Steinunn Valdís Óskarsdóttir
Steinunn Valdís Óskarsdóttir (f. 7. apríl 1965) er fyrrverandi borgarstjóri í Reykjavík og alþingismaður Samfylkingarinnar í Reykjavíkurkjördæmi norður.
| Steinunn Valdís Óskarsdóttir (SVÓ) | |||||||||
|---|---|---|---|---|---|---|---|---|---|
| Formaður samgöngunefndar | |||||||||
| Í embætti 2007–2010 | |||||||||
| Formaður allsherjarnefndar | |||||||||
| Í embætti 2009–2010 | |||||||||
| Alþingismaður | |||||||||
| |||||||||
| Persónulegar upplýsingar | |||||||||
| Fædd | 7. apríl 1965 Reykjavík | ||||||||
| Vefsíða | http://www.steinunnvaldis.is/ | ||||||||
| Æviágrip á vef Alþingis | |||||||||
Steinunn Valdís fæddist í Reykjavík og voru foreldrar hennar Óskar Valdemarsson (1917-1998) húsasmiður og Aðalheiður Þorsteinsdóttir (1926-1978).
Hún lauk stúdentsprófi frá Menntaskólanum við Sund árið 1986, BA-prófi í sagnfræði frá Háskóla Íslands árið 1992 og lauk viðbótardiplómu í opinberri stjórnsýslu árið 2017. [1]
Starfsferill
breytaHún starfaði í fjármálaráðuneytinu frá 1986-1987, á skrifstofu Kvenfélagasambands Íslands 1992-1996 og var framkvæmdastjóri kvennaheimilisins Hallveigarstaða frá 1996-1998.
Steinunn Valdís varð þriðja konan til að gegna embætti borgarstjóra í Reykjavík, en hún gegndi embættinu á árunum 2004-2006. Hún sat í borgarstjórn Reykjavíkur í þrettán ár, 1994-2007, fyrir Reykjavíkurlistann og Samfylkinguna.
Steinunn Valdís var kjörin á Alþingi í kosningunum 12. maí 2007 og baðst í kjölfarið lausnar úr borgarstjórn. Hún sat sinn síðasta borgarstjórnarfund á kvenréttindadaginn, 19. júní 2007.
1. júní 2010 sagði hún svo af sér þingmennsku í kjölfar umræðu um styrki sem hún þáði í prófkjörsbaráttu sinni fyrir sæti í borgarstjórn.
Eftir að Steinunn Valdís lét af þingmennsku starfaði hún sem sérfræðingur og staðgengill skrifstofustjóra í innanríkisráðuneytinu og atvinnu- og nýsköpunarráðuneytinu frá 2011-2019 og frá 2019 hefur hún starfað sem skrifstofustjóri skrifstofu jafnréttismála í forsætisráðuneytinu.[2]
Heimildir
breyta
| Fyrirrennari: Þórólfur Árnason |
|
Eftirmaður: Vilhjálmur Þ. Vilhjálmsson | |||
- ↑ Alþingi - Steinunn Valdís Óskarsdóttir (skoðað 4. nóvember 2020)
- ↑ Frettabladid.is, „Steinunn Valdís ráðin yfir skrifstofu jafnréttismála“ (skoðað 4. nóvember 2020)