Stúdentaráð Háskóla Íslands
Stúdentaráð Háskóla Íslands (SHÍ) er félag og vettvangur fyrir hagsmunabaráttu stúdenta við háskólann. Stúdentar kjósa fulltrúa í sviðsráð fyrir hvert fimm sviða Háskóla Íslands og skipa forsetar sviðsráðanna stjórn Stúdentaráðs auk forseta og varaforseta. Stúdentaráð stendur fyrir ýmiskonar starfsemi og viðburðum sem tengjast réttindavörslu og félagslífi stúdenta.
Meðal helstu baráttumála Stúdentaráðs í gegnum tíðina hafa verið húsnæðismál og lánasjóðsmál.[1]
Forseti Stúdentaráðs er Arent Orri Jónsson Claessen, fulltrúi Vöku. Varaforseti er Sigurbjörg Guðmundsdóttir, hagsmunafulltrúi er Valgerður Laufey Guðmundsdóttir og lánasjóðsfulltrúi er Júlíus Viggó Ólafsson. [2]
Starfsstöður SHÍ eru: Forseti, varaforseti, lánasjóðsfulltrúi, framkvæmda-stjóri/stýra, alþjóðafulltrúi, Aurora fulltrúi, ritstjóri Stúdentablaðsins.[3]
Fastanefndir sem SHÍ skipar eru níu: Alþjóðanefnd, Félagslífs- og menningarnefnd, Fjármála- og atvinnulífsnefnd, Fjölskyldunefnd, Jafnréttisnefnd, Kennslumálanefnd, Lagabreytinganefnd, Nýsköpunar- og frumkvöðlanefnd, Umhverfis- og samgöngunefnd.[4]
Saga stúdentaráðs breyta
Stúdentaráð var stofnað í desember árið 1920. Í nóvember árið 1921 stofnaði Stúdentaráð mötuneytið Mensa academica sem starfaði fram til ársins 1929. Leynilegar kosningar til Stúdentaráðs voru teknar upp árið 1933. Þá urðu til fylkingar sem buðu fram á listum í kosningum. Árið 1951 stofnaði Stúdentaráð vinnumiðlun fyrir háskólanema. Félagsstofnun Stúdenta var stofnuð 1968 af Stúdentaráði og háskólaráði.[1] Árið 2013 stefndi Stúdentaráð íslenska ríkinu og Lánsjóði Íslenskra Námsmanna (LÍN) vegna breytinga á útlánareglum sjóðsins og hafði betur.
Fylkingar breyta
Kosið er til Stúdentaráðs af lista sem fylkingar bjóða fram. Undanfarna þrjá áratugi hafa það verið fylkingarnar Vaka og Röskva sem hafa notið mest fylgis og skiptst á að hafa meirihluta nokkur ár í senn. Aðrar fylkingar hafa þó iðulega boðið fram svo sem H-listinn, Skrökva og Öskra í seinni tíð. Á árum áður voru starfandi fylkingarnar Umbótasinnar, Félag vinstrimanna, Vinstrimenn og Félag róttækra stúdenta.
Árið 2013 voru einstaklingsframboð leyfð, en það var meðal helstu baráttumála H-listans og Skrökvu.[5] Síðan þá hafa einungis tvisvar sinnum borist einstaklingsframboð, árin 2016 og 2023, bæði á hugvísindasviði, en hvorugt þeirra hlaut kjör.[6][7]
Formenn SHÍ gegnum tíðina breyta
Forseti (áður formaður) Stúdentaráðs er ábyrgðarstaða sem margt þjóðþekkt fólk hefur gegnt gegnum tíðina. Meðal fyrri formanna má nefna: Össur Skarphéðinsson, Hildur Björnsdóttir, Ingibjörgu Sólrúnu Gísladóttur, Árni Grétar Finnsson, Dag B. Eggertsson og Jónas Fr. Jónsson.[8]
Hörður Sigurgestsson var fyrstur til að gegna embætti forseta tvö ár í röð, árin 1960-1962. Fyrsta kona til að gegna embætti forseta var Arnlín Óladóttir starfsárið 1974-1975.[9]
Nafn | Frá | Til | Fylking |
---|---|---|---|
Arent Orri Jónsson Claessen | 2024 | Vaka | |
Rakel Anna Boulter | 2023 | 2024 | Röskva |
Rebekka Karsldóttir | 2022 | 2023 | Röskva |
Isabel Alejandra Diaz | 2020 | 2022 | Röskva |
