Everything Is Love
Everything Is Love (oft stílfært í hástöfum) er fyrsta breiðskífa bandaríska tvíeykisins the Carters sem samanstendur af hjónunum Beyoncé Knowles-Carter og Shawn „Jay-Z“ Carter. Platan var gefin út 16. júní 2018 af Parkwood Entertainment, Sony Music Entertainment, S.C Enterprises og Roc Nation. Beyoncé og Jay-Z sáu um upptökustjórn plötunnar ásamt fjölda annarra, þar á meðal Cool & Dre, Boi-1da, og Pharrell Williams. Meðal gestasöngvara fyrir plötuna voru Quavo, Offset (báðir úr hljómsveitinni Migos), Pharrell Williams og Ty Dolla Sign. Tónlistarstefna plötunnar er hipphopp og R&B og hún fjallar um viðfangsefni eins og rómantíska ást, frægð, auð og stolt svartra.
| Everything Is Love | ||||
|---|---|---|---|---|
 | ||||
| Breiðskífa eftir | ||||
| Gefin út | 16. júní 2018 | |||
| Tekin upp | 2017-2018 | |||
| Hljóðver |
| |||
| Stefna | ||||
| Lengd | 41:50 | |||
| Útgefandi | ||||
| Stjórn | ||||
| Tímaröð – Beyoncé | ||||
| ||||
| Tímaröð – Jay-Z | ||||
| ||||
| Smáskífur af Everything Is Love | ||||
| ||||
Það var ekki greint frá plötunni opinberlega fyrr en Beyoncé og Jay-Z tilkynntu um útgáfu hennar á sviði á tónleikum þeirra í London á On the Run II Tour tónleikaferðalaginu og síðar í gegnum reikninga þeirra á samfélagsmiðlum. Platan var upphaflega einungis aðgengileg í gegnum tónlistarstreymisveituna Tidal áður en hún var gefin út víðar 18. júní 2018. Fyrstu vikuna fór Everything Is Love beint í annað sætið á bandaríska Billboard 200 vinsældalistanum með 123.000 seldar einingar sem jafngilda plötu.[1] Á 61. Grammy-verðlaunahátíðinni vann platan verðlaun fyrir Best Urban Contemporary Album auk þess að hljóta tilnefningar fyrir Best Music Video fyrir lagið „Apeshit“ og Best R&B Performance fyrir lagið „Summer“.
Upptaka
breytaÁætlanir um sameiginlega plötu hjónanna voru tilkynntar af Jay-Z í viðtali við The New York Times árið 2017 þegar hann sagði að þau notuðu „list næstum eins og tíma í meðferð“ til að skapa nýja tónlist. Hins vegar, þar sem þau unnu einnig að þeirra eigin plötum, 4:44 og Lemonade, og tónlist Beyoncé þróaðist hraðar, var verkefnið tímabundið sett í bið. Orðrómur um samstarfsverkefnið þeirrar fór á kreik í mars 2018 þegar hjónin tilkynntu sameiginlega tónleikaferðalagið sitt On the Run II Tour.[2]
Meirihluti plötunnar var tekinn upp í U Arena í París. Lögin „Friends“, „Black Effect“ og „Salud!“ voru tekin upp í Kingslanding Studios West í Los Angeles og frekari upptökur á „Summer“ og „Nice“ fóru fram í The Church Studios í London. Beyoncé og Jay-Z framleiddu öll lögin sjálf með öðrum upptökustjórum, þar á meðal Pharrell Williams, Cool & Dre, Boi-1da, Jahaan Sweet, David Andrew Sitek, D'Mile, El Michels, Fred Ball, Illmind, MeLo-X, Mike Dean og Nav. Platan var að mestu tekin upp af Stuart White og Gimel „Young Guru“ Keaton.[3]
Listaverk
breyta
Kápa plötunnar er rammi úr tónlistarmyndbandinu fyrir „Apeshit“. Á henni eru tveir af dönsurum Beyoncé, Jasmine Harper og Nicholas „Slick“ Stewart, í Louvre safninu í París þar sem Harper er að gera í hárið á Stewart fyrir framan málverkið Mona Lisa eftir Leonardo da Vinci.[5]
Útgáfa og kynning
breyta
