1684

Ár

1681 1682 1683 – 1684 – 1685 1686 1687

Áratugir

1671-1680 – 1681-1690 – 1691-1700

Aldir

16. öldin – 17. öldin – 18. öldin

Árið 1684 (MDCLXXXIV í rómverskum tölum) var 84. ár 17. aldar og hlaupár sem hófst á laugardegi samkvæmt gregoríska tímatalinu en þriðjudegi samkvæmt júlíska tímatalinu sem er tíu dögum á eftir.

Atburðir

Leiðangur LaSalle til Louisiana 1684 eftir Theodore Gudin frá 1884.

• 24. júlí - Robert de LaSalle lagði upp frá Frakklandi með stóran leiðangur í þeim tilgangi að koma upp franskri landnemabyggð við ósa Mississippifljóts.
• 7. október - Hotta Masatoshi, aðalráðgjafi Tokugawa Tsunayoshi, herstjóra í Japan, var myrtur.
• 10. desember - Edmund Halley las afleiðslu lögmála Keplers út frá kenningu Newtons um þyngdaraflið upp á fundi hjá Konunglega breska vísindafélaginu.

Ódagsettir atburðir

• Ulrik Christian Gyldenløve var skipaður stiftamtmaður á Íslandi, aðeins sex ára gamall.
• Einokunarverslunin: Umdæmaverslun tók við af félagsverslun.
• Jón Hreggviðsson var dæmdur til dauða á Alþingi fyrir morð á Sigurði Snorrasyni, böðli.

Fædd

• 31. mars - Francesco Durante, ítalskt tónskáld (d. 1755).
• 15. apríl - Katrín 1. keisaraynja Rússlands (d. 1727).
• 10. október - Antoine Watteau, franskur listmálari (d. 1721).
• 3. desember - Ludvig Holberg, danskur rithöfundur og leikskáld (d.1754).

Dáin

• 1. apríl - Roger Williams, enskur guðfræðingur (f. 1603).
• 22. júlí - Gísli Þorláksson Hólabiskup.
• 1. október - Pierre Corneille, franskt leikskáld (f. 1606).

Opinberar aftökur

• 9. júlí - Helgu Gunnarsdóttur úr Hrútafirði í Strandasýslu, 33 ára, drekkt á Alþingi fyrir blóðskömm.
• 9. júlí - Vilkin Árnason hengdur á Alþingi fyrir þjófnað og flótta úr járnum.
• 9. júlí - Guðrúnu Jónssdóttur frá Bessastöðum, 29 ára, drekkt á Alþingi fyrir dulsmál.
• 9. júlí - Sigvaldi Jónsson frá Kirkjulandshjáleigu í Rangárvallasýslu, 24 ára, hálshogginn á Alþingi fyrir morð á Ólafi nokkrum, hjáleigumanni föður síns.