Opna aðalvalmynd

Karl Dönitz

Þýskur flotaforingi og forseti Þýskalands

Karl Dönitz (16. september 1891 – 24. desember 1980) var þýskur flotaforingi sem stýrði þýska sjóhernum í seinni heimsstyrjöldinni. Dönitz tók í stuttan tíma við af Adolf Hitler sem þjóðhöfðingi Þýskalands eftir dauða Hitlers.

Karl Dönitz
Bundesarchiv Bild 146-1976-127-06A, Karl Dönitz.jpg
Forseti Þýskalands
Í embætti
30. apríl 1945 – 23. maí 1945
Persónulegar upplýsingar
Fæddur16. september 1891
Grünau, Berlín, Prússlandi, Þýska keisaraveldinu
Látinn24. desember 1980 (89 ára) Aumühle, Slésvík-Holtsetalandi, Vestur-Þýskalandi
MakiIngeborg Weber
Börn3
StarfFlotaforingi
Undirskrift

Dönitz hóf feril sinn í sjóher þýska keisaraveldisins fyrir fyrri heimsstyrjöldina. Árið 1918 var hann settur við stjórn kafbátsins SM UB-68 en breski herinn sökkti kafbátnum stuttu síðar og tók Dönitz til fanga. Á meðan Dönitz var stríðsfangi þróaði hann hertækni sem hann átti síðar eftir að kalla Rudeltaktik.[1] Í byrjun seinni heimsstyrjaldarinnar var Dönitz yfirmaður kafbáta í þýska sjóhernum (Kriegsmarine). Hann tók þátt í því að gera þýska kafbátaflotann þann stærsta í heimi í andstöðu við Versalasamninginn.[2] Í janúar 1943 var Dönitz gerður að stórflotaforingja og tók við af Erich Raeder sem yfirmaður þýska flotans.

Þann 30. apríl 1945, eftir dauða Adolfs Hitler, var Dönitz lýstur eftirmaður hans og forseti Þýskalands í samræmi við erfðaskrá Hitlers. Hann varð jafnframt yfirmaður þýska hersins. Þann 7. maí 1945 skipaði hann Alfred Jodl að undirrita uppgjöf Þjóðverja í Reims í Frakklandi. Dönitz varð áfram þjóðhöfðingi Flensborgarstjórnarinnar, eins og hún varð síðar kölluð, þar til Bandamenn leystu hana upp þann 23. maí. Í Nürnberg-réttarhöldunum var Dönitz sakfelldur fyrir stríðsglæpi er snertu óhamdan kafbátahernað Þjóðverja. Hann var hins vegar náðaður af ákæru um glæpi gegn mannkyninu og því dæmdur til tíu ára fangelsisvistar fremur en til dauða eins og margir samstarfsmenn hans. Eftir að honum var sleppt settist hann að í þorpi nálægt Hamborg og lifði þar rólegu lífi þar til hann lést árið 1980.

TilvísanirBreyta

  1. Dönitz, Karl. Memoirs.
  2. „Maðurinn sem stjórnar kafbátahernaði Þjóðverja“, Alþýðublaðið, 170. tbl. (28.07.1942), bls. 5.


Fyrirrennari:
Adolf Hitler
(sem Führer)
Forseti Þýskalands
(30. apríl 194523. maí 1945)
Eftirmaður:
Theodor Heuss
(1949, sem forseti Vestur-Þýskalands)
Wilhelm Pieck
(1949, sem forseti Austur-Þýskalands)