Héruð í Svíþjóð

Svíþjóð skiptist í 25 héruð. Þau eiga uppruna sinn í forsögulegum tíma. Á 17. öld urðu sýslurnar í staðinn opinberar stjórnsýslueiningar. Héruðin hafa þó ennþá opinbera stöðu, sem lýsir sér á opinberum skjaldarmerkjum og í hertogatitlum kóngafólksins. Héruðin gegna líka hlutverki í menningararfi Svía.

25 héruð Svíþjóðar. Blár litur: héruð í Gautlandi, gulur litur: héruð í Svíaríki, ljósbrúnn litur: héruð í Norðurlandi

Saga

Í Svíþjóð eru 25 héruð (landskap) sem eiga rætur sínar að rekja til forntímans, en líklegt er að þau séu eldri en Svíþjóð sem ríki. Jafnvel á miðöldum störfuðu mörg héruð (þau nefndust líka „lönd“) sem sjálfstæðar stjórnareiningar með sér héraðslög og þing. Héruðin öll tilheyra einum af þremur landshlutum: Gautland, Svíaríki og Norðurland. Þar að auki var Finnland, sem var hluti af Svíþjóð til ársins 1809. Norðurhluti Finnlands tilheyrði Norðurlandi og afgangurinn „Austurlandi“; miðaldaorð yfir nútímalega Finnland sem fór úr tísku á tíma Kalmarsambandsins.

Héruð

Skjaldarmerki	Heiti	Landshluti	Flatarmál (km²)
	Angurmannaland	Norðurland	19.800
	Austur-Gautland	Gautland	9.979
	Blekinge	Gautland	2.941
	Bohuslän	Gautland	4.473
	Dalir	Svíaríki	29.086
	Dalsland	Gautland	3.708
	Eyland	Gautland	1.342
	Gotland	Gautland	3.140
	Gästrikland	Norðurland	4.181
	Halland	Gautland	4.786
	Helsingjaland	Norðurland	14.264
	Herjadalur	Norðurland	11.954
	Jamtaland	Norðurland	34.009
	Lappland	Norðurland	109.072
	Medelpad	Norðurland	7.058
	Norðurbotn	Norðurland	26.671
	Närke	Svíaríki	4.126
	Skánn	Gautland	11.027
	Smálönd	Gautland	29.330
	Suðurmannaland	Svíaríki	8.388
	Uppland	Svíaríki	12.676
	Vermaland	Svíaríki	18.204
	Vesturbotn	Norðurland	15.093
	Vesturmannaland	Svíaríki	8.363
	Vestur-Gautland	Gautland	16.676

  Þessi Svíþjóðargrein er stubbur. Þú getur hjálpað til með því að bæta við greinina.