Jón Sigurðsson (f. 1941)

Jón Sigurðsson (f. 17. apríl 1941) er íslenskur hagfræðingur og fyrrum alþingismaður og ráðherra. Að loknum stjórnmálaferli varð Jón seðlabankastjóri í Seðlabanka Íslands en síðar aðalbankastjóri Norræna fjárfestingabankans.

Þessi grein fjallar um ráðherra Alþýðuflokksins. Fyrir ráðherra Framsóknarflokks má sjá Jón Sigurðsson (f. 1946). Fyrir aðra má sjá aðgreiningarsíðuna.

Jón lauk stúdentsprófi frá Menntaskólanum á Akureyri árið 1960, fil. kand. prófi í þjóðhagfræði og tölfræði frá Stokkhólmsháskóla árið 1964 og M.Sc. Econ. í þjóðhagfræði frá London School of Economics and Political Science árið 1967.

Áður en Jón settist á þing var hann m.a. forstjóri Þjóðhagsstofnunar frá 1974-1986. Hann var fyrst kjörinn á þing fyrir Alþýðuflokkinn í Reykjavíkurkjördæmi árið 1987 og varð dómsmálaráðherra og viðskiptaráðherra í ríkisstjórn Þorsteins Pálssonar sama ár. Í annarri og þriðju ríkisstjórn Steingríms Hermannssonar og Viðeyjarstjórninni (til 1993) var hann iðnaðar- og viðskiptaráðherra.

Tenglar

• Jón Sigurðsson; grein í Helgarpóstinum 1986

  Þetta æviágrip er stubbur. Þú getur hjálpað til með því að bæta við greinina.