Gylfi Þór Sigurðsson
Gylfi Þór Sigurðsson (f. 8. september 1989) er íslenskur knattspyrnumaður sem spilar sem miðherji með Val. Hann þykir góður í föstum leikatriðum, leikskilningi og í langskotum.
| Gylfi Þór Sigurðsson | ||
.jpg)
| ||
| Upplýsingar | ||
|---|---|---|
| Fullt nafn | Gylfi Þór Sigurðsson | |
| Fæðingardagur | 8. september 1989 | |
| Fæðingarstaður | Reykjavík, Ísland | |
| Hæð | 1,85m | |
| Leikstaða | Framsækinn miðjumaður | |
| Núverandi lið | ||
| Núverandi lið | Valur | |
| Númer | 10 | |
| Yngriflokkaferill | ||
| FH , Breiðablik og Reading F.C. | ||
| Meistaraflokksferill1 | ||
| Ár | Lið | Leikir (mörk) |
| 2008-2010 | Reading F.C. | 42 (18) |
| 2008 | →Shrewsbury Town (lán) | 5 (1) |
| 2009 | →Crewe Alexandria (lán) | 15 (3) |
| 2010-2012 | TSG 1899 Hoffenheim | 36 (9) |
| 2012 | →Swansea City (lán) | 18 (7) |
| 2012-2014 | Tottenham Hotspur | 58 (8) |
| 2014-2017 | Swansea City | 106 (27) |
| 2017-2022 | Everton | 133 (25) |
| 2023-2024 | Lyngby Boldklub | 2 (0) |
| 2024- | Valur | 19 (11) |
| Landsliðsferill2 | ||
| 2005 2000-2007 2007-2011 2010- |
Ísland U17 Ísland U19 Ísland U21 Ísland |
3 (2) 15 (8) 14 (6) 83 (27) |
|
1 Leikir með meistaraflokkum og mörk | ||
.jpg)
Gylfi hefur spilað með landsliðinu síðan 2010, skorað og varð markahæsti leikmaður liðsins árið 2023. Hann var valinn íþróttamaður ársins árið 2013 og árið 2016. Gylfi er markahæsti Íslendingur í ensku úrvalsdeildinni með tæp 70 mörk og einnig með flestar stoðsendingar eða 50 talsins.
Árið 2020 var hann 7. stoðsendingahæsti spilandi leikmaður úrvalsdeildarinnar (á eftir Kevin De Bruyne, David Silva, Christian Eriksen, Mesut Özil, Eden Hazard og Raheem Sterling).
Ungmennaferill
breytaGylfi hóf ferilinn hjá FH árið 2002 og gekk svo árið 2003 í raðir Breiðabliks. Árin 2005-2008 lék hann með undir 21. árs liði Reading á Englandi.
Atvinnumannaferill
breytaReading
breytaÁrin 2008-2010 lék Gylfi með liði Reading í ensku meistaradeildinni (og var lánaður í skamman tíma til Crewe og Shrewsbury). Hann var valinn leikmaður ársins tvö ár í röð.
1899 Hoffenheim
breytaÁrin 2010-2011 fór Gylfi til Hoffenheim í Þýskalandi. Gylfi var ekki í náðinni hjá nýjum þjálfara í byrjun leiktímabils 2011-2012 og leitaði því á önnur mið.
Swansea og Tottenham
breytaGylfi var lánaður til Swansea árið 2012 og spilaði 12 leiki með þeim. Hann var valin leikmaður mánaðarins í mars 2012, fyrstur Íslendinga. Sumarið 2012 fór hann til Tottenham Hotspur og var þar til 2014.
Swansea City
breytaSumarið 2014 náði Tottenham samningi við Swansea City um skipti á Gylfa og Ben Davies vinstri bakverði Swansea. Gylfi lagði upp mark og skoraði sigurmarkið í opnunarleik Swansea á móti Manchester United en það var í fyrst skipti síðan 1972 sem United hafði tapað opnunarleik.
Tímabilið 2016-2017 skoraði Gylfi 9 mörk og átti 13 stoðsendingar og átti lykilþátt í að Swansea bjargaði sér frá falli í ensku úrvalsdeildinni. Gylfi hljóp mesta vegalengd allra leikmanna á tímabilinu; 433 kílómetra. Gylfi er markahæsti leikmaður Swansea í úrvalsdeildinni með 34 mörk.
Everton
breyta2017-2018
breyta.jpg)
Árið 2017 var Gylfi seldur frá Swansea City til Everton fyrir 45 milljón punda. [1] Samningurinn var til 5 ára.
