Guðmundur Ingi Guðbrandsson
Guðmundur Ingi Guðbrandsson (f. 28. mars 1977) er núverandi félags- og vinnumarkaðsráðherra, fyrrverandi umhverfis- og auðlindaráðherra Íslands og núverandi formaður Vinstrihreyfingarinnar – græns framboðs og þingmaður flokksins í Suðvesturkjördæmi. Á kjörtímabilinu 2017-2021 gegndi hann embætti umhverfis- og auðlindaráðherra utan þings en gaf kost á sér í forvali Vinstri grænna í Suðvesturkjördæmi fyrir alþingiskosningarnar 2021. Frá 2011 til 2017 var hann framkvæmdastjóri Landverndar.[1]
| Guðmundur Ingi Guðbrandsson (GuðmG) | |||||||
|---|---|---|---|---|---|---|---|
 | |||||||
| Félags- og vinnumarkaðsráðherra Íslands | |||||||
Núverandi | |||||||
| Tók við embætti 28. nóvember 2021 | |||||||
| Forsætisráðherra | Katrín Jakobsdóttir Bjarni Benediktsson | ||||||
| Forveri | Ásmundur Einar Daðason | ||||||
| Samstarfsráðherra Norðurlanda | |||||||
Núverandi | |||||||
| Tók við embætti 28. nóvember 2021 | |||||||
| Forveri | Sigurður Ingi Jóhannsson | ||||||
| Umhverfis- og auðlindaráðherra Íslands | |||||||
| Í embætti 30. nóvember 2017 – 27. nóvember 2021 | |||||||
| Forsætisráðherra | Katrín Jakobsdóttir | ||||||
| Forveri | Björt Ólafsdóttir | ||||||
| Eftirmaður | Guðlaugur Þór Þórðarson | ||||||
| Formaður Vinstrihreyfingarinnar – græns framboðs | |||||||
Núverandi | |||||||
| Tók við embætti 5. apríl 2024 | |||||||
| Forveri | Katrín Jakobsdóttir | ||||||
| Alþingismaður | |||||||
| |||||||
| Persónulegar upplýsingar | |||||||
| Fæddur | 28. mars 1977 Brúarland á Mýrum | ||||||
| Stjórnmálaflokkur | Vinstrihreyfingin – grænt framboð | ||||||
| Menntun | Líffræði Umhverfisfræði | ||||||
| Háskóli | Háskóli Íslands Yale-háskóli | ||||||
| Æviágrip á vef Alþingis | |||||||
Starfsferill
breytaGuðmundur Ingi er með BSc-próf í líffræði frá Háskóla Íslands og meistarapróf í umhverfisfræði frá Yale-háskóla. Hann hefur unnið við rannsóknir í vistfræði og umhverfisfræði við Háskóla Íslands og hjá Landgræðslu ríkisins. Síðan starfaði hann á Veiðimálastofnun á Hólum í Hjartadal. Frá 2006 hefur hann verið stundakennari við Háskóla Íslands, Landbúnaðarháskóla Íslands og Háskólasetur Vestfjarða. Einnig starfaði hann sem landvörður í Þingvallaþjóðgarði og Vatnajökulsþjóðgarði.[2]
Hann var einn af stofnendum Félags umhverfisfræðinga á Íslandi og formaður þess frá 2007 til 2010.[2][3]
Guðmundur var sjálfkjörinn í embætti varaformanns Vinstri grænna á flokksþingi þeirra þann 19. október 2019.[4]
Stærsta verkefni Guðmundar í umhverfis- og auðlindaráðuneytinu var frumvarp um hálendisþjóðgarð[5] en það varð ekki að lögum á kjörtímabilinu.
Guðmundur Ingi varð félags- og vinnumarkaðsráðherra í annarri ríkisstjórn Katrínar Jakobsdóttur eftir Alþingiskosningarnar árið 2021, en Guðlaugur Þór Þórðarson tók við embætti umhverfisráðherra.
Þann 5. apríl 2024 eftir brotthvarf Katrínar Jakobsdóttur varð Guðmundur Ingi, sem að var varaformaður flokksins að formanni Vinstri græns.
Heimildir
breyta- ↑ „Sex karlar og fimm konur“, RÚV, 30. nóvember 2017.
- ↑ 2,0 2,1 „Skiptir miklu máli að vera fyrstur“, Morgunblaðið, 30. nóvember 2017.
- ↑ „Guðmundir Ingi Guðbrandsson > Landvernd > Síður“. Sótt 30. nóvember 2017.
- ↑ „Guðmundur Ingi stefnir á framboð til Alþingis“. RÚV. 19. október 2019. Sótt 19. október 2019.
- ↑ Skiluðu ráðherra skýrslu um miðhálendisþjóðgarð Rúv, skoðað 29. jan. 2020.
| Fyrirrennari: Björt Ólafsdóttir |
|
Eftirmaður: Guðlaugur Þór Þórðarson | |||
