Wikipedia

John Lydon

(Endurbeint frá Johnny Rotten)

John Joseph Lydon (fæddur 31. janúar 1956) er enskur tónlistarmaður. Hann var meðlimur bresku pönksveitarinnar Sex Pistols. Sviðsnafn hans var Johnny Rotten. Hann er giftur Nora Forrester og eiga þau engin börn.

John Lydon (2010)

Æviágrip

breyta

Æska

breyta

John Joseph Lydon er fæddur 31. Janúar 1956 í London á Englandi. Lydon ólst upp í félagsmálaíbúð í Finsbury Park ásamt írskum foreldrum sínum og þremur yngri bræðrum. Þau voru kaþólikkar. Þegar Lydon var 7 ára fékk hann heilahimnubólgu sem orsakaði það að hann var í dái í hálft ár og þegar hann vaknaði mundi hann ekkert frá sínu fyrra lífi. Heilahimnubólgan og dáið ullu því að hann varð á eftir í skóla og gáfu honum einnig þetta starandi augnaráð sem seinna varð nokkurs konar einkenni hans. Oftar en einu sinni var honum vísað úr skóla fyrir „ruddalega“ og (of) hreinskilna framkomu eða einfaldlega klippinguna sem hann var með. Hann kom sér auðveldlega í vandræði og var viðriðinn ýmsa smáglæpi.

Sex Pistols

breyta

Lydon var oft í búð Malcolm McLaren, SEX, (sem var eins konar kynlífsleiktækja/hjálpartækja-búð) sem var að reyna að koma nýrri hljómsveit sem kallaðist Sex Pistols á kortið. Hann tók eftir Johnny þegar hann var í Pink Floyd bol sem krassað var á fyrir ofan 'Pink Floyd', orðin „I hate“. McLaren bauð Lydon að koma í áheyrnarpróf sem hann fór í og söng Eighteen eftir Alice Cooper ásamt glymskrattanum. Lydon var fljótt gefið sviðsnafnið Rotten út af því hversu hræðilegar tennurnar í honum voru (og eru).

Sex Pistols gaf út lagið God Save the Queen á silfurvaldaafmæli Elísabetu Drottningar II árið 1977. Þetta lag olli svo mikilli ringulreið og reiði almennings að eitt sinn var ráðist á Lydon úti á götu og hníf var stungið í löppina á honum, öðrum nánast í gegnum hendina og hann skorinn í andlitið með glerbroti. Það fyrsta sem gert var þegar hann kom á sjúkrahúsið var að hringja í lögregluna svo að hægt væri að kæra hann fyrir upptök af átökum.

Lydon samdi texta nokkurra laga sveitarinnar s.s. Anarchy In the U.K., No Fun og Liar. Hann var eini söngvari hljómsveitarinnar og spilaði ekki á hljóðfæri.

Lydon mælti með vini sínum John Simon Ritchie-Beverly (Sid Vicious) sem bassaleikara þegar Glen Matlock yfirgaf Sex Pistols. það var einmitt Lydon sem nefndi hann Sid Vicious eftir hamstrinum sínum (Sid the Vicious) sem beit Ritchie.

Árið 1978 hættu Sex Pistols starfsemi.

Public Image Ltd.

breyta

1978 stofnaði Lydon hljómsveitina Public Image Limited, sem entist í fjórtán ár. Sveitin var lofuð fyrir „mér er alveg sama hvað þér finnst“ viðhorfið og hversu tónlistin þeirra var öðruvísi.

Framkoma hljómsveitarinnar í sjónvarpsþættinum American Bandstand er orðin að hálfgerðri goðsögn, en Rotten gafst upp á að mæma (e. miming/ lipsync) og fór bara af sviðinu og dansaði með áhorfendum í staðinn. Hljómsveitinni gekk ágætlega á breskum vinsældalistum en var oft slegin niður af endurútgefnum Sex Pistols lögum.

John Lydon í seinni tíð

breyta

Lydon hefur tekist á við ýmis verkefni í seinni tíð. Hann hefur meðal annars komið fram í heimildamyndinni The Sex Pistols: The filth and the fury. Hann lék einnig í myndinni Copkiller þar sem hann fór með hlutverk geðbilaðs ríks „drengs“.

John gaf út ævisögu sína Rotten: No Irish, No Blacks, No Dogs árið 1994.

Framkoma í sjónvarpi og myndum

breyta

John hefur komið fram í fleiri myndum og þáttum sem verða taldir upp hér:

Útgefnir diskar

breyta

Diskar sem John Lydon hefur verið á eða gefið út:

Tenglar

breyta
Sótt frá „https://is.wikipedia.org/w/index.php?title=John_Lydon&oldid=1875875“