Benedikt Gröndal (f. 1924)
Benedikt Gröndal (7. júlí 1924 – 20. júlí 2010) var forsætisráðherra Íslands (fyrir Alþýðuflokkinn) 15. október 1979 til 8. febrúar 1980. Hann var utanríkisráðherra 1978–1980 og alþingismaður 1956–1982.
Benedikt var sonur Sigurðar Gröndal yfirkennara í Reykjavík og konu hans Mikkelínu Maríu Sveinsdóttur. Hann lauk stúdentsprófi frá MR 1943, BA-prófi í sagnfræði frá Harvard-háskóla 1946. Með námi og að því loknu var hann blaðamaður á Alþýðublaðinu, síðan ritstjóri Samvinnunnar 1951-1958 og ritstjóri Alþýðublaðsins 1959-1969.
Benedikt varð landskjörinn þingmaður Borgfirðinga fyrir Alþýðuflokkinn 1956-1959. Hann var síðan þingmaður Vesturlands 1959-1978 og þingmaður Reykvíkinga 1978-1982. Hann var formaður Alþýðuflokksins 1974-1980. Þegar hann lét af þingmennsku 1982 var hann skipaður sendiherra í Svíþjóð og starfaði hjá utanríkisþjónustunni til 1991. Hann sendi frá sér nokkrar bækur um stjórnmál, utanríkismál og sagnfræði.
Fyrirrennari: Ólafur Jóhannesson |
|
Eftirmaður: Gunnar Thoroddsen | |||
Fyrirrennari: Einar Ágústsson |
|
Eftirmaður: Ólafur Jóhannesson |