Kristinn H. Gunnarsson

Kristinn Halldór Gunnarsson (f. 19. ágúst 1952 í Reykjavík) var alþingismaður fyrir Vestfjarðakjördæmi og Norðvesturkjördæmi á árunum 1991-2009.

Kristinn H. Gunnarsson (KHG)
Formaður sjávarútvegsnefndar
Í embætti 1998–1999
Formaður iðnaðarnefndar
Í embætti 2003–2004
Þingflokksformaður (Framsfl.)
Í embætti 1999–2003
Þingflokksformaður (Frjálsl.)
Í embætti 2007–2008
Alþingismaður
frá til  kjördæmi    þingflokkur 1991 1998  Vestfjarðakjördæmi  Alþýðub. 1998 2003  Vestfjarðakjördæmi  Framsóknarfl. 2003 2007  Norðvesturkjördæmi  Framsóknarfl. 2007 2009  Norðvesturkjördæmi  Frjálslyndi flokkurinn
Persónulegar upplýsingar
Fæddur	19. ágúst 1952 (1952-08-19) Reykjavík
Vefsíða	http://www.kristinn.is/
Æviágrip á vef Alþingis

Kristinn lauk stúdentsprófi frá Menntaskólanum í Reykjavík árið 1972 og BS-gráðu í stærðfræði frá Háskóla Íslands árið 1979. Hann hóf feril sinn í stjórnmálum hjá Alþýðubandalaginu en hann var bæjarfulltrúi fyrir flokkinn í bæjarstjórn Bolungarvíkur á árunum 1982-1998. 1991 náði hann kjöri á Alþingi í Vestfjarðakjördæmi. 1998 sagði hann skilið við Alþýðubandalagið, gekk í Framsóknarflokkinn og náði kjöri fyrir hann í kosningunum 1999. Síðan 2003 hefur Kristinn verið þingmaður Norðvesturkjördæmis. Samstarf Kristins og þingflokks Framsóknarflokksins var oft örðugt en hann lét gjarnan í ljós aðrar skoðanir á málum eins og fjölmiðlamálinu og Íraksmálinu en aðrir þingmenn flokksins. Í september 2004 ákvað þingflokkurinn að Kristinn myndi ekki sitja í neinum nefndum fyrir flokkinn vegna „trúnaðarbrests“ milli flokksins og hans. Á þingflokksfundi í maí 2005 var það þó samþykkt að Kristinn tæki sæti í tveimur nefndum. Í prófkjöri Framsóknarflokksins í Norðvesturkjördæmi fyrir alþingiskosningarnar 2007 bauð Kristinn sig fram í fyrsta sæti listans gegn Magnúsi Stefánssyni félagsmálaráðherra en beið lægri hlut og lenti raunar í þriðja sæti. Skömmu síðar gekk hann til liðs við Frjálslynda flokkinn og tók annað sætið á lista frjálslyndra í norðvestri á eftir formanninum Guðjóni Arnari Kristjánssyni. Í kosningunum 2007 náði hann svo kjöri fyrir þriðja stjórnmálaaflið á sínum þingmannsferli. Hann var ekki í kjöri í alþingiskosningunum 2009 eftir að hann sagði skilið við Frjálslynda flokkinn og reynt fyrir sér í prófkjöri Framsóknarflokksins þar sem hann lenti í 8. sæti af 9 frambjóðendum.

Tenglar

• Heimasíða
• Æviágrip á althingi.is