Verðlaun Jónasar Hallgrímssonar
Verðlaun Jónasar Hallgrímssonar eru bókmenntaverðlaun sem veitt eru árlega á Degi íslenskrar tungu 16. nóvember og eru afhend af menntamálaráðherra. Verðlaunin eru veitt einstaklingum sem hafa með sérstökum hætti unnið íslenskri tungu gagn í ræðu eða riti, með skáldskap, fræðistörfum eða kennslu og stuðlað að eflingu hennar, framgangi eða miðlun til nýrrar kynslóðar. Jónas Hallgrímsson (1807-1845) var eitt fremsta skáld íslendinga og fæddist 16. nóvember.
Þessi hafa hlotið Verðlaun Jónasar Hallgrímssonar:
- Vilborg Dagbjartsdóttir, skáld og grunnskólakennari, 1996
- Gísli Jónsson, menntaskólakennari, 1997
- Þórarinn Eldjárn, rithöfundur, 1998
- Matthías Johannessen, skáld og ritstjóri, 1999
- Magnús Þór Jónsson, Megas, tónlistarmaður, 2000
- Ingibjörg Haraldsdóttir, skáld og þýðandi, 2001
- Jón Böðvarsson, menntaskólakennari, 2002
- Jón S. Guðmundsson, menntaskólakennari, 2003
- Silja Aðalsteinsdóttir, bókmenntafræðingur, 2004
- Guðrún Helgadóttir, rithöfundur og fyrrverandi forseti Alþingis, 2005
- Njörður P. Njarðvík, prófessor, 2006
- Sigurbjörn Einarsson, biskup Íslands, 2007
- Herdís Egilsdóttir, kennari, 2008
- Þorsteinn frá Hamri, rithöfundur og skáld, 2009
- Vigdís Finnbogadóttir, velgjörðarsendiherra Sameinuðu Þjóðanna í tungumálum, fyrrverandi forseti Íslands og leikhússtjóri, 2010
- Kristín Marja Baldursdóttir, rithöfundur, 2011
- Hannes Pétursson, rithöfundur, 2012
- Jórunn Sigurðardóttir, dagskrárgerðarmaður, 2013
- Steinunn Sigurðardóttir, rithöfundur, 2014
- Guðjón Friðriksson, sagnfræðingur, 2015
- Sigurður Pálsson, skáld, 2016
- Vigdís Grímsdóttir, rithöfundur, 2017
- Eiríkur Rögnvaldsson, prófessor, 2018
- Jón G. Friðjónsson, prófessor, 2019
- Gerður Kristný, skáld, 2020
- Arnaldur Indriðason, rithöfundur, 2021
- Bragi Valdimar Skúlason, skáld, grínisti, auglýsingamaður og uppfræðari, 2022