Opna aðalvalmynd

Gylfi Þór Sigurðsson (f. 8. september 1989) er íslenskur knattspyrnumaður sem spilar sem miðherji fyrir Everton í ensku úrvalsdeildinni. Hann þykir einstaklega góður í föstum leikatriðum, leikskilningi og í langskotum. Gylfi hefur skorað úr flestum aukaspyrnum í ensku úrvalsdeildinni frá því hann hóf að spila þar. Gylfi hefur spilað með landsliðinu síðan 2010 og skorað 21 mark. Hann var valinn íþróttamaður ársins árið 2013 og árið 2016. Gylfi er markahæsti Íslendingur í ensku úrvalsdeildinni.

Gylfi Þór Sigurðsson
ISL-HRV (21).jpg
Upplýsingar
Fullt nafn Gylfi Þór Sigurðsson
Fæðingardagur 8. september 1989 (1989-09-08) (30 ára)
Fæðingarstaður    Reykjavík, Ísland
Hæð 1,85m
Leikstaða Framsækinn miðjumaður
Núverandi lið
Núverandi lið Everton
Númer 10
Yngriflokkaferill
FH , Breiðablik og Reading F.C.
Meistaraflokksferill1
Ár Lið Leikir (mörk)
2008-2010
2008
2009
2010-2012
2012
2012-2014
2014-2017
2017-
Reading F.C.
→Shrewsbury Town (lán)
→Crewe Alexandria (lán)
1899 Hoffenheim
Swansea City (lán)
Tottenham Hotspur
Swansea City
Everton
42 (18)
5 (1)
15 (3)
36 (9)
18 (7)
58 (8)
106 (27)
68 (17)   
Landsliðsferill2
2005
2000-2007
2007-2011
2010-
Ísland U17
Ísland U19
Ísland U21
Ísland
3 (2)
15 (8)
14 (6)
70 (21)

1 Leikir með meistaraflokkum og mörk
talið í aðaldeild liðsins og
síðast uppfært sept. 2019.
2 Landsliðsleikir og mörk uppfærð
sept. 2019.

Gylfi með vítaspyrnu á HM.

UngmennaferillBreyta

Gylfi hóf ferilinn hjá FH árið 2002 og gekk svo árið 2003 í raðir Breiðabliks. Árin 2005-2008 lék hann með undir 21. árs liði Reading á Englandi.

AtvinnumannaferillBreyta

ReadingBreyta

Árin 2008-2010 lék Gylfi með liði Reading í ensku meistaradeildinni (og var lánaður í skamman tíma til Crewe og Shrewsbury). Hann var valinn leikmaður ársins tvö ár í röð.

1899 HoffenheimBreyta

Árin 2010-2011 fór Gylfi til Hoffenheim í Þýskalandi. Gylfi var ekki í náðinni hjá nýjum þjálfara í byjun leiktímabils 2011-2012 og leitaði því á önnur mið.

Swansea og TottenhamBreyta

Gylfi var lánaður til Swansea árið 2012 og spilaði 12 leiki með þeim. Hann var valin leikmaður mánaðarins í mars 2012, fyrstur Íslendinga. Sumarið 2012 fór hann til Tottenham Hotspur og var þar til 2014.

Swansea CityBreyta

Sumarið 2014 náði Tottenham samningi við Swansea City um skipti á Gylfa og Ben Davies vinstri bakverði Swansea. Gylfi lagði upp mark og skoraði sigurmarkið í opnunarleik Swansea á móti Manchester United en það var í fyrst skipti síðan 1972 sem United hafði tapað opnunarleik.

Tímabilið 2016-2017 skoraði Gylfi 9 mörk og átti 13 stoðsendingar og átti lykilþátt í að Swansea bjargaði sér frá falli í ensku úrvalsdeildinni. Gylfi hljóp mesta vegalengd allra leikmanna á tímabilinu; 433 kílómetra. Gylfi er markahæsti leikmaður Swansea í úrvalsdeildinni með 34 mörk.

EvertonBreyta

2017-2018Breyta

 
Gylfi í leik Everton og Chelsea.

Árið 2017 var Gylfi seldur frá Swansea City til Everton fyrir 45 milljón punda. [1] Samningurinn var til 5 ára.

Gylfi skoraði sitt fyrsta mark fyrir Everton á móti Hajduk Split, í fyrsta leik sínum í byrjunarliðinu (25. ágúst). Markið var af meira en 45 metra færi með viðstöðulausu skoti, 13 sekúndum eftir að flautað var til seinni hálfleiks. Ronald Koeman, þjálfari Everton, sagði að markið væri eitt af mörkum tímabilsins. [2] Í mars 2018 meiddist Gylfi á hné í leik á móti Brighton og var frá í 6-8 vikur. Leiktíðina 2017-2018 spilaði Gylfi 33 leiki og skoraði 6 mörk. [3]

2018-2019Breyta

Gylfi hóf leiktíðina 2018-2019 mun betur en á fyrri leiktíð og var markahæsti maður liðsins (fyrir jól) á eftir Brasilíumanninum Richarlison. Hann skoraði meðal annars tvö mörk gegn Fulham FC og Cardiff City og sigurmark gegn Leicester City af 23 metra færi. Gylfi komst upp fyrir Eið Smára Guðjohnsen (55 mörk) sem markahæsti Íslendingurinn í ensku úrvalsdeildinni í febrúar með 56 mörk. [4] Gylfi kláraði tímabilið með 13 mörk í deildinni og 6 stoðsendingar. Hann var markahæstur ásamt Richarlison.

ViðurkenningarBreyta

  • Leikmaður mánaðarins, enska úrvalsdeildin, mars 2012.
  • Leikmaður mánaðarins, enska meistaradeildin, mars 2010.
  • Leikmaður tímabilsins, Reading FC: 2009–10.
  • Leikmaður tímabilsins, Hoffenheim: 2010–11.
  • Knattspyrnumaður ársins, Ísland: 2010, 2012, 2013, 2014, 2015, 2016, 2017.
  • Íþróttamaður ársins: 2013 og 2016.
  • Leikmaður tímabilsins, Swansea City: 2015–16 og 2016–17.
   Þetta æviágrip sem tengist Íslandi er stubbur. Þú getur hjálpað til með því að bæta við greinina.

TilvísanirBreyta

  1. Gylfi Sigurdsson: Everton agree £45m deal for Swansea midfielder BBC. Skoðað 16. ágúst, 2017.
  2. Hajduk Split 1-1 Everton BBC. Skoðað 25 ágúst, 2017
  3. All­ar­dyce rek­inn í vik­unni Mbl.is. Skoðað 15. maí, 2018.
  4. Sögulegt mark Gylfa í Wales Vísir, skoðað 19. mars, 2019