Vjatsjeslav Molotov
Vjatsjeslav Míkhajlovítsj Molotov (kyrillískt letur: Вячесла́в Миха́йлович Мо́лотов)[1] fæddur undir nafninu Skrjabín (Скря́бин) (9. mars 1890 – 8. nóvember 1986)[2] var sovéskur stjórnmálamaður og erindreki úr flokki Bolsévika. Hann var einn af helstu valdamönnum Sovétríkjanna frá þriðja áratugnum en þá komst hann til metorða sem fylgismaður Jósefs Stalín. Molotov varð formaður þjóðfulltrúaráðs (þ.e.a.s. forsætisráðherra) Sovétríkjanna frá 1930 til 1941 og utanríkisráðherra frá 1939 til 1949 og aftur frá 1953 til 1956. Hann var aðstoðarforsætisráðherra frá 1942 til 1957 en þá var hann leystur frá störfum að undirlagi Níkíta Khrústsjov. Molotov settist í helgan stein árið 1961 og hafði þá verið lítið sýnilegur í sovéskum stjórnmálum í nokkur ár.
| Vjatsjeslav Molotov | |
|---|---|
| Вячесла́в Мо́лотов | |
 | |
| Formaður þjóðfulltrúaráðs Sovétríkjanna | |
| Í embætti 19. desember 1930 – 6. maí 1941 | |
| Forveri | Aleksej Rykov |
| Eftirmaður | Jósef Stalín |
| Utanríkisráðherra Sovétríkjanna | |
| Í embætti 3. maí 1939 – 4. mars 1949 | |
| Forsætisráðherra | Jósef Stalín |
| Forveri | Maksím Lítvínov |
| Eftirmaður | Andrej Vyshínskíj |
| Í embætti 5. mars 1953 – 1. júní 1956 | |
| Forsætisráðherra | Georgíj Malenkov Níkolaj Búlganín |
| Forveri | Andrej Vyshínskíj |
| Eftirmaður | Dmítríj Shepílov |
| Persónulegar upplýsingar | |
| Fæddur | 9. mars 1890 Kúkarka, rússneska keisaradæminu |
| Látinn | 8. nóvember 1986 (96 ára) Moskvu, rússneska sovétlýðveldinu, Sovétríkjunum |
| Stjórnmálaflokkur | Kommúnistaflokkur Sovétríkjanna |
| Maki | Polína Zhemtsjúzhína |
| Starf | Stjórnmálamaður, ríkiserindreki |
| Undirskrift |  |
Molotov var fulltrúi Sovétríkjanna við undirritun griðasáttmála þeirra við Þýskaland nasismans árið 1939. Samningurinn var kallaður Molotov-Ribbentrop-sáttmálinn í höfuðið á Molotov og Joachim von Ribbentrop utanríkisráðherra Þjóðverja. Í leynilegum viðauka sáttmálans var samið um að Póllandi yrði skipt á milli Þýskalands og Sovétríkjanna. Molotov vissi á þessum tíma um fjöldamorð Sovétmanna við Katyn sem framin voru eftir innrásina í Pólland árið 1940.
Eftir seinni heimsstyrjöldina tók Molotov þátt í samningaviðræðum við bandamenn og varð þar rómaður fyrir samningahæfni sína. Hann varð áfram helsti ríkiserindreki Sovétmanna til ársins 1949 en þá féll hann úr náð Stalíns og var leystur frá störfum sem utanríkisráðherra. Samband hans við Stalín varð æ kaldara þegar Stalín gagnrýndi hann í ræðu á 19. flokksþingi sovéska kommúnistaflokksins. Eftir dauða Stalíns var Molotov þó svarinn andstæðingur þeirrar stefnu Khrústsjovs að afneita og fordæma arfleifð Stalínstímans. Molotov varði stefnumál og arfleifð Stalíns þar til hann lést árið 1986 og gagnrýndi eftirmenn Stalíns harkalega, sérstaklega Khrústsjov.
Tilvísanir
breyta- ↑ "Molotov". Random House Webster's Unabridged Dictionary.
- ↑ John E. Jessup (1998). „Profile of Vyacheslav Molotov“. An Encyclopedic Dictionary of Conflict and Conflict Resolution, 1945-1996. Greenwood Publishing Group. bls. 480.
| Fyrirrennari: Níkolaj Krestínskíj |
|
Eftirmaður: Jósef Stalín (sem aðalritari) | |||
| Fyrirrennari: Aleksej Rykov |
|
Eftirmaður: Jósef Stalín | |||
| Fyrirrennari: Maksím Lítvínov |
|
Eftirmaður: Andrej Vyshínskíj | |||
| Fyrirrennari: Andrej Vyshínskíj |
|
Eftirmaður: Dmítríj Shepílov | |||
Þetta æviágrip sem tengist stjórnmálum er stubbur. Þú getur hjálpað til með því að bæta við greinina.