Willum Þór Þórsson

Willum Þór Þórsson (fæddur 17. mars 1963) er fyrrum knattspyrnumaður og þjálfari í knattspyrnu og núverandi þingmaður fyrir Framsóknarflokkinn. Hann var kosinn í alþingiskosningunum 2013 og er 5. þingmaður Suðvesturkjördæmis.

Willum Þór Þórsson (WÞ)
Willum Þór Þórsson

Fæðingardagur: 17. mars 1963 (1963-03-17) (59 ára)
5. þingmaður Suðvesturkjördæmis
Flokkur: Merki Framsóknar Framsóknarflokkurinn
Þingsetutímabil
2013-2016 í Suðvest. fyrir Framsóknarfl.
2017- í Suðvest. fyrir Framsóknarfl.
= stjórnarsinni
Tenglar
Æviágrip á vef Alþingis

Hann er rekstrarfræðingur að mennt og hefur kennt hagfræði undanfarin ár við Menntaskólann í Kópavogi. Willum var í ungmennalandsliðunum í körfubolta og knattspyrnu en valdi knattspyrnuna fram yfir körfuboltann.

Willum hefur tekið virkan þátt í starfi Framsóknarflokksins og verið á framboðslistum í bæjarstjórnarkosningum.

Hann tók við embætti Heilbrigðisráðherra í nóvember 2021.

KnattspyrnuferillinnBreyta

Willum hóf feril sinn sem leikmaður hjá KR, fór þaðan til Breiðabliks og síðar til Þróttar þar sem hann hóf feril sinn sem þjálfari.

1997 kom hann Þrótti í Úrvalsdeildina, liðið féll svo úr deildinni 1998 á markatölu. Árið 2000 tók hann við Haukum.

2002 var hann skipaður þjálfari KR og leiddi þá til sigurs í úrvalsdeildinni 2002 og 2003. 2004 varð KR um miðja deild og samningur Willums var ekki endurnýjaður.

Hann tók þá við Val sem voru að snúa aftur í Úrvalsdeildina og leiddi þá til annars sætis í deildinni 2005 ásamt því að vinna VISA-bikar karla. 2006 endaði Valur í þriðja sæti deildarinnar. Valur varð svo Íslandsmeistari 2007. Willum hætti að þjálfa Val 1. júlí 2009.

Hann var ráðinn þjálfari Keflavíkur 29. september 2009, eftir að tímabilinu lauk.[1]

Willum var ráðinn fyrsti landsliðsþjálfari Íslands í futsal í nóvember 2010[2].

Hann tók síðar við KR á ný á miðju tímabili 2016 og stýrði þeim í Evrópuleikjunum, en fyrsti deildarleikurinn undir hans stjórn, var markalaust jafntefli gegn nýliðum Víkings Ólafsvíkur, á Alvogen-vellinum

TenglarBreyta

HeimildirBreyta

  • „Yfirlýsing frá Knattspyrnufélaginu Val og Willum Þór Þórssyni“.
  1. RÚV.is - Willum tekur við Keflavík
  2. „Willum ráðinn landsliðsþjálfari Íslands í Futsal“. Afrit af upprunalegu geymt þann 26. desember 2010. Sótt 8. nóvember 2010.


  Knattspyrnufélag Reykjavíkur - Íslandsmeistari árið 2003 

 Kristján Finnbogason |  Sigursteinn Gíslason |  Gunnar Einarsson |  Kristján Örn Sigurðsson |  Kristinn Hafliðason |  Bjarki Gunnlaugsson |  Sigurvin Ólafsson |  Einar Þór Daníelsson |  Veigar Páll Gunnarsson |  Arnar Gunnlaugsson |  Sigurður Ragnar Eyjólfsson |  Sigþór Júlíusson |  Jón Skaftason |  Þórhallur Hinriksson |  Valþór Halldórsson |  Garðar Jóhannsson |  Sölvi Davíðsson |  Jökull Elísabetarson | Stjóri: Willum