Hildur Björnsdóttir
Hildur Björnsdóttir (f. 1986) er íslenskur lögfræðingur og borgarfulltrúi Sjálfstæðisflokksins í borgarstjórn Reykjavíkur. Hún skipaði annað sæti á lista Sjálfstæðisflokksins í Reykjavík í sveitarstjórnarkosningunum árið 2018 en leiddi lista flokksins í kosningunum fjórum árum síðar.[1][2] Hildur hefur áður m.a. starfað hjá lögmannsstofunni Rétti og skrifað bakþanka fyrir Fréttablaðið.[3] Hún var formaður Stúdentaráðs Háskóla Íslands fyrir stúdentahreyfinguna Vöku á námsárum sínum.[4]
Hildur var greind með krabbamein stuttu eftir að hún fæddi dóttur sína og þurfti fyrir vikið að fresta námi í Oxford-háskóla. Hildur sigraðist á sjúkdómnum árið 2017 eftir efnameðferð.[5]
Í desember 2021 kunngerði Hildur að hún hygðist sækjast eftir oddvitasæti Sjálfstæðisflokksins í Reykjavík í borgarstjórnarkosningunum 2022 og vonaðist til að verða næsti borgarstjóri.[6] Hildur var kjörin oddviti Sjálfstæðisflokksins fyrir kosningarnar í prófkjöri flokksins þann 20. mars 2022.[7]
Tilvísanir breyta
- ↑ „Átti ekki von á þessari niðurstöðu“. mbl.is. 22. febrúar 2018. Sótt 8. mars 2019.
- ↑ „Hildur endurheimti framtíðina eftir krabbamein og fór í pólitík“. Vísir. 24. febrúar 2018. Sótt 8. mars 2019.
- ↑ „Hildur Björnsdóttir fær annað sætið“. Kjarninn. 20. febrúar 2018. Sótt 8. mars 2019.
- ↑ Hólmfríður H. Sigurðardóttir (18. september 2009). „Lifir tvöföldu lífi“. Fréttablaðið. Sótt 8. mars 2019.
- ↑ Stefán Árni Pálsson (6. apríl 2018). „„Það vorkenna allir krabbameininu að hafa lent í þér"“. Vísir. Sótt 8. mars 2019.
- ↑ Þórður Snær Júlíusson (8. desember 2021). „Hildur Björnsdóttir vill verða borgarstjóri – Ætlar að velta Eyþóri Arnalds úr oddvitasæti“. Kjarninn. Sótt 16. desember 2021.
- ↑ „Hildur nýr oddviti í Reykjavík“. mbl.is. 20. mars 2022. Sótt 3. apríl 2022.