Dalvíkurbyggð
Dalvíkurbyggð er sveitarfélag við utanverðan Eyjafjörð sem varð til við sameiningu Dalvíkurkaupstaðar, Svarfaðardalshrepps og Árskógshrepps árið 1998. Merki Dalvíkurbyggðar er mynd af þrem fjöllum sem tákna uppruna sveitarfélagsins. Hreppamörkin liggja um Ólafsfjarðarmúla og á vatnaskilum inn Svarfaðardal, inn á Heljardalsheiði, fyrir botn Skíðadals og út með dalnum að austan allt að Dýjafjallshnjúk. Þar sveigja mörkin til austurs og fara yfir suðurenda Þorvaldsdals, út með honum að austan og ná til strandar innan við Rauðuvík.
| Dalvíkurbyggð | |
|---|---|
| Sveitarfélag | |
 | |
 Merki | |
 Staðsetning Dalvíkurbyggðar Hnit: 65°58′N 18°32′V / 65.967°N 18.533°A | |
| Kjördæmi | Norðausturkjördæmi |
| Flatarmál – Samtals | 33. sæti 597 km² |
| Mannfjöldi – Samtals – Þéttleiki | 25. sæti 1.906 (2023) 3,19/km² |
| Bæjarstjóri | Eyrún Ingibjörg Sigþórsdóttir |
| Þéttbýliskjarnar | Dalvík Hauganes Litli-Árskógssandur |
| Sveitarfélagsnúmer | 6400 |
| Póstnúmer | 620, 621 |
| dalvikurbyggd.is | |
Í sveitarfélaginu er stundaður nokkur landbúnaður í Svarfaðardal og á Árskógsströnd en þéttbýlið við ströndina byggir mest á sjávarútvegi. Helstu þéttbýlisstaðir: Dalvík, Litli-Árskógssandur og Hauganes. Auk þess er lítið íbúðarhúsahverfi í Laugahlíð í Svarfaðardal.
Íþróttamaður Dalvíkurbyggðar er valinn árlega af Íþrótta- og æskulýðsráði Dalvíkurbyggðar.
Vinabæir breyta
Dalvíkurbyggð á eftirfarandi vinabæi á Norðurlöndunum:
Viborg, Danmörku
Lund, Svíþjóð
Hamar, Noregi
Porvoo, Finnlandi
Ittoqqortoormiit (Scoresbysund), Grænlandi
