Röskva (stúdentahreyfing)
Röskva er frjáls félagasamtök og stúdentahreyfing við Háskóla Íslands, sem hefur boðið fram lista til Stúdentaráðs Háskóla Ísland frá árinu 1988. Undirtitill hreyfingarinnar er „Samtök félagshyggjufólks við Háskóla Íslands“. Röskva er sem stendur með 8 fulltrúa í Stúdentaráði af 17 mögulegum.[1]
| Röskva | |
| |
| Stofnár | 1988 |
| Hugmyndafræði | Félagshyggja |
| Formaður | Mathias Bragi Ölvisson |
| Varaformaður | Katla Ólafsdóttir |
| Gjaldkeri | Agla Arnars Katrínardóttir |
| Oddviti í stúdentaráði | Kristrún Vala Ólafsdóttir |
| Einkennislitur | Rauður |
| Vefsíða | www.roskva.hi.is |
| Sæti í Stúdentaráði | 8 / 17
|
| Sæti í Háskólaráði | 1 / 2
|
| Sæti á Háskólaþingi | 5 / 10
|
Á hverju ári tilnefnir Röskva í launaðar stöður á skrifstofu Stúdentaráðs.
Saga
breytaRöskva var stofnuð í febrúar árið 1988 þegar tvær hreyfingar, Félag vinstri manna og Umbótasinnar, ákváðu að leiða saman hesta sína í sameiginlegu framboði gegn Vöku, félagi lýðræðissinnaðra stúdenta.[2] Fyrsti formaður félagsins var Þórunn Sveinbjarnardóttir, þingmaður og fyrrverandi umhverfisráðherra.[3] Röskva náði fyrst meirihluta í stúdentaráði árið 1992 og hélt honum allt til ársins 2002, þegar Vaka endurheimti meirihlutann. Röskva náði svo hreinum meirihluta á ný vorið 2007, sem hún hélt til vorsins 2009.
Árið 2017 sigraði Röskva kosningar til Stúdentaráðs eftir átta ár í minnihluta og fékk 18 af 27 fulltúum í Stúdentaráði, sem var þá stærsti sigur í sögu Röskvu.[4] Röskva hélt meirihluta sínum áfram og hlaut í fyrsta sinn meirihluta á öllum fræðasviðunum fimm í kosningunum árið 2019.[5] Í kosningunum árið 2020 fékk Röskva 13 af 17 fulltrúum sem var þá stærsti sigur í sögu Röskvu.[6] Röskva vann svo stærsta sigur í sögu Stúdentaráðs árið 2021 þegar hún fékk 16 af 17 fulltrúum kjörna.[7] Fylkingin hélt meirihluta í ráðinu til vorsinns 2024.[1]
Stefna
breytaRöskva er félagshyggjuhreyfing og er sem slík mótfallin upptöku skólagjalda og fjöldatakmarkana við Háskóla Íslands.[8] Þá hefur það verið skoðun liðsmanna Röskvu að starf Stúdentaráðs skuli ekki einskorðast við hagsmunabaráttu innan veggja Háskólans, heldur eigi ráðið einnig að láta stærri samfélagsleg málefni sig varða, jafnvel þótt þau snerti fleiri en bara stúdenta við Háskóla Íslands.[9] Auk þess hefur hreyfingin vakið athygli á löngum biðlista til stúdentaíbúða og sömuleiðis skort þeirra.[10]
Stjórn Röskvu
breytaStjórn Röskvu er kjörin á aðalfundi félagsins sem er venjulega haldin í apríl ár hvert.
Stjórn Röskvu, starfsárið 2024-2025 skipa:[11]
- Mathias Bragi Ölvisson, forseti
- Katla Ólafsdóttir, varaforseti
- Helga Björg B. Óladóttir, ritari
- Agla Arnars Katrínardóttir, gjaldkeri
- Þórdís Eva Sigurðardóttir, ritstýra
- Cynthia Anne Namugambe, markaðsstýra
- Fanney Rún Einarsdóttir, skemmtanastýra
- Björgvin Ægir Elisson, kynningarstjóri
- Ármann Leifsson, kosningastjóri
- Erik Maher, alþjóðafulltrúi
- Svanlaug Halla Baldursdóttir, meðstjórnandi
Oddviti Röskvu í Stúdentaráði er Kristrún Vala Ólafsdóttir.
Formenn/forsetar Stúdentaráðs fyrir Röskvu
breyta- 1991-1992 – Steinunn Valdís Óskarsdóttir[12]
- 1992-1993 – Pétur Þ. Óskarsson[13]
- 1993-1994 – Páll Magnússon[14]
- 1994-1995 – Dagur B. Eggertsson[15]
- 1995-1996 – Guðmundur Steingrímsson[15]
- 1996-1997 – Vilhjálmur H. Vilhjálmsson[16]
- 1997-1998 – Haraldur Guðni Eiðsson[17]
- 1998-1999 – Ásdís Magnúsdóttir[18]
- 1999-2000 – Finnur Beck[19]
- 2000-2001 – Eiríkur Jónsson[20]
- 2001-2002 – Þorvarður Tjörvi Ólafsson[21]
- 2007-2008 – Dagný Ósk Aradóttir[22]
- 2008-2009 – Björg Magnúsdóttir[23]
- 2017-2018 – Ragna Sigurðardóttir[24]
- 2018-2019 – Elísabet Brynjarsdóttir[25]
- 2019-2020 – Jóna Þórey Pétursdóttir[26]
- 2020-2021 – Isabel Alejandra Diaz[27]
- 2021-2022 – Isabel Alejandra Diaz [28][29]
- 2022-2023 – Rebekka Karlsdóttir[30]
- 2023-2024 – Rakel Anna Boulter[31]
Þekkt fólk sem starfað hefur með Röskvu
breyta- Katrín Jakobsdóttir, forsætisráðherra og formaður VG
- Dagur B. Eggertsson, borgarstjóri í Reykjavík
Tilvísanir
breyta- ↑ 1,0 1,1 Ari Páll Karlsson (22. mars 2024). „Vaka vann eftir sjö ár í minnihluta - RÚV.is“. RÚV. Sótt 12. apríl 2024.
