Hildur Guðnadóttir
Hildur Ingveldardóttir Guðnadóttir (f. 4. september 1982) er íslenskt tónskáld og tónlistarmaður. Hildur ólst upp í Hafnarfirði[1] og er menntaður sellóleikari. Hún hefur spilað með hljómsveitunum Pan Sonic, Throbbing Gristle, Woofer, Rúnk, Múm og Stórsveit Nix Noltes. Hún hefur jafnframt leikið á tónleikum með Animal Collective og Sunn O))).
| Hildur Guðnadóttir | |
| |
| Hildur Guðnadóttir árið 2007. | |
| Fæðingarnafn | Hildur Guðnadóttir |
|---|---|
| Fædd | 4. september 1982 |
| Uppruni | Íslensk |
| Hljóðfæri | Selló og ásláttarhljóðfæri |
| Vefsíða | https://www.hildurness.com |
FerillBreyta
1997 stofnaði Hildur ásamt vinum sínum úr Hafnarfirði sveitina Woofer sem tók þátt í Músíktilraunum það sama ár. Woofer komumst í úrslit en náðu ekki verðlaunasæti þrátt fyrir að vekja athygli. Í kjölfarið kom út þriggja laga smáskífan Táfýla. Haustið 1997 kom svo út eina stóra plata sveitarinnar sem bar sama nafn og hljómsveitin, Woofer.
Hildur stofnaði árið 2001 hljómsveitina Rúnk ásamt Svavari Pétri Eysteinssyni (Prins Póló), Benedikt Hermanni Hermannssyni (Benni Hemm Hemm), Birni Kristjánssyni (Borko) og Ólafi Birni Ólafssyni. Þá um jólin gaf sveitin út jólaplötuna Jólin eru og ári síðar plötuna Gengi Dahls sem naut talsverðra vinsælda. Sveitin kom að stofnun tónlistarhátíðarinnar Innipúkinn.
Árið 2006 gaf Hildur út sólóplötu undir titlinum Lost in Hildurness, sem var síðar endurútgefin með titlinum Mount A. Á plötunni spilaði Hildur sjálf á öll hljóðfærin og stjórnaði hljóðupptökunum.[2] Platan var tekin upp í New York-borg og á Hólum í Hjaltadal. Árið 2009 gaf hún út aðra sólóplötu sína, Without Sinking, hjá bresku tónlistarútgáfunni Touch Music.
Auk þess að spila á selló er Hildur einnig söngvari og kórstjóri. Hún hefur meðal annars stýrt kór á tónleikum Throbbing Gristle í Austurríki og London. Árið 2006 samdi Hildur undirleik fyrir leikritið Sumardag sem sýnt var í Þjóðleikhúsinu.[3] Hún hefur einnig samið tónlist fyrir dönsku kvikmyndina Kapringen (2012),[4][5] kvikmyndina Mary Magdalene (2018) (í samstarfi við Jóhann Jóhannsson),[6] Sicario: Day of the Soldado (2018) og sjónvarpsþáttaröðina Chernobyl (2019). Hún samdi einnig tónlistina fyrir kvikmyndina Joker árið 2019 og vann fyrir hana Premio Soundtrack Stars-verðlaunin á kvikmyndahátíðinni í Feneyjum sama ár.[7]
Í nóvember 2019 var Hildur tilnefnd til Grammy-verðlauna fyrir tónlist sína í Chernobyl.[8] Hún vann verðlaunin á Grammy-verðlaunahátíðinni þann 26. janúar 2020.[9]
Árið 2020 vann hún Golden Globe-verðlaun fyrir tónlist við kvikmyndina Joker og var fyrsta konan til að hljóta þessi verðlaun í 19 ár. [10] Þann 13. janúar sama ár var hún jafnframt tilnefnd til Óskarsverðlauna fyrir tónlistina úr myndinni. Hildur er sjöundi Íslendingurinn sem hefur hlotið tilnefningu til Óskarsverðlaunanna.[11] Hildur vann Óskarsverðlaunin fyrir bestu frumsömdu tónlistina og varð fyrsti Íslendingurinn til að vinna Óskarsverðlaun. Hildur er jafnframt fjórða konan frá upphafi sem hefur unnið Óskarsverðlaun fyrir frumsamda kvikmyndatónlist[12] en er fyrsta konan sem hlýtur þau ein.
