Sverrir Þór Sverrisson

Sverrir Þór Sverrisson (fæddur í Reykjavík 5. ágúst 1977) hann er betur þekktur sem Sveppi eða Sveppi Krull, er íslenskur sjónvarpsmaður og leikari. Hann hóf feril sinn í sjónvarpi í þættinum 70 mínútur á Popptíví frá árunum 2000 til 2005 og lék í öðrum þáttum eins og Strákunum, Audda og Sveppa og Svínasúpunni. Sveppi er mest þessa dagana í Algjörum Sveppa barnaþáttunum og hefur búið til fjórar myndir eftir þeim þáttum.

FerillBreyta

70 mínúturBreyta

Hann hóf feril sinn í þættinum 70 mínútur á Popptíví árið 2001 með því að hjálpa Sigmari Vilhjálmssyni og Jóhannesi Ásbjörnssyni (ganga almennt undir gælunöfnunum Simmi og Jói) með falda myndavél. Síðar var Sverrir meira og meira í þáttunum og varð einn af stjórnendum þáttarins þegar Jóhannes hætti, en þá voru Auðunn, Sigmar og Sveppi með þáttinn. Þeir gáfu út diskinn Besta úr 70 Mínútum sem seldist í yfir 5.000 eintökum og Besta úr 70 Mínútum 2 sem seldist í yfir 10.000 eintökum og diskinn Besta úr 70 mínútum 3. Sigmar hætti í þættinum 2003 og voru þeir Auðunn og Sverrir (Auddi og Sveppi) einir með þáttinn þar til í byrjun árs 2004 þegar Pétur Jóhann Sigfússon gekk til liðs við þá, en hann hafði leikið með þeim í Svínasúpunni. Þeir stýrðu þættinum til 20.desember 2004 ásamt innslögum frá Huga Halldórssyni eða Ofurhuga.

SvínasúpanBreyta

Sveppi skrifaði og lék í sketsaþáttunum Svínasúpan. Það voru gerðar tvær þáttaraðir, sú fyrsta var sýnd í desember 2003 til febrúar 2004 og önnur frá ágúst 2004 til október 2004. Fleiri í þáttunum voru Pétur Jóhann, Auðunn Blöndal, Sigurjón Kjartansson, Guðlaug Elísabet Ólafsdóttir, Edda Björg Eyjólfsdóttir og Jón Gnarr.

StrákarnirBreyta

Þá færðu þeir sig yfir á Stöð 2 með þáttinn Strákarnir sem var með svipuðu sniði og 70 Mínútur nema bara 25 mínútur og ekki í beinni útsendingu, og allt fyrir fram unnið en 70 Mínútur var yfirleitt unnið samdægurs. Strákarnir gengu til ársins 2006 en þá hættu þeir samstarfinu í bili.

TekinnBreyta

Sveppi aðstoðaði Auðunn Blöndal með Tekinn þar sem hann hrekkti fræga einstaklinga með falinni myndavél. Þátturinn var til ársins 2007.

StelpurnarBreyta

Sverrir lék í þættinum Stelpurnar árið 2007 ásamt Pétri og Auðunni.

RíkiðBreyta

Árið 2008 var Sverrir var með Auðunni í grínsjónvarpsþáttunum Ríkið sem er íslenska gerðin af The Office.

Auddi og SveppiBreyta

Hann og Sveppi hófu samstarf sitt á ný árið 2009 með þáttinn Auddi og Sveppi sem var á dagskrá til 2011.

Ameríski DraumurinnBreyta

Árið 2010 var Sveppi í þáttunum Ameríski Draumurinn ásamt Audda, Villa naglbít og Agli Einarssyni. Í þeim þáttum fóru þeir um öll Bandaríkin og söfnuðu stigum með áskorunum og földum myndavélum.

FM95BlöBreyta

Árið 2011 Aðstoðaði hann með útvarpsþáttinn FM95Blö á FM957, þátturinn var hverjum virkum degi frá klukkan 16-18, og í þættinum tók hann upp ný nöfn og þau eru Blö Poop, Blö saurinn, the Poop.

Evrópski DraumurinnBreyta

Árið 2012 var hann í Evrópska Draumnum sem gekk út á nokkurn veginn það sama og Ameríski Draumurinn nema það að hann var tekinn upp í Evrópu. Með honum í þáttunum voru Auddi, Pétur Jóhann og Steindi Jr.

SteypustöðinBreyta

Árið 2017 gerði Sverrir ásamt Audda og Steinda Jr sketsaþáttinn Steypustöðin, önnur þáttaröðin var gerð 2018.

Asíski draumurinnBreyta

Árið 2017 var hann með í Asíska drauminum sem gekk út á það sama og Ameríski og Evrópski nema bara í Asíu.

Suður-ameríski draumurinnBreyta

Árið 2018 var hann með í Suður-ameríska draumnum sem var fjórði draumurinn.

GudjohnsenBreyta

Árið 2018 gerði hann sjónvarpsþátt með vini sínum Eiði Smára þar sem þeir félagar fóru í ferðalag um slóðir Eiðs í knattspyrnuheiminum.

Pabbi skoðar heiminnBreyta

Árið 2020 gerði Sverrir ásamt pabba sínum sjónvarpsseríu þar sem þeir feðgar fóru í ferðalag saman.