Svalbarðsstrandarhreppur
sveitarfélag á Norðurlandi eystra, Íslandi
(Endurbeint frá Svalbarðsströnd)
Svalbarðsstrandarhreppur er sveitarfélag í austanverðum Eyjafirði og er nefnt eftir Svalbarðsströnd þar sem það liggur. Norðurmörk hreppsins sem og Svalbarðsstrandar eru við Víkurskarð. Þéttbýli er á Svalbarðseyri og þaðan var stunduð útgerð. Svalbarðsstrandarhreppur er vestasta sveitarfélag í Suður-Þingeyjarsýslu þó margir telji hreppinn ranglega tilheyra Eyjafjarðarsýslu.
| Svalbarðsstrandarhreppur | |
|---|---|
| Sveitarfélag | |
 Staðsetning | |
| Kjördæmi | Norðausturkjördæmi |
| Flatarmál – Samtals | 58. sæti 54 km² |
| Mannfjöldi – Samtals – Þéttleiki | 50. sæti 449 (2022) 8,31/km² |
| Sveitarstjóri | Björg Erlingsdóttir |
| Þéttbýliskjarnar | Svalbarðseyri (íb. 250) |
| Sveitarfélagsnúmer | 6601 |
| Póstnúmer | 601 |
Svalbarðsstrandarhreppur hefur lítið undirlendi og tilheyrir hluti Vaðlaheiðar honum. Var áður kallaður Eyjafjarðarströnd.