Evrópukeppnin í knattspyrnu 1964

(Endurbeint frá EM 1964)

Evrópukeppnin í knattspyrnu 1964, oft nefnd EM 1964, var í annað skipti sem Evrópukeppni karla í knattspyrnu hefur farið fram. Keppni fór fram á Spáni dagana 17. til 21. júní 1964 á vegum Knattspyrnusambands Evrópu. Landslið Spánar unnu sinn fyrsta titil í keppninni eftir sigur á Sóvetríkjunum í úrslitaleik með tveimur mörkum gegn einu. Þjálfari liðsins var José Villalonga. Í þriðja sæti var lið Ungverjalands með sigri í framlengingu gegn Danmörku.

UndankeppniBreyta

Alls tóku 28 þjóðir þátt í undankeppninni sem fram fór á árunum 1962-64. Var það mikil fjölgun frá því sem verið hafði fjórum árum fyrr. Vestur-Þjóðverjar og Skotar tóku þó ekki þátt. Leikið var mað útsláttarfyrirkomulagi.

Frakkar slógu Englendinga út í fyrstu umferð og Búlgarir lögðu Portúgali að velli í oddaleik.

Í sextán liða úrslitum voru mörg spennandi einvígi. Frakkar unnu Búlgari, Sovétmenn slógu Ítali úr leik og Spánverjar unnu Norður-Íra 2:1 í Belfast eftir að hafa einungis gert jafntefli á heimavelli. Óvæntustu úrslitin voru þó sigur Lúxemborgar á Hollandi, sem enn í dag teljast bestu úrslit í sögu landsliðs þeirra.

Litlu mátti muna að Lúxemborg kæmist í úrslitakeppnina en Danir höfðu betur eftir oddaleik. Ungverjar unnu Frakka í tveimur leikjum, Sovétmenn slógu út Svía og Spánverjar áttu ekki í nokkrum vandræðum með Íra í fjórðungsúrslitum.

Þátttaka ÍslandsBreyta

Ísland skráði sig til leiks í fyrsta sinn. Mótherjarnir voru Írar. Ríkharður Jónsson skoraði tvívegis í 4:2 tapi á útivelli í fyrri leiknum. Seinni leiknum á Laugardalsvelli lauk með 1:1 jafntefli.

ÚrslitakeppniBreyta

  Undanúrslit Úrslit
17. júní
   Spánn (e. framl.)  2  
   Ungverjaland  1  
 
21. júní
       Spánn  2
     Sovétríkin  1
Þriðja sæti
17. júní 20. júní
   Danmörk  0    Ungverjaland (e. framl.)  3
   Sovétríkin  3      Danmörk  1

HeimildirBreyta

   Þessi knattspyrnugrein er stubbur. Þú getur hjálpað til með því að bæta við greinina.