Hildur var sæmd riddarakrossi Hinnar íslensku fálkaorðu fyrir framlag til íslenskrar og alþjóðlegrar tónlistar þann 17. júní 2020.[13]
FjölskyldaBreyta
Foreldrar Hildar eru Ingveldur Guðrún Ólafsdóttir óperusöngvari og Guðni Franzson tónskáld og klarinettuleikari. Eiginmaður Hildar er bandaríska tónskáldið Sam Slater. Hildur á einn son.[1] Föðuramma Hildar var Margrét Guðnadóttir (1929-2018) læknir og veirufræðingur og fyrsta konan sem skipuð var prófessor við Háskóla Íslands.
Útgefin verkBreyta
SólóplöturBreyta
- Mount A (sem Lost in Hildurness) (12 Tónar 2006)
- Without Sinking (Touch 2009), gefin út á vínylplötu með viðbótum 2011
- Mount A (sem Hildur Guðnadóttir) (Touch 2010)
- Leyfðu Ljósinu (Touch, 2012), með fjölrásaútgáfu á USB[14]
- Saman (Touch, 2014), með vínylútgáfu
SamstarfsplöturBreyta
- Rúnk – Ghengi Dahls (Flottur kúltúr og gott músik) 2001
- Mr. Schmucks Farm – Good Sound (Oral 2005)
- Stórsveit Nix Noltes – Orkídeur Hawai (12 Tónar/Bubblecore 2005)
- Angel og Hildur Guðnadóttir – In Transmediale (Oral 2006)
- Hildur Guðnadóttir með Jóhanni Jóhannssyni – Tu Non Mi Perderai Mai (Touch 2006)
- Nico Muhly – Speaks volumes (Bedroom Community 2006)
- Valgeir Sigurðsson – Equilibrium Is Restored (Bedroom Community 2007)
- Ben Frost – Theory of Machines (Bedroom Community 2006)
- Skúli Sverrisson – Sería (12 Tónar 2006)
- Pan Sonic – Katodivaihe/Cathodephase (Blast First Petite 2007)
- Múm – Go Go Smear the Poison Ivy (Fat Cat 2007)
- Hildur Guðnadóttir, BJ Nilsen and Stilluppsteypa – Second Childhood (Quecksilber 2007)
- Múm - Sing Along to Songs You Don't Know (Morr Music 2009)
- The Knife – Tomorrow, In a Year (2010)
- Wildbirds & Peacedrums – Rivers (The Leaf Label 2010)
- Sōtaisei Riron + Keiichirō Shibuya – Blue (Strings Edit) feat. Hildur Guðnadóttir (Commmons 2010)[15]
- Skúli Sverrisson – Sería II (Sería Music 2010)
- Hauschka – Pan Tone (Sonic Pieces 2011)
- Múm - Smilewound (Morr Music 2013)
- Craig Sutherland – Strong Island (2017)[16]
- Sunn O))) – Life Metal (2019)
- Sunn O))) – Pyroclasts (2019)
KvikmyndatónlistBreyta
| Ár | Titill | Leikstjóri | Athugasemdir |
|---|---|---|---|
| 2011 | The Bleeding House | Philip Gelatt | Tónskáld |
| 2012 | Kapringen | Tobias Lindholm | |
| Astro: An Urban Fable in a Magical Rio de Janeiro | Paula Trabulsi | ||
| 2013 | Jîn | Reha Erdem | |
| Prisoners | Denis Villeneuve | Einleikur á selló | |
| 2015 | Sicario | ||
| The Revenant | Alejandro G. Iñárritu | ||
| 2016 | Eiðurinn | Baltasar Kormákur | Tónskáld |
| Arrival | Denis Villeneuve | Einleikur á selló | |
