Sturla Böðvarsson

Sturla Böðvarsson (f. í Ólafsvík á Snæfellsnesi 23. nóvember 1945), er fyrrverandi samgönguráðherra og forseti Alþingis. Sturla sat á Alþingi 1991-2009; fyrir Vesturlandskjördæmi 1991-2003 og Norðvesturkjördæmi 2003-2009. Sturla var forseti Alþingis 2007-2009 og samgönguráðherra 1999-2007.

Sturla Böðvarsson (StB)
Samgönguráðherra
Í embætti 1999–2007
2. varaforseti Alþingis
Í embætti 1991 – 1992 & 1995-1999
4. varaforseti Alþingis
Í embætti 1992–1995
Forseti Alþingis
Í embætti 2007–2009
Alþingismaður
frá til  kjördæmi    þingflokkur 1991 2003  Vesturlandskjördæmi  Sjálfstæðisfl. 2003 2009  Norðvesturkjördæmi  Sjálfstæðisfl.
Persónulegar upplýsingar
Fæddur	23. nóvember 1945 (1945-11-23) Ólafsvík
Vefsíða	http://sturla.is

Sturla er giftur Hallgerði Gunnarsdóttur lögfræðingi og eiga þau fimm börn saman. Sturla hefur setið í fjölda stjórna og nefnda á ferli sínum.

Foreldrar Sturlu voru Böðvar Bjarnason, byggingameistari í Ólafsvík og Elínborg Ágústsdóttir, húsmóðir. Sturla gekk í Skógaskóla og að grunnnámi loknu, 1961 nam hann húsasmíði í Iðnskólanum í Reykjavík þaðan sem hann útskrifaðist með sveinspróf 1966. Sturla lauk raungreinaprófi við Tækniskóla Íslands árið 1970 og loks B.Sc.-próf í byggingatæknifræði við sama skóla 1973.

Sturla var sveitarstjóri og síðar bæjarstjóri í Stykkishólmi árin 1974-1991 og aftur 2014-2018. Sturla hefur verið ritstjóri Snæfells, blaðs sjálfstæðismanna á Vesturlandi síðan 1983.

Sturla var sæmdur stórriddarakrossi Hinnar íslensku fálkaorðu árið 2007 fyrir störf í opinbera þágu.

Fyrirrennari: Halldór Blöndal	Samgönguráðherra (28. maí 1999 – 24. maí 2007)	Eftirmaður: Kristján L. Möller
Fyrirrennari: Sólveig Pétursdóttir	Forseti Alþingis (31. maí 2007 – 4. febrúar 2009)	Eftirmaður: Guðbjartur Hannesson

  Þetta æviágrip er stubbur. Þú getur hjálpað til með því að bæta við greinina.