Wikipedia

Nansen-verðlaunin

Nansen-flóttamannaverðlaunin eru verðlaun sem veitt eru árlega af framkvæmdastjóra Flóttamannastofnunar Sameinuðu þjóðanna. Verðlaunin renna í skaut einstaklings, hóps eða stofnunar sem hafa unnið framúrskarandi störf í þágu flóttamanna eða fólks án ríkisfangs. Verðlaunin hafa verið veitt frá árinu 1954.[1]

Nansen-verðlaunin eru veitt á hverju ári til viðurkenningar framúrskarandi starfs í þágu flóttafólks. Efst á verðlaunapeningnum stendur: „Nestekjærlighet er realpolitikk“ (ísl. „Samkennd er raunhæf stefna“).

Bakgrunnur

breyta

Nansen-verðlaunin eru nefnd eftir norska landkönnuðinum, stjórnmálamanninum og Nóbelsverðlaunahafanum Fridtjof Nansen. Sem fyrsti flóttamannafulltrúi Þjóðabandalagsins lyfti Nansen grettistaki við að vekja athygli á málefnum fólks sem hafði hrakist á vergang.

Verðlaunin samanstanda af verðlaunapeningi og 100.000 Bandaríkjadala peningaverðlaunum sem greidd eru af ríkisstjórnum Noregs og Sviss. Fénu er ætlað að styðja verkefni að vali verðlaunahafans í samstarfi við flóttamannastofnunina til að hjálpa flóttafólki.

Auk ríkisstjórna Sviss og Noregs styðja Norska flóttamannaráðið og IKEA-stofnunin veitingu Nansen-verðlaunanna.[2]

Verðlaunaathöfnin

breyta

Nansen-verðlaunin eru veitt við hátíðlega athöfn á hverju ári í Genf í Sviss, „mannúðarhöfuðborg heimsins“.[3] Athöfnin er haldin í byggingunni Bâtiment des Forces Motrice samhliða árlegum fundum framkvæmdanefndar Flóttamannastofnunarinnar.[4]

Nansen-pallborðsumræðurnar

breyta

Árið 2011 starfaði Flóttamannastofnunin ásamt Genfarháskóla og stofnununum Foundation Pour Genève og Académie de droit international humanitaire et droits humains à Genève (ADH) við að skipuleggja fyrstu Nansen-pallborðsumræðurnar. Umræðurnar eru nú árlegur viðburður og laða til sín mikill hluta fræðasamfélagsins í Genf auk fjölmiðla og flóttamannahópa.

Árið 2012 báru pallborðsumræðurnar heitið „Les femmes et la reconstruction de la Somalie: du trouble à l'espoir“ („Konur og endurbygging Sómalíu: Frá öngþveiti til vonar“). Meðal gestanna voru friðarverðlaunahafinn Leymah Gbowee; Elisabeth Rasmusson, aðalritari Norska flóttamannaráðsins; og Barbara Hendricks, heiðursvelgjörðarsendiherra hjá Flóttamannastofnuninni.[5]

Tilnefningar

breyta

Þeir sem helst eru tilnefndir til verðlaunanna eru þeir sem hafa gengið lengra en skyldan bar, sem hafa sýnt fram á dirfsku og þrautsegju og hafa persónulega, verulega og á beinan hátt hjálpað fólki sem hefur verið hrakið á vergang.

Tilnefningar til verðlaunanna fara í gegnum heimasíðu Nansen-verðlaunanna. Núverandi eða fyrrverandi starfsmenn Flóttamannastofnunarinnar geta ekki hlotið verðlaunin. Mælt er gegn því að fólk tilnefni sjálft sig eða samstarfsmenn sína.[6]

Listi yfir verðlaunahafa

breyta
 
Próf. Aqeela Asifi árið 2015

Heimildir

breyta
  • Merheb, Nada. The Nansen Refugee Award. Flóttamannastofnun Sameinuðu þjóðanna. Genf 2002.

Tilvísanir

breyta
  1. ↑ Refugees, United Nations High Commissioner for. „Our Winners“. UNHCR (enska). Sótt 18. desember 2017.
  2. ↑ Official homepage for the UNHCR Nansen Refugee Award
  3. ↑ „Representation of the Netherlands in Geneva“. Afrit af upprunalegu geymt þann 29. september 2016. Sótt 1. júní 2021.
  4. ↑ Official homepage for the UNHCR Nansen Refugee Award
  5. ↑ University of Geneva Communication Service
  6. ↑ Official homepage for the UNHCR Nansen Refugee Award
  7. ↑ Article in Al Arabiya News
  8. ↑ Congolese nun named winner of prestigious Nansen Refugee Award UNHCR 17. september 2013
  9. ↑ „The Hellenic Rescue Team“. Sótt 3. desember 2016.
  10. ↑ Greek Volunteers share UNHCR Nansen Refugee Award
  11. ↑ „Visionary Nigerian teacher wins UNHCR Nansen Refugee Award“. unhcr.org. 18. september 2017. Sótt 19. september 2017.
  12. ↑ „South Sudanese surgeon wins 2018 Nansen Refugee Award“. UNHCR (enska). Sótt 25. september 2018.
  13. ↑ „South Sudanese doctor wins prestigious UN prize for lifetime spent tending to refugees“. abc.net.au. Australian Broadcasting Corporation. 25. september 2018. Sótt 7. október 2018.
  14. ↑ „'Tenacious' Kyrgyz lawyer and statelessness champion, wins prestigious UNHCR prize“. UN News. október 2019. Sótt 27. desember 2019.

Tenglar

breyta
Sótt frá „https://is.wikipedia.org/w/index.php?title=Nansen-verðlaunin&oldid=1840025“