Skarðsætt (Suður-Þingeyjarsýslu)

Skarð í Dalsmynni

Skarðsætt er ætt kennd við Skarð í Dalsmynni í Suður-Þingeyjarsýslu. Ættina mynda niðjar Jóhanns Bessasonar (1839 – 1912) bónda og smiðs og Sigurlaugar Einarsdóttur (1847 – 1927) húsfreyju þar.

Jóhann var sonur Bessa Eiríkssonar (1804 – 1892) frá Steinkirkju í Fnjóskadal, bónda á Illugastöðum og Margrétar Jónsdóttur (1798 – 1871) frá Heiðarhúsum á Flateyjardalsheiði. Niðjar Eiríks Hallgrímssonar og konu hans Helgu Árnadóttur á Steinkirkju kallast Steinkirkjuætt og er Skarðsætt því undirgrein af henni. Sigurlaug var dóttir Einars Bjarnasonar (1809 – 1872) frá Fellsseli í Ljósavatnshreppi, bónda á Geirbjarnarstöðum í Þóroddsstaðasókn, seinna ráðsmanns í Laufási við Eyjafjörð, og Agötu Einarsdóttur (1812 – 1880) frá Naustavík.

Afkomendur Jóhanns og Sigurlaugar

Jóhann og Sigurlaug áttu 13 börn sem upp komust, auk þriggja sem létust nýfædd.

1. Skapti Jóhannsson 1867 – 1907
2. Svava Jóhannsdóttir 1868 – 1873
3. Aðalheiður Jóhannsdóttir 1870 – 1952
4. Unnur Jóhannsdóttir 1872 – 1928
5. Einar Jóhannsson 1874 – 1875
6. Svava Jóhannsdóttir 1875 – 1938
7. Laufey Jóhannsdóttir 1877 – 1927
8. Hallur Jóhannsson 1880 – 1881
9. Björn Jóhannsson 1882 – 1944
10. Sigþór Jóhannsson 1885 – 1940
11. Jóhann Jóhannsson 1888 – 1917
12. Jón Jóhannsson 1889 – 1975
13. Sigríður Jóhannsdóttir 1891 – 1968