Serbía og Svartfjallaland
Serbía og Svartfjallaland var samband tveggja fyrrum lýðvelda Júgóslavíu: Serbíu og Svartfjallalands. Þessi tvö voru þau einu af 6 lýðveldum Sósíalíska sambandslýðveldisins Júgóslavíu sem ekki höfðu sagt skilið við það á árunum 1991-1992 en hin fjögur voru Slóvenía, Króatía, Bosnía og Hersegóvína og Makedónía. Upphaflega hét ríkið Sambandslýðveldið Júgóslavía en því var breytt með nýrri stjórnarskrá sem tók gildi 2003.
| Serbía og Svartfjallaland | |
| Србија и Црна Гора | |
.svg)
|
|
| Fáni | Skjaldarmerki |
| Þjóðsöngur: Hej Sloveni | |
| |
| Höfuðborg | Belgrad |
| Opinbert tungumál | Serbneska (með kyrilísku letri) |
| Stjórnarfar | Lýðveldi |
| ' | |
| • Stofnun | 23. apríl 1992 |
| • Upplausn | 3. júní 2006 |
| Flatarmál • Samtals • Vatn (%) |
105. sæti 102.350 km² 0,25 |
| Mannfjöldi • Samtals (2000) • Þéttleiki byggðar |
10.662.087 104/km² |
| Gjaldmiðill | Í Serbíu: dínari, Í Svartfjallalandi og Kósavó: evra |
| Tímabelti | UTC +1 |
| Þjóðarlén | .yu |
| Landsnúmer | +381 |
Með nýju stjórnarskránni var samstarf Serbíu og Svartfjallalands takmarkað við afmörkuð svið (t.d. varnarmál) en þau ráku sjálfstæða efnahagsstefnu og notuðu mismunandi gjaldmiðla. Í stjórnarskránni voru einnig ákvæði um að bæði ríkin gætu farið fram á að sambandinu yrði slitið ef það væri samþykkt í þjóðaratkvæðagreiðslu sem hægt væri að halda í fyrsta lagi árið 2006. Slík atkvæðagreiðsla fór fram í Svartfjallalandi 21. maí það ár og lýsti Svartfjallaland formlega yfir sjálfstæði 3. júní og batt þannig enda á sambandið við Serbíu. Serbneska þingið lýsti því svo yfir 5. júní að Lýðveldið Serbía væri arftaki sambandsins.