Gylfi skoraði sitt fyrsta mark fyrir Everton á móti Hajduk Split, í fyrsta leik sínum í byrjunarliðinu (25. ágúst). Markið var af meira en 45 metra færi með viðstöðulausu skoti, 13 sekúndum eftir að flautað var til seinni hálfleiks. Ronald Koeman, þjálfari Everton, sagði að markið væri eitt af mörkum tímabilsins. [2] Í mars 2018 meiddist Gylfi á hné í leik á móti Brighton og var frá í 6-8 vikur. Leiktíðina 2017-2018 spilaði Gylfi 33 leiki og skoraði 6 mörk. [3]
2018-2019
breytaGylfi hóf leiktíðina 2018-2019 mun betur en á fyrri leiktíð og var markahæsti maður liðsins (fyrir jól) á eftir Brasilíumanninum Richarlison. Hann skoraði meðal annars tvö mörk gegn Fulham FC og Cardiff City og sigurmark gegn Leicester City af 23 metra færi. Gylfi komst upp fyrir Eið Smára Guðjohnsen (55 mörk) sem markahæsti Íslendingurinn í ensku úrvalsdeildinni í febrúar með 56 mörk. [4] Gylfi kláraði tímabilið með 13 mörk í deildinni og 6 stoðsendingar. Hann var markahæstur ásamt Richarlison.
2019-2020
breytaTímabilið 2019-2020 var gengi Everton ekki gott í byrjun tímabils og þjálfarinn Marco Silva var rekinn. Með nýjum þjálfara, Carlo Ancelotti, færðist Gylfi aftar á miðjuna. Gylfa hafði ekki gengið vel að skapa mörk og hlaut gagnrýni. Íþróttafréttamenn orðuðu hann frá félaginu eftir tímabilið.
2020-2021
breytaGylfi hóf tímabilið á bekknum eftir að nýir miðjumenn komu til Everton; James Rodríguez, Allan og Abdoulaye Doucouré. Hann byrjaði þó í bikarleikjum og skoraði sitt 100. mark í enskri knattspyrnu gegn Salford City í september. Gylfi skoraði sigurmarkið úr víti gegn Chelsea í desember, í 1-0 sigri. Hann skoraði einnig úr víti í fyrsta sigurleik Everton á Liverpool FC á Anfield í 22 ár. Hann skoraði tvívegis á móti Tottenham í 2-2 jafntefli í apríl.
Lyngby
breytaSumarið 2023 hélt Gylfi til Lyngby. Hann spilaði sinn fyrsta leik fyrir liðið í lok september þegar hann kom inn á sem varamaður. Gylfi meiddist og spilaði ekki sem skyldi með liðinu.
Valur
breytaÍ byrjun árs 2024 spurðist út að Gylfi hyggðist ganga til liðs við Val. Í miðjum mars bárust fregnir þess efnis að hann hafði skrifað undir. [5] Hann gerði 2 ára samning við félagið. [6] Gylfi skoraði mark í sínum fyrsta leik fyrir félagið.
Einkalíf
breytaÍ júní 2019 kvæntist Gylfi Alexöndru Ívarsdóttur, sem hafði verið valin Ungfrú Ísland árið 2008, en þau höfðu verið saman frá árinu 2010.[7]
Í júlí 2021 spurðist út að Gylfi Þór hefði verið handtekinn og settur í leyfi frá Everton vegna rannsóknar lögreglunnar í Manchester á meintu kynferðisbroti hans gegn barni.[8] Rannsókn á málinu lauk án ákæru í apríl árið 2023.[9]
Viðurkenningar
breyta- Leikmaður mánaðarins, enska úrvalsdeildin, mars 2012.
- Leikmaður mánaðarins, enska meistaradeildin, mars 2010.
- Leikmaður tímabilsins, Reading FC: 2009–10.
- Leikmaður tímabilsins, Hoffenheim: 2010–11.
- Knattspyrnukarl ársins, Ísland: 2010, 2012, 2013, 2014, 2015, 2016, 2017, 2018, 2019, 2020
- Íþróttamaður ársins: 2013 og 2016.
- Leikmaður tímabilsins, Swansea City: 2015–16 og 2016–17.
Tilvísanir
breyta- ↑ Gylfi Sigurdsson: Everton agree £45m deal for Swansea midfielder BBC. Skoðað 16. ágúst, 2017.
- ↑ Hajduk Split 1-1 Everton BBC. Skoðað 25 ágúst, 2017
- ↑ Allardyce rekinn í vikunni Mbl.is. Skoðað 15. maí, 2018.
- ↑ Sögulegt mark Gylfa í Wales Vísir, skoðað 19. mars, 2019
- ↑ Gylfi búinn að skrifa undir hjá Val Fótbolti.net, sótt 13/3 2024
- ↑ Gylfi í Val, staðfest... Fótbolti.net, sótt 14/3 2024
- ↑ „Fótbolti.net“. fotbolti.net. Sótt 17. júlí 2024.
- ↑ „Gylfi sakaður um brot gegn barni“. mbl.is. 20. júlí 2021. Sótt 22. júlí 2021.
- ↑ Sindri Sverrisson (14. apríl 2023). „Gylfi laus allra mála“. Vísir. Sótt 14. apríl 2023.