- ↑ „Vinstri menn og umbótasinnar sameinast í eitt félag“. Stúdentablaðið. 1. febrúar 1988. bls. 2. Sótt 15. apríl 2023.
- ↑ Alfreðsson, Haukur Viðar (8. september 2013). „Þórunn ráðin framkvæmdastýra Samfylkingarinnar - Vísir“. visir.is. Sótt 14. apríl 2023.
- ↑ Hólmkelsdóttir, Hulda (2. febrúar 2017). „Röskva sigraði í kosningum til Stúdentaráðs - Vísir“. visir.is. Sótt 14. apríl 2023.
- ↑ Olgeirsson, Birgir (2. júlí 2019). „Röskva sigraði í kosningum til Stúdentaráðs Háskóla Íslands - Vísir“. visir.is. Sótt 14. apríl 2023.
- ↑ „Röskva vann stúdentaráðskosningar“. www.mbl.is. 27. mars 2020. Sótt 14. apríl 2023.
- ↑ „Röskva vann stórsigur“. www.mbl.is. 25. mars 2021. Sótt 14. apríl 2023.
- ↑ „Röskva kynnir framboðslista“. www.mbl.is. 12. mars 2020. Sótt 15. apríl 2023.
- ↑ „Geymd eintak“. Afrit af upprunalegu geymt þann 5. apríl 2017. Sótt 22. apríl 2015.
- ↑ „Gamli Garður í nefnd“. Morgunblaðið. 18. nóvember 2017. bls. 18. Sótt 15. apríl 2023.
- ↑ „Mathias Bragi kjörinn forseti Röskvu“. www.mbl.is. 11. apríl 2024. Sótt 12. apríl 2024.
- ↑ „Steinunn V. Óskarsdóttir formaður“. Morgunblaðið. 28. júní 1991. bls. 23. Sótt 15. apríl 2023.
- ↑ „Námsmenn á heljarþröm“. Tíminn. 18. september 1992. bls. 2. Sótt 15. apríl 2023.
- ↑ „Ný stjórn Stúdentaráðs“. Stúdentablaðið. 1. mars 1993. bls. 3. Sótt 15. apríl 2023.
- ↑ 15,0 15,1 „Nýr formaður SHÍ“. Morgunblaðið. 25. mars 1995. bls. 10. Sótt 15. apríl 2023.
- ↑ „Nýr formaður Stúdentaráðs“. Morgunblaðið. 16. mars 1996. bls. 12. Sótt 15. apríl 2023.
- ↑ „Nýr formaður Stúdentaráðs“. Morgunblaðið. 16. mars 1997. bls. 27. Sótt 15. apríl 2023.
- ↑ „Kjörinn formaður Stúdentaráðs“. Morgunblaðið. 18. mars 1998. bls. 12. Sótt 15. apríl 2023.
- ↑ „Röskva sigrar níunda árið í röð“. Stúdentablaðið. 3. janúar 1999. bls. 9. Sótt 15. apríl 2023.
- ↑ „Eiríkur Jónsson nýr formaður“. Morgunblaðið. 17. mars 2000. bls. 2. Sótt 15. apríl 2023.
- ↑ „Ný forysta í Stúdentaráði HÍ“. www.mbl.is. 16. mars 2001. Sótt 15. apríl 2023.
- ↑ „Dagný Ósk formaður Stúdentaráðs - Vísir“. visir.is. 22. febrúar 2007. Sótt 15. apríl 2023.
- ↑ „Nýr formaður stúdentaráðs“. www.mbl.is. 22. febrúar 2008. Sótt 15. apríl 2023.
- ↑ Hilmarsdóttir, Sunna Kristín (13. mars 2017). „Ragna Sigurðardóttir nýr formaður Stúdentaráðs - Vísir“. visir.is. Sótt 15. apríl 2023.
- ↑ „Elísabet nýr formaður Stúdentaráðs“. www.vb.is. 20. mars 2018. Sótt 15. apríl 2023.
- ↑ „Jóna Þórey nýr forseti Stúdentaráðs Háskóla Íslands“. DV. 14. mars 2019. Sótt 15. apríl 2023.
- ↑ „Isabel nýr forseti Stúdentaráðs HÍ“. www.mbl.is. 21. apríl 2020. Sótt 15. apríl 2023.
- ↑ „Isabel endurkjörin forseti Stúdentaráðs“. www.frettabladid.is. Sótt 13. apríl 2022.
- ↑ „Isabel braut aftur blað í sögu Stúdentaráðs“. www.mbl.is. 22. apríl 2021. Sótt 15. apríl 2023.
- ↑ Logadóttir, Fanndís Birna. „Rebekka Karlsdóttir nýr forseti Stúdentaráðs Háskóla Íslands - Vísir“. visir.is. Sótt 23. apríl 2022.
- ↑ „Rakel Anna Boulter nýr forseti SHÍ“. www.mbl.is. 19. apríl 2023. Sótt 20. apríl 2023.
Tenglar
breyta- Heimasíða Röskvu Geymt 29 apríl 2009 í Wayback Machine