Finnur Ingólfsson
Finnur Ingólfsson (f. 8. ágúst 1954 í Vík í Mýrdal) er íslenskur viðskiptamaður og fyrrum ráðherra og varaformaður Framsóknarflokksins. Hann var alþingismaður fyrir Framsóknarflokkinn frá 1991-1999, varaformaður hans á árunum 1998-2000 og auk þess iðnaðar- og viðskiptaráðherra á árunum 1995-1999. Finnur var skipaður seðlabankastjóri frá 1. janúar 2000 til fimm ára, en hann lét af störfum í september 2002. Þá gerðist hann athafnamaður og var hluti af S-hópnum sem keypti Búnaðarbankann og tók við starfi forstjóra tryggingarfélagsins VÍS.[1]
Ævi
breytaFinnur var aðstoðarmaður Halldórs Ásgrímssonar, þáverandi sjávarútvegsráðherra, 1983-1987. Aðstoðarmaður Guðmundar Bjarnasonar heilbrigðis- og tryggingamálaráðherra 1987-1991. Finnur útskrifaðist sem viðskiptafræðingur frá Háskóla Íslands árið 1984. Finnur var kosinn á þing í alþingiskosningunum 1991 og sat í tvö kjörtímabil til 1999. Hann var skipaður iðnaðar- og viðskiptaráðherra í ríkisstjón Sjálfstæðisflokks og Framsóknarflokks árið 1995.
Finnur varð fyrir töluverðri gagnrýni snemma árs 1998, er hann var viðskiptaráðherra, vegna Lindarmálsins svokallaða. Það snérist um fjármögnunarfyrirtækið Lind hf. sem að Landsbanki Íslands, sem þá var í ríkiseigu, tapaði talsverðum fjármunum á. Meðal annars var að því látið liggja að Finnur hefði veitt Alþingi rangar upplýsingar vísvitandi.[2]
Finnur yfirgaf Seðlabankann og tók við starfi forstjóra tryggingarfélagsins VÍS í lok árs 2002. Ráðning Finns til VÍS var umdeild. Bogi Pálsson, þáverandi forstjóri P. Samúelssonar, sagði sig úr stjórn VÍS og útskýrði ákvörðun sína við blaðamann Morgunblaðsins þannig „að aðferðafræðin við ráðningu nýs forstjóra hefði ráðið mestu um“.[3] Í fréttaskýringu Sigríðar Daggar Auðunsdóttur í Fréttablaðinu frá maí 2005 er sagt að Ólafur Ólafsson, sem kenndur er við Samskip, hafi ráðið mestu um að Finnur hafi tekið við af Axel Gíslasyni sem forstjóri VÍS.[4] Finnur hefur einnig komið að rekstri fyrirtækja eins og bifreiðarskoðunarfyrirtækisins Frumherja.[5]
Tilvísanir
breyta- ↑ S-hópur kaupir í Búnaðarbanka á 11,9 miljarða; grein af Mbl.is 2002
- ↑ Álitamál hvort viðskiptaráðherra sé sætt áfram, Morgunblaðið 28.maí 1998
Segja ráðherra hafa leynt Alþingi upplýsingum, Morgunblaðið 27. maí 1988 - ↑ Gagnrýnir aðferðafræði við ráðningu nýs forstjóra, frétt í Morgunblaðinu 25. september 2002
- ↑ Sex daga stríðið um yfirráð í VÍS
- ↑ „Finnur Ingólfsson á kafi í skuldum; grein af DV.is 3. mars 2010“. Afrit af upprunalegu geymt þann 4. mars 2010. Sótt 3. mars 2010.
Tenglar
breyta- Æviágrip á vef Alþingis
- Pólitíkin ekki þess virði, viðtal í Morgunblaðinu í janúar 2000
- Finnur Ingólfsson; grein í DV 1998
- Tengsla- og eignanet Finns Ingólfssonar; af Rel8 (vistað á heimasíðu Láru Hönnu)[óvirkur tengill]
- Góður félagi; grein í Frjálsri verslun 1995
- Skuldir Finns enn meiri en áður var talið. 10 milljarðar í þremur eignarhaldsfélögum; af Eyjunni.is 3.3 2010 Geymt 5 mars 2010 í Wayback Machine
- Finnur Ingólfsson á kafi í skuldum; grein af DV.is 3. mars 2010 Geymt 4 mars 2010 í Wayback Machine
- Fyrirtækjatengsl Finns Ingólfssonar; mynd af litlaíslandi.net Geymt 4 janúar 2010 í Wayback Machine
| Fyrirrennari: Sighvatur Björgvinsson |
|
Eftirmaður: Valgerður Sverrisdóttir | |||
| Fyrirrennari: Sighvatur Björgvinsson |
|
Eftirmaður: Valgerður Sverrisdóttir | |||
