Eygló Harðardóttir (stjórnmálamaður)

Eygló Þóra Harðardóttir (fædd 12. desember 1972 í Reykjavík) er íslenskur fyrrum þingmaður og fyrrum félags- og húsnæðismálaráðherra. Eygló bauð sig fyrst fram til Alþingis árið 2007 og var varaþingmaður Framsóknarflokksins í Suðurkjördæmi þar til Guðni Ágústsson sagði af sér þingmennsku. Í janúar 2009 var hún kjörin ritari flokksins og hefur gegnt þeirri stöðu síðan og skipaði hún annað sæti á lista flokksins í þingkosningunum 2009. Árið 2013 varð hún oddviti Framsóknarflokksins í Suðvesturkjördæmi og var í kjölfar þingkosninga skipuð félags- og húsnæðismálaráðherra í ríkisstjórn Sigmundar Davíðs Gunnlaugssonar.

Eygló Harðardóttir (EyH)
Félags- og húsnæðismálaráðherra Íslands
Í embætti 23. maí 2013 – 11. janúar 2017
Forsætisráðherra	Sigmundur Davíð Gunnlaugsson Sigurður Ingi Jóhannsson
Forveri	Guðbjartur Hannesson
Eftirmaður	Þorsteinn Víglundsson
Alþingismaður
frá til  kjördæmi    þingflokkur 2008 2013  Suðurkjördæmi  Framsóknarfl. 2013 2017  Suðvesturkjördæmi  Framsóknarfl.
Persónulegar upplýsingar
Fædd	12. desember 1972 (1972-12-12) Reykjavík, Íslandi
Maki	Sigurður E. Vilhelmsson
Börn	2
Háskóli	Stokkhólmsháskóli Háskóli Íslands
Vefsíða	http://blog.eyjan.is/eyglohardar/
Æviágrip á vef Alþingis

Ævi

Eygló fæddist 12. desember 1972 í Reykjavík og eru foreldrar hennar Svanborg Óskarsdóttir og Hörður Rögnvaldsson. Móðir Eyglóar var aðeins 16. ára gömul þegar hún átti hana og bjuggu þær í kjallaraíbúð hjá foreldrum hennar í Hlíðahverfi fyrstu árin á meðan Svanborg lauk stúdentsprófi og fór í kennaranám. Megnið af æskunni bjó Eygló í Breiðholti þar sem hún gekk í Breiðholtsskóla og lauk stúdentsprófi frá Fjölbrautaskólanum í Breiðholti árið 1992. Hún lauk Fil.kand prófi í listasögu frá Stokkhólmsháskóla árið 2000 og stundaði framhaldsnám í viðskiptafræði við Háskóla Íslands frá 2007. Eygló er búsett í Mosfellsbæ og er gift Sigurði E. Vilhelmssyni, en saman eiga þau tvö börn.

Þingstörf

Eygló sat á Alþingi fyrir Suðurkjördæmi frá nóvember 2008. Hún tók sæti á Alþingi fyrir hönd Framsóknarflokksins þegar Guðni Ágústsson fyrrverandi formaður flokksins sagði af sér þingmennsku. Fyrir Alþingiskosningarnar 2009 skipaði hún annað sæti á lista Framsóknarflokksins í Suðurkjördæmi og var 7. þingmaður kjördæmisins.

Eygló sat í heilbrigðisnefnd, iðnaðarnefnd og umhverfisnefnd Alþingis árin 2008-2009. Hún sat í menntamálanefnd og viðskiptanefnd árin 2009-2011 og allsherjar- og menntamálanefnd árið 2011. Á árunum 2009-2010 sat hún í þingmannefnd til að fjalla um skýrslu Rannsóknarnefndar Alþingis. Eygló var formaður verðtrygginganefndar efnahags- og viðskiptaráðherra , en nefndin hafði það hlutverk að leita leiða til að draga úr vægi verðtryggingar.

Tilvísanir

Tenglar

• Æviágrip Alþingis
• Bloggsíða Eyglóar Geymt 17 mars 2012 í Wayback Machine
• Framsóknarflokkurinn

Fyrirrennari: Guðbjartur Hannesson

Félagsmálaráðherra (23. maí 2013 – 2017)

Eftirmaður: Þorsteinn Víglundsson