Jóna Þórey Pétursdóttir | 2019 | 2020 | Röskva |
Elísabet Brynjarsdóttir | 2018 | 2019 | Röskva |
Ragna Sigurðardóttir | 2017 | 2018 | Röskva |
Kristófer Már Maronsson | 2016 | 2017 | Vaka |
Aron Ólafsson | 2015 | 2016 | Vaka |
Ísak Einar Rúnarsson | 2014 | 2015 | Vaka |
María Rut Kristinsdóttir | 2013 | 2014 | Vaka |
Sara Sigurðardóttir | 2012 | 2013 | Vaka |
Lilja Dögg Jónsdóttir | 2011 | 2012 | Vaka |
Jens Fjalar Skaptason | 2010 | 2011 | Vaka |
Hildur Björnsdóttir | 2009 | 2010 | Vaka |
Björg Magnúsdóttir | 2008 | 2009 | Röskva |
Dagný Ósk Aradóttir | 2007 | 2008 | Röskva |
Sigurður Örn Hilmarsson | 2006 | 2007 | Vaka |
Elías Jón Guðjónsson | 2005 | 2006 | H-listinn |
Jarþrúður Ásmundsdóttir | 2004 | 2005 | Vaka |
Davíð Gunnarsson | 2003 | 2004 | Vaka |
Brynjólfur Stefánsson | 2002 | 2003 | Vaka |
Þorvarður Tjörvi Ólafsson | 2001 | 2002 | Röskva |
Eiríkur Jónsson | 2000 | 2001 | Röskva |
Finnur Beck | 1999 | 2000 | Röskva |
Ásdís Magnúsdóttir | 1998 | 1999 | Röskva |
Haraldur Guðni Eiðsson | 1997 | 1998 | Röskva |
Vilhjálmur H. Vilhjálmsson | 1996 | 1997 | Röskva |
Guðmundur Steingrímsson | 1995 | 1996 | Röskva |
Dagur B. Eggertsson | 1994 | 1995 | Röskva |
Páll Magnússon | 1993 | 1994 | Röskva |
Pétur Þ. Óskarsson | 1992 | 1993 | Röskva |
Steinunn Valdís Óskarsdóttir | 1991 | 1992 | Röskva |
Sigurjón Þ. Árnason | 1990 | 1991 | Vaka |
Jónas Fr. Jónsson | 1989 | 1990 | Vaka |
Sveinn Andri Sveinsson | 1988 | 1989 | Vaka |
Ómar Geirsson | 1987 | 1988 | Umbótasinnar |
Eyjólfur Sveinsson | 1986 | 1987 | Vaka |
Björk Vilhelmsdóttir | 1986 | 1986 | Félag vinstrimanna |
Guðmundur Jóhannsson | 1985 | 1986 | Vaka |
Stefán Kalmansson | 1984 | 1985 | Vaka |
Aðalsteinn Steinþórsson | 1983 | 1984 | Umbótasinnar |
Gunnar Jóhann Birgisson | 1982 | 1983 | Vaka |
Finnur Ingólfsson | 1981 | 1982 | Umbótasinnar |
Stefán Jóhann Stefánsson | 1980 | 1981 | Félag vinstrimanna |
Þorgeir Pálsson | 1979 | 1980 | Félag vinstrimanna |
Bolli Héðinsson | 1978 | 1979 | Vinstrimenn |
Ingibjörg Sólrún Gísladóttir | 1977 | 1978 | Vinstrimenn |
Össur Skarphéðinsson | 1976 | 1977 | Vinstrimenn |
Gestur Guðmundsson | 1975 | 1976 | Vinstrimenn |
Arnlín Óladóttir | 1974 | 1975 | Vinstrimenn |
Halldór Ármann Sigurðsson | 1973 | 1974 | Vinstrimenn |
Tilvísanir breyta
- ↑ 1,0 1,1 „Saga Stúdentaráðs“. student.is. Sótt 20. febrúar 2023.
- ↑ „Arent Orri kjörinn forseti stúdentaráðs“. www.mbl.is. Sótt 17. apríl 2024.
- ↑ „Skrifstofa Stúdentaráðs“. student.is. Sótt 20. febrúar 2023.
- ↑ „Nefndir Stúdentaráðs“. student.is. Sótt 20. febrúar 2023.
- ↑ „Skrökva leggur sig niður“. www.mbl.is. 20. janúar 2012. Sótt 25. mars 2023.
- ↑ Albertsson, Þórgnýr Einar (15. febrúar 2016). „Stofnaði félag nemenda með íslenskuna sem annað mál - Vísir“. visir.is. Sótt 25. mars 2023.
- ↑ „Röskva heldur velli“. www.mbl.is. 23. mars 2023. Sótt 25. mars 2023.
- ↑ „Formenn SHÍ frá 1920“.
- ↑ Þorvaldsson, Atli Freyr (29. desember 2020). „Fyrrum forsetar SHÍ: Afturhvarf til fortíðar“. Stúdentablaðið. Afrit af upprunalegu geymt þann 20. febrúar 2023. Sótt 20. febrúar 2023.