Yoweri Museveni
Yoweri Museveni (f. 15. september 1944) er úgandskur stjórnmálamaður sem hefur verið forseti Úganda frá árinu 1986. Museveni var þátttakandi í uppreisnarhreyfingum sem steyptu af stóli ríkisstjórnum Idi Amin (1971–79) og Miltons Obote (1980–85).[1][2] Á tíunda áratugnum naut Museveni talsverðrar hylli á vesturlöndum sem fulltrúi nýrrar kynslóðar afrískra leiðtoga. Á forsetatíð Museveni hefur tilölulegur stöðugleiki og hagvöxtur ríkt í Úganda. Hins vegar hafa valdaár hans einnig einkennst af afskiptum Úganda af borgarastríði í Kongó og öðrum hernaðarátökum við Stóru vötnin. Þar á meðal má nefna uppreisn Andspyrnuhers Drottins í norðurhluta Úganda, sem kostaði fjölda mannslífa. Museveni hefur einnig staðið fyrir bælingu á pólitísku andófi og hefur gert breytingar á úgöndsku stjórnarskránni til þess að nema úr gildi takmarkanir á fjölda kjörtímabila sem forsetinn má sitja (2005) og aldurstakmark á forsetaembættið (2017) til þess að framlengja valdatíð sína.
| Yoweri Museveni | |
|---|---|
 Museveni árið 2015. | |
| Forseti Úganda | |
Núverandi | |
| Tók við embætti 29. janúar 1986 | |
| Persónulegar upplýsingar | |
| Fæddur | 15. september 1944 Ntungamo, Úganda |
| Stjórnmálaflokkur | Þjóðarandspyrnuhreyfingin (enska: National Resistance Movement, svahílí: Harakati za Upinzani za Kitaifa) |
| Maki | Janet Kainembabazi (g. 1973) |
| Börn | Muhoozi, Natasha, Patience, Diana |
| Háskóli | Háskólinn í Dar es Salaam |
| Starf | Stjórnmálamaður |
TilvísanirBreyta
- ↑ „Museveni myndar nýja ríkisstjórn“. Morgunblaðið. 31. janúar 1986. Sótt 11. október 2018.
- ↑ „Museveni forseti í 30 ár“. RÚV. 26. janúar 2018. Sótt 11. október 2018.
| Fyrirrennari: Tito Okello |
|
Eftirmaður: Enn í embætti | |||
Þetta æviágrip sem tengist stjórnmálum er stubbur. Þú getur hjálpað til með því að bæta við greinina.