Einar Ágústsson

Einar Ágústsson (23. september 1922 – 12. apríl 1986) var utanríkisráðherra Íslands (fyrir Framsóknarflokkinn) 14. júlí 1971 til 1. september 1978. Hann var sendiherra Íslands í Danmörku frá 1980 til æviloka.

Einar var sonur Ágústs Einarssonar kaupfélagsstjóra í Austur-Landeyjum og konu hans Helgu Jónasdóttur kennara og húsmóður. Hann lauk stúdentsprófi frá MR 1941 og embættisprófi í lögfræði frá Háskóla Íslands 1947.

Störf

• Skrifstofustjóri Sölunefndar varnarliðseigna 1947–1954, jafnframt starfsmaður fjárhagsráðs.

• Fulltrúi í fjármálaráðuneyti 1954–1957.

• Sparisjóðsstjóri Samvinnusparisjóðsins frá stofnun hans 1. mars 1957 til 1963 og jafnframt fulltrúi forstjóra Sambands íslenskra samvinnufélaga og forstöðumaður lífeyrissjóðs sambandsins til 1960.

• Bankastjóri Samvinnubankans 1963–1971.

• Alþingismaður Reykvíkinga 1963–1979 (Framsóknarflokkur).