EV12 Norðursjávarleiðin

EV12 Norðursjávarleiðin er EuroVelo-hjólaleið sem liggur í hring 5.942 km meðfram strönd Norðursjávar um England, Skotland, Noreg, Svíþjóð, Danmörku, Þýskaland, Holland og Belgíu.

Kort sem sýnir Norðursjávarleiðina.

Leiðin var formlega opnuð árið 2001 sem samstarfsverkefni 68 aðila í 8 löndum. Árið 2003 fékk hún viðurkenningu frá Guinness World Records sem heimsins lengsta hjólaleið.

Leiðin

• England: Leiðin liggur frá Harwich-höfn í Parkeston og eftir National Cycle Route nr. 51 til Colchester þar sem tekur við leið nr. 1 að landamærum Skotlands.
• Skotland: Leiðin fylgir National Cycle Route nr. 1 frá ensku landamærunum að Thurso á norðausturodda meginlandsins. Þar tekur við ferja frá Scrabster til Straumness á Orkneyjum og þaðan til Hjaltlandseyja.
• Noregur: Leiðin hefst í Björgvin og fer um Haugesund, Stafangur, Kristjánssand, Arendal, Larvik, Sandefjord, Túnsberg, Fredrikstad og Sarpsborg að sænsku landamærunum við Svinesund.
• Svíþjóð: Leiðin liggur um sænsku héruðin Halland og Vestur-Gautland frá Svinesund um Bohuslän til Gautaborgar. Þaðan fylgir hún hjólaleiðunum Ginstleden og Cykelspåret Väst til Varbergs þar sem ferja gengur til Grenå í Danmörku.
• Danmörk: Leiðin liggur eftir leiðum 5 og 1 í Danmarks nationale cykelruter-leiðanetinu frá Grenå til Skagen og síðan eftir leið 1 suður eftir Jótlandi til Rudbøl.
• Þýskaland: Leiðin fylgir Radnetz Deutschland-leið D1 (Nordseeküstenroute) 907 km meðfram strönd Norðursjávar við Vaðhafið.
• Holland: Leiðin liggur eftir LF-routes-hjólaleiðum 10 og 1 frá Nieuweschans til Sluis við belgísku landamærin.
• Belgía: Leiðin fylgir áfram LF1 frá Knokke um Oostende og Nieuwpoort til De Panne.

Myndir

• 
  Í Orkneyjum.
• 
  Skilti í Svíþjóð.
• 
  Skilti í Danmörku.
• 
  Í Danmörku við Agger Tange.
• 
  Við Wilhelmshafen.

Tenglar

• Vefur leiðarinnar