Þann 6. júní 2018 lögðu Beyoncé og Jay-Z af stað í sameiginlega tónleikaferðalag sitt On the Run II Tour sem var framhald af tónleikaferðalaginu þeirra On the Run Tour frá 2014. Í lok annara tónleika þeirra í London Stadium í London þann 16. júní 2018 tilkynnti Beyoncé tónleikagestunum að tvíeykið myndi koma þeim á óvart áður en þau yfirgáfu sviðið. Síðan spilaðist tónlistarmyndbandið fyrir lagið „Apeshit“ á LED skjánum á sviðinu. Eftir frumsýningu myndbandsins birtust orðin „ALBUM OUT NOW“ á skjánum. Everything Is Love var í kjölfarið gefin út eingöngu á Tidal, streymisveitu í eigu Jay-Z, og allir tónleikagestir fengu ókeypis sex mánaða prufuáskrift að veitunni til að geta streymt plötunni.[6] Plötuna var einnig hægt að kaupa í gegnum tónlistarverslun á vef Tidal. Útgáfa plötunnar var tilkynnt um allan heim á samfélagsmiðlum Beyoncé og Jay-Z þar sem flytjendurnir kölluðu sig the Carters.[7] Sama dag var tónlistarmyndbandið fyrir annað lag plötunnar og aðalsmáskífuna, „Apeshit“ gefið út á YouTube rás Beyoncé. Myndbandið var leikstýrt af Ricky Saiz og tekið upp á Louvre listasafninu í París.[8][9]
Þann 18. júní var platan gefin út á ýmsum öðrum vettvöngum, þar á meðal á iTunes Store, Apple Music, Deezer, Amazon Music, Napster, Google Play Music og Spotify.[10]
Söluárangur
breyta
Everything Is Love fór beint í annað sætið á bandaríska Billboard 200 vinsældalistanum með 123.000 seldar einingar sem jafngilda plötu (þar af 70.000 eintök sem hrein sala af plötunni) fyrstu vikuna.[1] Platan komst á vinsældalistann eftir minna en sex daga virkni á Tidal, og fjögurra daga virkni á öllum öðrum stafrænum söluaðilum og streymisveitum.[11] Í sinni annari viku fór platan niður í fjórða sæti listans og seldust 59.000 einingar til viðbótar.[12] Í sinni þriðju viku fór platan niður í áttunda sæti listans með 33.000 einingar í viðbót.[13] Í fjórðu vikunni hélt platan áttunda sætinu með 29.000 fleiri einingar.[14] Everything Is Love var 70. vinsælasta plata ársins 2018 á bandaríska Billboard 200 vinsældalistanum.[15] Þann 14. janúar 2019 hlaut platan gull viðurkenningu af Recording Industry Association of America (RIAA) fyrir samanlagða sölu á plötunni og einingum sem jafngilda plötu með yfir 500.000 einingar í Bandaríkjunum.[16]
Lagalisti
breyta| Nr. | Titill | Lagahöfundur/ar | Lengd |
|---|---|---|---|
| 1. | „Summer“ |
| 4:45 |
| 2. | „Apeshit“ |
| 4:24 |
| 3. | „Boss“ |
| 4:04 |
| 4. | „Nice“ |
| 3:53 |
| 5. | „713“ |
| 3:13 |
| 6. | „Friends“ |
| 5:44 |
| 7. | „Heard About Us“ |
| 3:10 |
| 8. | „Black Effect“ |
| 5:15 |
| 9. | „LoveHappy“ |
| 3:49 |
| Samtals lengd: | 38:18 | ||
| Nr. | Titill | Lagahöfundur/ar | Lengd |
|---|---|---|---|
| 1. | „LoveHappy“ |
| 3:49 |
| 2. | „Apeshit“ |
| 4:24 |
| 3. | „Boss“ |
| 4:04 |
| 4. | „Nice“ |
| 3:53 |
| 5. | „713“ |
| 3:13 |
| 6. | „Friends“ |
| 5:44 |
| 7. | „Heard About Us“ |
| 3:10 |
| 8. | „The Black Effect“ |
| 5:13 |
| 9. | „Salud!“ |
| 3:33 |
| Samtals lengd: | 37:04 | ||
| Nr. | Titill | Lengd |
|---|---|---|
| 1. | „Summer“ | 7:29 |
| 2. | „Boss“ | 6:59 |
| 3. | „Black Effect“ | 5:43 |
| 4. | „Friends“ | 8:23 |
| 5. | „LoveHappy“ | 5:15 |
| 6. | „Apeshit“ | 6:05 |
| 7. | „713“ | 5:50 |
| 8. | „Salud!“ | 5:27 |
| 9. | „Nice“ | 5:58 |
| 10. | „Heard About Us“ | 5:53 |
| Samtals lengd: | 63:02 | |
Útgáfa
breyta| Svæði | Dagsetning | Snið | Útgefandi | Tilv. |
|---|---|---|---|---|
| Ýmis | 16. júní 2018 |
|
[17] | |
| 18. júní 2018 |
|
[18][19] | ||
| 6. júlí 2018 | Geisladiskur | [20] | ||
| Japan | 22. ágúst 2018 | Geisladiskur | Sony Music Entertainment Japan | [21] |
Heimildir
breytaFyrirmynd greinarinnar var „Everything Is Love“ á ensku útgáfu Wikipedia. Sótt 4. júní 2023.
Tilvísanir
breyta- ↑ 1,0 1,1 Caulfield, Keith (24. júní 2018). „5 Seconds of Summer Earn Third No. 1 Album on Billboard 200 Chart With 'Youngblood“. Billboard. Afrit af upprunalegu geymt þann 25. júní 2018. Sótt 25. júní 2018.
