Tógó er land í Vestur-Afríku, með landamæri að Gana í vestri, Benín í austri og Búrkína Fasó í norðri. Suðurströnd þess er við Benínflóa þar sem höfuðborgin, Lomé, er staðsett. Tógó er um 57.000 km² að stærð og er þar með eitt af minnstu löndum Afríku, með tæplega 8 milljón íbúa, auk þess að vera eitt af grennstu löndum heims eða aðeins um 115 km á breidd.

République Togolaise
Fáni Tógó Skjaldarmerki Tógó
Fáni Skjaldarmerki
Kjörorð:
Travail, Liberté, Patrie
Þjóðsöngur:
Salut à toi, pays de nos aïeux
(Heilt sé þú, land forfeðranna)
Staðsetning Tógó
Höfuðborg Lomé
Opinbert tungumál franska, jórúba
Stjórnarfar Lýðveldi

Forseti Faure Gnassingbé
Sjálfstæði
 - frá Frakklandi 27. apríl 1970 
Flatarmál
 - Samtals
 - Vatn (%)
123. sæti
56.785 km²
4,2
Mannfjöldi
 - Samtals (2020)
 - Þéttleiki byggðar
100. sæti
8.608.444
126/km²
VLF (KMJ) áætl. 2019
 - Samtals 14,919 millj. dala (146. sæti)
 - Á mann 1.821 dalir (177. sæti)
VÞL (2018) Increase2.svg 0.513 (167. sæti)
Gjaldmiðill Vesturafrískur CFA-franki (XOF)
Tímabelti UTC
Þjóðarlén .tg
Landsnúmer 228

Frá 11. til 16. aldar dvöldu ýmsar þjóðir þar sem Tógó er nú. Frá 16. öld til 18. aldar var ströndin þekkt sem viðkomustaður evrópskra þrælasala. Landið fékk þá heitið „Þrælaströndin“. Árið 1884 lýsti Þýskaland þar yfir stofnun þýska verndarsvæðisins Tógólands. Nafnið var dregið af stöðuvatninu Tógó. Eftir ósigur Þjóðverja í Fyrri heimsstyrjöld gekk verndarsvæðið til Frakka. Tógó fékk sjálfstæði frá Frakklandi árið 1960. Árið 1967 leiddi Gnassingbé Eyadéma herforingjabyltingu og varð eftir það forseti flokksræðis sem var andsnúið kommúnisma. Hann varð langlífasti þjóðhöfðingi samtímans í Afríku og sat á valdastóli í 38 ár. Árið 2005 var sonur hans, Faure Gnassingbé, kosinn forseti.

Tógó er hitabeltisland með efnahagslíf sem reiðir sig á landbúnað, með veðurfar sem hentar vel til ræktunar. Franska er opinbert mál landsins, en auk hennar tala íbúar fjölda tungumála, sérstaklega mál af gbemálaættinni. Flestir íbúar aðhyllast hefðbundin afrísk trúarbrögð, en í landinu búa stórir minnihlutahópar kristinna og múslima. Tógó er aðili að Sameinuðu þjóðunum, Afríkusambandinu, Samtökum um íslamska samvinnu, ZOPACAS, Samtökum frönskumælandi ríkja og Efnahagsbandalagi Vestur-Afríkuríkja.

  Þessi Afríkugrein er stubbur. Þú getur hjálpað til með því að bæta við greinina.