Halla Hrund Logadóttir
Halla Hrund Logadóttir (fædd 12. mars 1981) er Orkumálastjóri Orkustofnunar og aðjúnkt við Harvard-háskóla. Hún var skipuð Orkumálastjóri árið 2021.[1]
Halla Hrund Logadóttir | |
|---|---|
| Fædd | 12. mars 1981 Reykjavík, Ísland |
| Störf | Orkumálastjóri |
| Stofnun | Orkustofnun |
Æviágrip
breytaHalla er fædd í Reykjavík þann 12. mars 1981. Foreldrar hennar eru Jóhanna Steingrímsdóttir, hjúkrunarfræðingur og EMDR meðferðaraðili, og Logi Ragnarsson, tölvunarfræðingur. Eiginmaður Höllu er Kristján Freyr Kristjánsson, framkvæmdastjóri og meðstofnandi hugbúnaðarfyrirtækisins 50skills. Þau eiga tvær dætur.[2] Hún stundaði nám við Kvennaskólann í Reykjavík þar sem hún útskrifaðist vorið 2001. Árið 2005 útskrifaðist hún úr stjórnmálafræði við Háskóla Íslands.[3] Halla Hrund lauk meistaragráðu í alþjóðasamvinnu með áherslu á hagfræði og orkumál frá The Fletcher School við Tufts háskóla og seinna meistaragráðu í opinberri stjórnsýslu með áherslu á umhverfis- og orkumál frá Harvard Háskóla.[4]
Árið 2021, var hún skipuð Orkumálastjóri fyrst kvenna.[4][1]
Hún starfar jafnframt sem aðjúnkt við Harvard þar sem hún kennir á meistarastigi. Frá árinu 2017 hafði hún starfað sem meðstofnandi og framkvæmdastjóri við miðstöð Norðurslóða, Arctic Initiative, við Harvard.[2] Árið 2019 var Halla Hrund valin Young Global Leader.[5] Frá 2015-2021 vann Halla Hrund að nýsköpunarverkefninu Arctic Innovation Lab í samvinnu við fjölda háskóla og var leiðbeinandi í ýmsum orkutengdum nýsköpunarhröðlum.[6]
Samhliða stofnun Arctic Initiative vann Halla Hrund að stofnun alþjóðlega jafnréttisverkefnisins Stelpur styðja stelpur (e. Project Girls for Girls). Halla Hrund hefur setið í stjórn Orkusjóðs frá árinu 2015. Sama ár hóf hún störf sem stundakennari við Háskólann í Reykjavík (HR), þar sem hún kennir námskeið um stefnumótun á sviði orkumála með áherslu á loftslagsmál. Halla Hrund var framkvæmdastjóri Iceland School of Energy við HR frá árinu 2013 fram til ársins 2016. Árin 2011 til 2013 var Halla Hrund forstöðumaður alþjóðaþróunar við HR. Halla Hrund starfaði árið 2005 í Brussel á vegum utanríkisráðuneytisins að menningarmálum og tók síðar þátt í nýsköpunar- og kennsluverkefni í Lomé í Tógó í Vestur-Afríku og starfaði í nokkra mánuði hjá OECD í París.[2]
Forsetaframboð
breytaÞann 7. apríl 2024, bauð Halla Hrund sig fram til forseta Íslands.[7] Hún hlaut 15,7% fylgi og var í 3. sæti frambjóðenda.[heimild vantar]
Framboð á þing
breytaÞann 18. október 2024 tilkynnti Halla að hún myndi gefa kost á sér í alþingiskosningum sama ár fyrir Framsóknarflokkinn. Sigurður Ingi Jóhannsson, formaður flokksins, fór fram á það við kjörstjórn flokksins að Halla yrði oddviti flokksins í Suðurkjördæmi, en að hann myndi sjálfur skipa annað sætið.[8]
Heimildir
breyta- ↑ 1,0 1,1 Ragnar Jón Hrólfsson (7. apríl 2024). „Halla Hrund Logadóttir býður sig fram til forseta“. RÚV. Sótt 8. apríl 2024.
- ↑ 2,0 2,1 2,2 „Hver er Halla Hrund? (vefur frambjóðanda)“. Sótt 21. apríl 2024.
- ↑ „Eflir áhuga á alþjóðamálum“. Morgunblaðið. 5. október 2005. bls. 37. Sótt 20. apríl 2024 – gegnum Tímarit.is.
- ↑ 4,0 4,1 „Halla Hrund næsti orkumálastjóri“. Kjarninn. 19. apríl 2021. Sótt 20. apríl 2024.
- ↑ „Halla Hrund Logadóttir“. weforum.org. World Economic Forum. Afrit af upprunalegu geymt þann 22. apríl 2024. Sótt 22. apríl 2024.
- ↑ „Halla Hrund Logadóttir“. belfercenter.org. Belfer Center for Science and International Affairs. Afrit af upprunalegu geymt þann 17. mars 2024. Sótt 22. apríl 2024.
- ↑ Árni Sæberg (7. apríl 2024). „Halla Hrund býður sig fram“. Vísir.is. Sótt 8. apríl 2024.
- ↑ Árni Sæberg (18. október 2024). „Halla Hrund gengin til liðs við Framsókn og tekur sæti formannsins“. Vísir. Sótt 18. október 2024.