn:

1. Hallgrímur Óli Jóhannesson 1870 – 1938
2. Sigríður Jóhannesdóttir 1873 – 1908
3. Inga Jóhannesdóttir 1874 – 1975
4. Valgerður Jóhannesdóttir 1875 – 1965
5. Hálfdánía Ingibjörg Jóhannesdóttir 1879 – 1963
6. Trausti Jóhannesson 1880 – 1964
7. Sigurbjörg Jóhannesdóttir 1882 – 1882
8. Sigurbjörg Jóhannesdóttir 1884 – 1952
9. Guðrún Jóhannesdóttir 1885 – 1947
10. Jóhannes Jóhannesson 1886 – 1907
11. Árni Jóhannesson 1892 – 1970