Síðasta veiðiferðin

Síðasta veiðiferðin er íslensk gamanmynd frá 2020. Leikstjórar eru Örn Marinó Arnarson og Þorkell S. Harðarson. Myndin var frumsýnd þann 6. mars 2020. Kvikmyndin var vinsælasta kvikmynd á Íslandi árið 2020. Framhaldsmyndin Allra síðasta veiðiferðin var frumsýnd þann 18. mars 2022 og er þriðja myndin, Langsíðasta veiðiferðin væntanleg. Markell Procuditions framleiddi myndina.

Leikarar eru Hilmir Snær Guðnason, Þorsteinn Bachmann, Halldór Gylfason, Hjálmar Hjálmarsson, Jóhann Sigurðarson og Þröstur Leó Gunnarsson. Einnig koma við sögu Edda Björg Eyjólfsdóttir, Halldóra Geirharðsdóttir, Edda Arnljótsdóttir, Ylfa Marín Haraldsdottir, Vivian Ólafsdóttir, Ásta Júlía Elíasdóttir, Lilja Nótt Þórarinsdóttir og Bubbi Morthens

Myndin var tekjuhæsta kvikmyndin á Íslandi árið 2020 og fékk 61.777.808 milljónir í tekjur með rúmlega 35 þúsund í aðsókn.

Kvikmyndin Saumaklúbburinn, kvennaútgáfa veiðiferðarinnar var tekin upp sumarið 2020 og frumsýnd í byrjun sumars 2021.

SöguþráðurBreyta

Vinahópur fer í sinn árlega veiðitúr. Í þetta skiptið á að taka veiðina alvarlega, slaka á í ruglinu og njóta náttúrunnar. Það er erfitt að kenna gömlum hundum að sitja og brátt þróast mál þannig að allt fer á versta veg, hratt og örugglega.

FramleiðslaBreyta

Hugmynd að myndinni spratt upp í kringum árið 2000. Flestar sögurnar í myndinni eru byggðar á sönnum atburðum. Kvikmyndin var tekin upp sumarið 2019.

FramhöldBreyta

Önnur kvikmyndin í seríunni, Allra síðasta veiðiferðin var tekin upp sumarið 2021 og var frumsýnd 18. mars 2022. Í viðtali í sjónvarpsþættinum Bíóbærinn frá mars 2022 sögðu leikstjórarnir að það væri plön um að gera fimm myndir í seríunni. Þriðja myndin í seríunni, Langsíðasta veiðiferðin verður tekin upp sumarið 2022.

EndurgerðBreyta

Fyrirhugaðar eru endurgerðir á kvikmyndinni í nokkrum löndum, framleiðsla á endurgerðunum hefur tafist vegna kórónuveirufaraldrsins. Þar á meðal í Rúmeníu.