| 2017 | Tom of Finland | Dome Karukoski | Tónskáld ásamt Lasse Enersen |
| Journey's End | Saul Dibb | Tónskáld ásamt Natalie Holt | |
| 2018 | Mary Magdalene | Garth Davis | Tónskáld ásamt Jóhanni Jóhannssyni Percussions |
| Sicario: Day of the Soldado | Stefano Sollima | Tónskáld | |
| 2019 | Joker | Todd Phillips |
SjónvarpsefniBreyta
| Ár | Titill | Framleiðandi | Þættir | Athugasemdir |
|---|---|---|---|---|
| 2013 | Graduates – Freedom Is Not For Free | Hailstone | Tónskáld Heimildarmynd | |
| 2014 | Så meget godt i vente | Danish Documentary Production | ||
| Ming Of Harlem: Twenty One Storeys In The Air |
|
|||
| 2015-2018 | Ófærð | RÚV | 20 | Tónskáld ásamt Jóhanni Jóhannssyni & Rutger Hoedemaekers |
| 2017 | Strong Island | Netflix | Tónskáld Heimildarmynd | |
| The Departure | Pandora | Tónskáld, viðbótartónlist Heimildarmynd | ||
| 2018 | Street Spirits | V71 | Tónskáld ásamt Eric Papky Heimildarþættir | |
| 2019 | Chernobyl | HBO (í Bandaríkjunum) Sky (á Bretlandi) |
5 | Tónskáld |
TilvísanirBreyta
- ↑ 1,0 1,1 Kristín Ólafsdóttir (6. janúar 2020) „Hollywood-tónskáldið úr Hafnarfirði“ Visir, (Sótt 27. janúar 2020)
- ↑ „Fékk plötu með eigin tónlist í afmælisgjöf“. Dagblaðið Vísir. 22. september 2006. Sótt 17. október 2019.
- ↑ „12 Tónar - Hildur Guðnadóttir“. Afrit af upprunalegu geymt þann 10. október 2007. Sótt 17. október 2019.
- ↑ „Musikpris 2014 - Hildur Guðnadóttir“. Afrit af upprunalegu geymt þann 15 June 2014. Sótt 29. september 2017.
- ↑ „Hildur Guðnadóttir - IMDb“. imdb.com. Sótt 4. nóvember 2015.
- ↑ „Johann Johannsson's Death Leaves Friends Shocked, Questions Unanswered“. Sótt 25. mars 2017.
- ↑ „Hildur Gudnadottir to Score Todd Phillips' 'Joker' Origin Movie“. Film Music Reporter. Sótt 20. september 2018.
- ↑ Kristín Ólafsdóttir (20. nóvember 2019). „Hildur tilnefnd til Grammy-verðlauna“. Vísir. Sótt 20. nóvember 2019.
- ↑ Sylvía Rut Sigfúsdóttir (27. janúar 2020). „Hildur ljómaði á Grammy hátíðinni“. Vísir. Sótt 27. janúar 2020.
- ↑ Lygileg sigurganga Hildar GuðnadótturRúv, skoðað 6. janúar, 2020
- ↑ Stefán Árni Pálsson (13. janúar 2020). „Hildur Guðnadóttir tilnefnd til Óskarsverðlauna“. Vísir. Sótt 13. janúar 2020.
- ↑ Kristín Ólafsdóttir (10. febrúar 2020). „Hildur Guðnadóttir vann Óskarsverðlaun“. Vísir. Sótt 10. febrúar 2020.
- ↑ Bjarni Pétur Jónsson (17. júní 2020). „Þríeykið fékk fálkaorðuna“. RÚV. Sótt 17. júní 2020.
- ↑ Sigyn Jónsdóttir (15. júní 2012). „„Vil ekki rugla í rýminu““. Morgunblaðið. Sótt 10. febrúar 2020.
- ↑ natalie.mu. (Japanese) 1. desember 2009. Skoðað 5. janúar 2012.
- ↑ „Strong Island“. Yanceville Films, LLC. 2016. Sótt 25. mars 2018.