Þórunn Sveinbjarnardóttir

Þórunn Sveinbjarnardóttir (f. 22. nóvember 1965 í Reykjavík) er alþingismaður Samfylkingarinnar í Suðvesturkjördæmi og fyrrverandi umhverfisráðherra.

Þórunn Sveinbjarnardóttir (ÞSv)
Umhverfisráðherra Íslands
Í embætti 24. maí 2007 – 1. febrúar 2009
Forsætisráðherra	Geir Haarde
Forveri	Jónína Bjartmarz
Eftirmaður	Kolbrún Halldórsdóttir
Alþingismaður
frá til  kjördæmi    þingflokkur 1999 2003  Reykjanes  Samfylking 2003 2011  Suðvestur  Samfylking 2021    Suðvestur  Samfylking
Persónulegar upplýsingar
Fædd	22. nóvember 1965 (1965-11-22) Reykjavík
Stjórnmálaflokkur	Samfylkingin
Börn	1
Æviágrip á vef Alþingis

Þórunn var fyrst kosin á þing fyrir Samfylkinguna árið 1999 og sat á þingi til ársins 2011. Árið 2021 snéri hún aftur í pólitíkina og var kosin á þing í alþingiskosningunum sama ár.

Nám og störf

Þórunn lauk stúdentsprófi frá Menntaskólanum í Reykjavík árið 1984 og BA-gráðu í stjórnmálafræði frá Háskóla Íslands árið 1989. Hún stundaði framhaldsnám við Johns Hopkins University, Paul H. Nitze School of Advanced International Studies og lauk námi í alþjóðastjórnmálafræði árið 1990. Þórunn var framkvæmdastjóri Samtaka um kvennalista á árunum 1992-1995. Hún hefur einnig gegnt ýmsum störfum fyrir Rauða krossinn, bæði á Íslandi og á alþjóðavettvangi. Hún var annar tveggja kosningastjóra Reykjavíkurlistans fyrir borgarstjórnarkosningarnar árið 1998 og starfaði sem blaðamaður á Morgunblaðinu frá 1998-1999. Hún var kosin á þing fyrir Samfylkinguna árið 1999 og var þingmaður til ársins 2011. Hún var umhverfisráðherra í ríkisstjórn Geirs H. Haarde frá 2007-2009. Eftir að hún lét af þingmennsku starfaði hún m.a. sem aðstoðarmaður Árna Páls Árnasonar formanns Samfylkingarinnar og síðar sem framkvæmdastjóri flokksins. Frá árinu 2015-2021 var hún formaður Bandalags háskólamanna.

Tilvísanir

Fyrirrennari: Jónína Bjartmarz

Umhverfisráðherra (24. maí 2007 – 1. febrúar 2009)

Eftirmaður: Kolbrún Halldórsdóttir