Helga Braga Jónsdóttir
Helga Braga Jónsdóttir (f. 5. nóvember 1964 á Akranesi) er íslensk gamanleikkona og skemmtikraftur. Hún er hvað þekktust fyrir að vera hluti af Fóstbræðrahópnum og Stelpuhópnum.
Helga útskrifaðist sem leikkona árið 1989, hún ætlaði sér að verða dramatísk leikkona en segist hafa leiðst út í grínið. Þegar hún var í menntaskóla var hún aðallega í dramatíkinni þótt hún hafi leikið Línu Langsokk, 15 ára. Hún lék einnig aukahlutverk í sýningunni Mærin fór í dansin. Helga sagðist síðar fara hægt og rólega út í grínið, seinna fékk hún hlutverk í áramótaskaupum og seinna vann hún hjá Þjóðleikhúsinu og Borgarleikhúsinu sem meðlimur í leikhópnum Frú Emilíuönu sem setti upp mörg klassísk verk.
Árið 1997 var hún beðin um að vera með í sjónvarpsþáttunum Fóstbræðrum, í fyrstu þáttaröðinni lék hún öll kvenhlutverkin, en í annarri þáttaröð var hún með í handritahópnum, þá segist hún hafa sagt upp hjá Þjóðleikhúsinu. Stuttu seinna var Helga beðin um að vera með uppistand, henni fannst það fyrst fráleit hugmynd, hún segist hafa litið á sig sem leikkonu en ekki uppistandara en ein kona gafst ekki upp og vildi mjög mikið fá hana í uppistand, en þá sló Helga til og bjó til prógram, en Helga sagði að fólk hafi hlegið að uppistandinu og þá var ekki aftur snúið og Helga hefur haldið mörg uppistönd eftir þða. Árið 2011 útskrifaðist Helga sem flugfreyja frá flugfreyjuskóla Iceland Express.[1]
Árið 2016 greindi Helga frá því að hún hefði verið í ofbeldisfullu sambandi í 5 ár og hefði þurft að sækja hugleiðslutíma frá 1997.[2]
Ferill í íslenskum kvikmyndum og sjónvarpsþáttum
breytaTenglar
breytaHeimildir
breyta- ↑ „Dagblaðið Vísir - DV - 23. tölublað (24.02.2012) - Tímarit.is“. timarit.is. Sótt 24. júlí 2020.
- ↑ „Fullreynt að reyna að eignast börn“. www.mbl.is. Sótt 24. júlí 2020.
Þetta æviágrip sem tengist leikurum og Íslandi er stubbur. Þú getur hjálpað til með því að bæta við greinina.