- ↑ Sodomsky, Sam; Wicks, Amanda (16. júní 2018). „Beyoncé and JAY-Z Release New Album Everything Is Love: Listen“. Pitchfork. Afrit af upprunalegu geymt þann 17. júní 2018. Sótt 16. júní 2018.
- ↑ „The Carters – EVERYTHING IS LOVE Album Credits“. [istandard] (bandarísk enska). 17. júní 2018. Afrit af upprunalegu geymt þann 16. janúar 2023. Sótt 19. maí 2020.
- ↑ Kreps, Daniel (6. júní 2018). „Louvre Creates Guided Tour Based on Beyonce, Jay-Z's 'Apeshit' Video“. Rolling Stone. Afrit af upprunalegu geymt þann 15. desember 2018. Sótt 14. desember 2018.
- ↑ Lockett, Dee (17. júní 2018). „Everything You Need to Know About Beyoncé and Jay-Z's Joint Album, Everything Is Love“. Vulture. Afrit af upprunalegu geymt þann 4. júlí 2018. Sótt 17. júní 2018.
- ↑ Grow, Kory (16. júní 2018). „Beyonce, Jay-Z Drop New Album 'Everything Is Love' During OTRII Tour“. Rolling Stone. Afrit af upprunalegu geymt þann 17. júní 2018. Sótt 17. júní 2018.
- ↑ Coscarelli, Joe (16. júní 2018). „Beyoncé and Jay-Z Deliver a Surprise Album: 'Everything Is Love'“. The New York Times. Afrit af upprunalegu geymt þann 17. júní 2018. Sótt 16. júní 2018.
- ↑ Iasimone, Ashley (16. júní 2018). „Beyonce & JAY-Z, AKA the Carters, Drop Joint 'Everything Is Love' Album“. Billboard. Afrit af upprunalegu geymt þann 17. júní 2018. Sótt 16. júní 2018.
- ↑ Elder, Sajae (16. júní 2018). „Beyoncé and Jay Z release the video for their single "Apeshit"“. The Fader. Afrit af upprunalegu geymt þann 17. júní 2018. Sótt 17. júní 2018.
- ↑ „Beyonce and Jay-Z's 'Everything Is Love' Now Available on Apple Music, Spotify, Amazon“. Variety. 18. júní 2018. Afrit af upprunalegu geymt þann 18. júní 2018. Sótt 18. júní 2018.
- ↑ Caulfield, Keith (20. júní 2018). „Beyoncé & JAY-Z vs. 5 Seconds of Summer for No. 1 on Billboard 200 Albums Chart“. Billboard. Afrit af upprunalegu geymt þann 21. júní 2018. Sótt 25. júní 2018.
- ↑ Caulfield, Keith (1. júlí 2018). „Panic! at the Disco's 'Pray for the Wicked' Debuts at No. 1 on Billboard 200 Albums Chart“. Billboard. Afrit af upprunalegu geymt þann 30. nóvember 2019. Sótt 1. júlí 2018.
- ↑ Caulfield, Keith (8. júlí 2018). „Florence + The Machine, Gorillaz Debut in Top 10 on Billboard 200 Albums Chart“. Billboard. Afrit af upprunalegu geymt þann 16. janúar 2023. Sótt 10. júlí 2018.
- ↑ Caulfield, Keith (15. júlí 2018). „Drake's 'Scorpion' Scores Second Week at No. 1 on Billboard 200 Albums Chart“. Billboard. Afrit af upprunalegu geymt þann 16. júlí 2018. Sótt 20. júlí 2018.
- ↑ „Billboard 2018 Year End Charts“. Billboard. 21. mars 2020. Afrit af upprunalegu geymt þann 21. mars 2020. Sótt 5. desember 2018.
- ↑ „American album certifications – The Carters – Everything Is Love“. Recording Industry Association of America.
- ↑ „Listen to EVERYTHING IS LOVE on Tidal“. Tidal. 16. júní 2018. Afrit af upprunalegu geymt þann 21. júní 2018. Sótt 21. júní 2018.
- ↑ „EVERYTHING IS LOVE by THE CARTERS“. iTunes Store (US). 18. júní 2018. Afrit af upprunalegu geymt þann 16. janúar 2023. Sótt 21. júní 2018.
- ↑ „EVERYTHING IS LOVE – Album by THE CARTERS | Spotify“. Spotify. 18. júní 2018. Afrit af upprunalegu geymt þann 4. ágúst 2018. Sótt 21. júní 2018.
- ↑ „EVERYTHING IS LOVE by THE CARTERS“. Amazon.com. 6. júlí 2018. Afrit af upprunalegu geymt þann 31. janúar 2020. Sótt 6. júlí 2018.
- ↑ „「エヴリシング・イズ・ラヴ」- ザ・カーターズ“. Sony Music Japan. Afrit af upprunalegu geymt þann 5. nóvember 2020. Sótt 3. ágúst 2020.