1685

Ár

1682 1683 1684 – 1685 – 1686 1687 1688

Áratugir

1671-1680 – 1681-1690 – 1691-1700

Aldir

16. öldin – 17. öldin – 18. öldin

Árið 1685 (MDCLXXXV í rómverskum tölum) var 85. ár 17. aldar sem hófst á mánudegi samkvæmt gregoríska tímatalinu en fimmtudegi samkvæmt júlíska tímatalinu sem er tíu dögum á eftir.

Atburðir

Aftaka Monmouths.

• 6. febrúar - Jakob hertogi af Jórvík, bróðir Karls 2. varð Jakob 2. Englandskonungur og Jakob 7. Skotakonungur.
• 9. mars - 132 menn af ellefu skipum fórust í snöggu áhlaupsveðri, sem gengið hefur undir nafninu Góuþrælsveðrið. Skipin voru frá Stafnesi og Vestmannaeyjum.
• 20. júní - Monmouthuppreisnin: James Scott, 1. hertogi af Monmouth, óskilgetinn sonur Karls 2. Englandskonungs, lýsti sjálfan sig konung Englands.
• 4. júlí - Galdramál: Halldór Finnbogason úr Þverárþingi var brenndur á báli fyrir að hafa snúið Faðirvorinu upp á andskotann. Þetta var síðasta galdrabrennan á Íslandi.
• 6. júlí - Orrustan við Sedgemoor: Her Jakobs 2. sigraði her hertogans af Monmouth.
• 15. júlí - James Scott var tekinn af lífi á Tower Hill í London.
• 25. ágúst - Blóðugu réttarhöldin þar sem þúsund fylgjendur Monmouths voru dæmdir til dauða eða útlegðar.
• 18.-19. október - Loðvík 14. gaf út Fontainebleu-tilskipunina þar sem hann lýsti mótmælendatrú ólöglega og afnam þannig þau réttindi sem húgenottar höfðu fengið með Nantes-tilskipuninni 1598.

Ódagsettir atburðir

• Prentsmiðjan á Hólum var flutt suður í Skálholt á vegum Þórðar Þorlákssonar biskups. Hófst þá prentun fornrita á Íslandi.

Fædd

• 7. janúar - Jonas Alströmer, sænskur athafnamaður (d. 1761).
• 23. febrúar - Georg Friedrich Händel, þýskt tónskáld (d. 1759).
• 12. mars - George Berkeley, írskur heimspekingur (d. 1753).
• 21. mars - Johann Sebastian Bach, þýskt tónskáld (d. 1750).
• 18. ágúst - Brook Taylor, enskur stærðfræðingur (d. 1731).
• 1. október - Karl 6. keisari (d. 1740).
• 26. október - Domenico Scarlatti, ítalskt tónskáld (d. 1757).

Dáin

• 6. febrúar - Karl 2. Englandskonungur (f. 1630).
• 22. mars - Go-Sai, Japanskeisari (f. 1638).

Opinberar aftökur

• Halldór Finnbogason úr Mýrasýslu, einnig nefndur Grágunnuson, líflátinn með brennu á Alþingi, fyrir guðlast.