Sanna Magdalena Mörtudóttir
Sanna Magdalena Mörtudóttir er íslensk-tansanísk stjórnmálakona, leiðtogi Sósíalistaflokks Íslands og borgarfulltrúi Sósíalistaflokksins í borgarstjórn Reykjavíkur frá 2018. Hún náði kjöri í borgarstjórn sem oddviti Sósíalistaflokksins í sveitarstjórnarkosningum landsins árið 2018, þá 26 ára gömul, og varð þá yngsti borgarfulltrúi í sögu Reykjavíkur.[1]
| Sanna Magdalena Mörtudóttir | |||||
|---|---|---|---|---|---|
 | |||||
| Forseti borgarstjórnar Reykjavíkur | |||||
Núverandi | |||||
| Tók við embætti 21. febrúar 2025 | |||||
| Forveri | Þórdís Lóa Þórhallsdóttir | ||||
| Borgarfulltrúi í Reykjavík | |||||
| |||||
| Persónulegar upplýsingar | |||||
| Fædd | 3. maí 1992 Reykjavík, Íslandi | ||||
| Stjórnmálaflokkur | Sósíalistaflokkurinn | ||||
| Háskóli | Háskóli Íslands | ||||
| Starf | Stjórnmálamaður | ||||
Lífshlaup
breytaSanna er fædd í Reykjavík. Móðir hennar er íslensk en faðir hennar tansanískur. Foreldrar hennar hittust í Englandi og Sanna ólst upp í London fyrstu árin.[2] Þegar hún var sjö ára flutti hún með móður sinni til Reykjavíkur, þar sem hún ólst upp.[2]
Sanna er með MA-gráðu í mannfræði frá Háskóla Íslands.[2][3]
Stjórnmál
breytaSanna náði kjöri í borgarstjórn Reykjavíkur sem oddviti Sósíalistaflokksins í sveitarstjórnarkosningum landsins árið 2018, þá 26 ára gömul. Þá braut hún met sem yngsti borgarfulltrúi í sögu Reykjavíkur.[1] Í stjórnmálum hefur hún lagt stund á mál sem tengjast jafnrétti og velferð.
Árið 2024 var hún kjörin leiðtogi Sósíalistaflokksins og hún leiddi lista flokksins í Reykjavíkurkjördæmi suður í alþingiskosningunum 2024.[4]
Eftir að meirihlutinn í borgarstjórninni sprakk tóku Sósíalistar þátt í myndun nýs meirihluta með Samfylkingu, Vinstri grænum, Pírötum og Flokki fólksins. Sanna varð forseti borgarstjórnar við stofnun nýja meirihlutans þann 21. febrúar 2025.[5]
Tilvísanir
breyta- ↑ 1,0 1,1 „Sanna slær met Davíðs“. mbl.is. 27. maí 2018. Sótt 17. desember 2018.
- ↑ 2,0 2,1 2,2 „„Vill ekki verða tamin millistéttarkona í dragt"“. Vísir. Sótt 18. desember 2018.
- ↑ Reykjavik.is, „Sanna Magdalena Mörtudóttir“ (skoðað 3. júlí 2019)
- ↑ Arnardóttir, Lovísa (20 október 2024). „Sanna leiðir lista Sósíalistaflokks í Reykjavík suður - Vísir“. visir.is. Sótt 2 nóvember 2024.
- ↑ Hugrún Hannesdóttir Diego (21. febrúar 2025). „Nýr meirihluti í borginni: Heiða Björg verður borgarstjóri“. RÚV. Sótt 21. febrúar 2025.